Daniel 4:16 - Ti Baro a Naimbag a Damag Biblia

¹⁶ Masuktanto ti panunotna ket agpanunotto a kas animal agingga a lumabas ti pito a tawen.

Ti Biblia (1973)

¹⁶ Masucatan coma ti pusona a natao-an ket maiccan coma iti puso ti animal; ket aglabasda coma kencuana dagiti nagcapito a pannawen.

Daniel 4:16 Iomraidhean Croise

2 Samuel 18:32

“Kumusta ni agtutubo nga Absalom? Awan met la nakaan-anoanna?” sinaludsod ti ari. Insungbat ti taga-Etiopia, “Sapay koma ta lak-amen dagiti kabusormo, apo, ken amin nga immalsa a maibusor kenka ti linak-am daytoy nga agtutubo.”

Isaias 6:10

Ket kinunana kaniak, “Pagkunengem ti panunot dagitoy a tattao, pagtulengem ken pagbulsekem ida tapno dida makakita wenno makangngeg wenno makaawat. Ta no saanmo nga aramiden, amangan no agsublida kaniak ket maimbaganda.”

Daniel 11:13

“Mangummongto manen ti ari ti Siria iti adu a mannakigubat ket maaddaanto iti dakdakkel nga armada. Kalpasan iti sumagmamano a tawen, rumautto manen agraman ti dakkel nga armada a naan-anay ti pannakaarmasna.

Daniel 12:7

Ingngato ti anghel dagiti imana sadi langit ket nagsapata iti nagan ti Agnanayon a Dios. Nangngegko a kinunana, “Tallo ket gudua a tawen. Inton agpatinggan ti pannakaidadanes dagiti tattao ti Dios, mapasamakto aminen dagitoy a bambanag.”

Daniel 4:23

Idi buybuyaem ti kayo, Natan-ok nga Ari, adda anghel a naggapu sadi langit. Imbagana a pukanem ti kayo ket dadaelem, ngem ibatim ti pungdolna ken parautam iti landok ken bronse. Imbagana pay a bay-am nga agyan daytoy a tao iti tay-ak ken malinnaawan ken makipagyan kadagiti animal iti uneg ti pito a tawen.”

Daniel 4:25

Maibellengkanto iti tay-ak ket agyankanto sadiay a kaduam dagiti atap nga animal. Pitonto a tawen a mangmanganka iti ruot a kas iti baka ken maturog iti ruar a malinlinnaawan. Kalpasanna, annugotemto nga iturayan ti Dios a Kangatoan ti amin a pagarian ti tao ken mabalinna nga isaad nga ari ti siasinoman a pilienna.

Daniel 7:25

Agsaonto iti maibusor iti Kangatoan a Dios, ket idadanesnanto dagiti tattao ti Dios. Kayatnanto a baliwan dagiti linteg ken dagiti panawen. Tallonto ket kagudua a tawen nga iturayanna dagiti tattao ti Dios.

Daniel 7:28

Daytoy ti pagpatinggaan ti pakasaritaan ti napasamak. Kasta unay ti butengko isut' gapuna a bimsagak ngem awan nangibagbagaak iti daytoy.

Hebreo 1:11

Mapukawdanto, ngem mataginayonka. Dumaandanto amin a kas pagan-anay.

Paltiing 12:14

Ngem naikkan ti babai iti dua a payak ti dakkel nga agila tapno makatayab a mapan iti lugarna idiay let-ang. Sadiayto ti pakataripatoanna iti uneg ti tallo ket gudua a tawen tapno malisianna ti pungtot ti uleg.