Daniel 3:6 - Ti Baro a Naimbag a Damag Biblia

⁶ No adda saan nga agpakleb ken di agdaydayaw, maitappuakto a dagus iti gumilgil-ayab nga urno.”

Ti Biblia (1973)

⁶ Ket siasinoman a di agpacleb ken agdaydayaw iti dayta met la nga horas maitappuacto iti tengnga ti sumsumged ken dumardarang nga horno.

Daniel 3:6 Iomraidhean Croise

Genesis 19:28

Manipud sadiay, tinannawaganna ti Sodoma ken Gomorra ken ti entero a tanap. Nakitana ti agpangpangato a napuskol nga asuk a kasla naggapu iti dakkel nga urno.

Exodo 20:5

Dika agrukbab wenno agdaydayaw iti uray ania a kinitikitan a ladawan agsipud ta siak, ni Yahweh a Diosmo, ket managimonak. Dusaek dagiti gumura kaniak, agraman dagiti annakda agingga iti maikatlo ken maikapat a kaputotan.

Isaias 44:17

Ti nabati iti kayo, aramidenna nga imahen. Agdumog ket pagdaydayawanna. Pagkararaganna ket kunana, “Sika ti diosko—isalakannak!”

Jeremias 29:22

No adda kadagiti tattao a naipanaw iti Jerusalem a kas balud a naipan dita Babilonia ti agtarigagay a mangilunod iti siasinoman, kunananto, ‘Aramiden koma kenka ti Apo ti kas iti inaramidna kada Zedekias ken Ahab a sibibiag a pinuoran ti ari ti Babilonia.’

Daniel 2:5

Kinuna ti ari kadakuada, “Naikeddengkon a no diyo maibaga kaniak ti tagtagainep ken ti kaipapananna, marangrangkaykayto ket marakrakto pay dagiti balbalayyo.

Daniel 3:11

Siasinoman a di agrukbab ken agdaydayaw, maitappuak iti gumilgil-ayab nga urno.

Daniel 3:15

Ita ngarud, apaman a mangngegyo ti uni ti trumpeta, flauta, lira, sakabutse ken arpa, ken dagiti dadduma nga instrumento, agrukbab ken agdaydayawkayo iti estatua. Ngem no dikay agdaydayaw, maitappuakkayo a dagus iti gumilgil-ayab nga urno. Kitaek man no adda dios a makaisalakan kadakayo.”

Daniel 3:21

Rineppetda ngarud ida a sikakawes—bado, kagay, kallugong ken amin nga adda iti bagida—ket impurruakda ida iti gumilgil-ayab nga urno.

Daniel 3:7

Ngarud, idi mangngeg dagiti tattao ti uni dagiti instrumento, nagpakleb dagiti tattao iti amin a nasion, puli ken pagsasao ket nagdaydayawda iti estatua a balitok nga impasdek ni Ari Nebucadnesar.

Daniel 5:19

Gapu iti nagpaiduma a pannakabalinna, nagbuteng ken nagtigerger iti sangoananna dagiti amin a tattao ti nadumaduma a puli ken pagsasao. Pinapatayna dagiti kayatna a mapapatay ket inispalna dagiti kayatna a maispal. Intan-okna dagiti kayatna nga itan-ok ket impababana dagiti kayatna nga ipababa.

Daniel 6:7

Nagnunummoanmi amin a papangulo iti pagarian, dagiti mangimaton, dagiti gobernador, dagiti agtuturay ken dagiti dadduma nga ofisiales a dawatenmi kenka, O Ari, a mangipaulogka iti bilin nga inkapilitan ti pannakatungpalna. Ibilinmo nga iti las-ud ti tallopulo nga aldaw manipud ita, awan ti mapalubosan nga agkararag iti uray ania a didiosen wenno tao malaksid kenka, Natan-ok nga Ari. Madusa ti mangsalungasing iti daytoy a bilin, ket maitappuak iti rukib a napno iti leon.

San Mateo 13:42

Isebbadanto ida iti gumilgil-ayab nga apuy. Sadiay, agsasangit ken agngangaretngetdanto.

San Mateo 13:50

Isebbadanto dagiti dakes iti gumilgil-ayab nga apuy. Sadiay, agsasangit ken agngaretngetdanto.”

San Mateo 4:9

“Itedko kenka amin dagitoy,” kinuna ti Diablo, “no agparintumeng ken agdaydayawka kaniak.”

San Marcos 6:27

Iti kasta, binilinna a dagus ti maysa a guardia nga yegna ti ulo ni Juan. Napan ti guardia idiay pagbaludan ket pinutolanna ni Juan.

Paltiing 14:11

Agnanayon nga awan inggana ti panagpangato ti apuy a mangparparigat kadakuada. Aldaw ken rabii nga awan inana dagiti nagdaydayaw iti narungsot nga animal ken iti ladawanna, ken dagiti namarkaan iti naganna.”

Paltiing 9:2

Idi luktanna ti yuyeng, rimmuar ti asuk a kasla iti asuk a naggapu iti dakkel nga urno. Nagsipnget ti init ken ti tangatang gapu iti asuk.