Daniel 3:1 - Ti Baro a Naimbag a Damag Biblia

¹ Nagpaaramid ni Ari Nebucadnesar iti estatua a balitok nga agtayag iti 27 a metro ken tallo a metro ti kaakabana. Pinaipasdekna daytoy iti tanap ti Dura, iti probinsia ti Babilonia.

Ti Biblia (1973)

¹ Ni ari Nabucodonosor nangaramid ti maysa a ladawan a balitoc, nga iti cangatona innem a pulo a sico, ti caacabana innem a sico: isu impatacderna iti tanap a Dura iti provincia ti Babilonia.

Daniel 3:1 Iomraidhean Croise

1 Ar-ari 12:28

Kalpasan ti panangad-adalna iti daytoy a banag, nangsukog iti dua a sinan-baka a balitok. Kinunana kadagiti tattaona, “Dikayon agrigat pay a mapan agdaydayaw idiay Jerusalem. Tattao ti Israel, adtoy dagiti didiosenyo a nangiruar kadakayo idiay Egipto!”

Ester 1:1

Ni Xerxes ti ari idi. Agdagup iti 127 a probinsia ti inturayanna, manipud India agingga idiay Etiopia. Idiay Susa a kabesera ti Persia ti nagturayanna nga ari.

Dagiti Salmo 135:15

Naaramid iti pirak ken balitok dagiti dios dagiti nasion, sinukog ida dagiti tattao.

Exodo 20:23

Dikay agaramid kadagiti didiosenyo a pirak wenno balitok a pagdaydayawanyo a kas iti panagdayawyo kaniak.

Exodo 32:31

Nagsubli ni Moises ken ni Yahweh ket kinunana, “Nadagsen ti basol dagitoy a tattao! Nangaramidda iti dios a balitok ket nagdaydayawda kenkuana.

Isaias 2:20

Inton dumteng dayta nga aldaw, ibellengdanto dagiti balitok ken pirak nga inaramidda a didiosenda ket bay-anda ida kadagiti marabutit ken kurarapnit.

Isaias 30:22

Alaenyonto dagiti imahen dagiti didiosenyo a nakalupkopan iti pirak ken dagiti nadigos iti balitok ket ibellengyonto ida a kas rugit. Kunayonto, “Awan serserbiyon!”

Isaias 46:6

Luktan dagiti tattao dagiti supotda ket ibukbokda dagiti balitok; timbangenda dagiti pirak. Manangdanda iti platero nga agaramid iti didiosen a pagrukbaban ken pagdaydayawanda.

Jeremias 10:9

Nakalupkopan dagiti didiosenda iti pirak a naggapu idiay Tarsis ken balitok a naggapu idiay Ufas. Aramid amin ida dagiti kumikitikit ken dagiti platero. Nakawesanda iti lumabaga ken nangingina a lupot nga inaramid dagiti agab-abel.

Jeremias 16:20

Makaaramid kadi ti tao iti diosna? Saan! Saan a pudno a dios ti aramidenda.”

Daniel 2:48

Insaadna ni Daniel iti nangato a pagtakeman. Inikkanna iti adu a sagut ket pinagbalinna a gobernador iti entero a probinsia ti Babilonia. Isu pay ti insaadna a pangulo dagiti amin a mammagbaga iti pagarian.

Daniel 2:49

Pinatgan ti ari ti kiddawna a madutokan da Sedrac, Mesac ken Abednego a mangimaton kadagiti aramid iti probinsia ti Babilonia. Nagbati ni Daniel iti palasio.

Daniel 3:14

Kinunana kadakuada, “Agpayso kadi, Sedrac, Mesac ken Abednego, a diyo kayat ti agdaydayaw iti diosko ken diyo kayat ti agrukbab iti balitok nga estatua nga impasdekko?

Daniel 3:30

Ket impangato ti ari ti saad da Sedrac, Mesac ken Abednego iti probinsia ti Babilonia.

Daniel 5:23

Nagaramidka iti maibusor iti Apo ti langit ket innalam dagiti tasa ken malukong iti Templona. Inusarmo ida a naginumam iti arak a kaduam dagiti ofisialesmo, dagiti assawam ken dagiti kamalalam. Nagdaydayawkayo kadagiti didiosen a naaramid iti balitok, pirak, bronse, landok, kayo ken bato, didiosen a di makakita wenno makangngeg ken awan ammona. Ngem dimo pinadayawan ti Dios a mangtengtengngel iti biagmo ken iti amin nga aramidmo.

Daniel 5:4

bayat ti panagdaydayawda kadagiti didiosen a naaramid iti balitok, pirak, bronse, landok, kayo ken bato.

Oseas 2:8

Pulos a dina bigbigen a siak ti mangmangted idi kenkuana iti trigo, arak, ti lana ken amin a balitok ken pirak nga inusarna iti panagdaydayawna ken ni Baal a didios.

Oseas 8:4

“Nagisaad dagiti tattaok kadagiti ari nga awan ti pammalubosko. Nangdutok kadagiti agtuturay, agtuturay a diak binendisionan, wenno inanamongan. Innalada dagiti pirak ken balitokda ket nagaramidda kadagiti imahen a puon ti pakadadaelanda.

Habakuk 2:19

Asika pay! Kunam iti maysa a kayo, “Agriingka!” wenno iti maysa a bato, “Bumangonka!” Adda aya maipaltiing kenka ti maysa nga imahen? Mabalin a nakalupkopan iti pirak ken balitok, ngem awan biagna.

Dagiti Aramid 17:29

Yantangay ta annaknatayo ti Dios, ditay koma ipagarup nga umasping ti Dios iti ladawan a balitok wenno pirak wenno bato a sinukog ti kinalaing ken kabaelan ti tao.

Dagiti Aramid 19:26

Makita ken mangngegyo a mismo ti ar-aramiden dayta a Pablo. Kunkunana a saan a dios dagiti didiosen nga aramid ti tao. Ket adun ti nakumbinsirna a mamati a pudno ti ibagbagana, saan laeng a ditoy Efeso no di pay ket iti isuamin a lugar iti probinsia ti Asia.

Deuteronomio 7:25

Puoranyo dagiti imahen a pagrukrukbabanda. Diyo aguman ti pirak ken balitok a naikalupkop kadakuada, ta no alaenyo dagitoy, isunto ti pakaipalab-oganyo ta kagura ti Apo ti panagdaydayaw kadagiti didiosen.

Paltiing 9:20

Saan a nagbabawi dagiti tattao a nakalasat kadagitoy a didigra. Dida insardeng ti panagdaydayawda kadagiti demonio ken kadagiti didiosen nga inaramidda—dagiti ladawan a balitok, pirak, bronse, bato ken kayo a di makakita, makangngeg wenno makapagna.