Daniel 2:9 - Ti Baro a Naimbag a Damag Biblia

⁹ No saanyo a maibaga ti tagtagainepko, agpapada ti dusayo. Nagnunumoanyo nga ulbodendak bareng no agbaliw ti panunotko. Ibagayo ngarud kaniak ti tagtagainep; iti kasta, maammoak no kabaelanyo pay nga ibaga ti kaipapananna.”

Ti Biblia (1973)

⁹ Ngem no dicayo ipacaammo caniac ti tagtagainep adda maymaysa laeng a linteg a maipaay cadacayo; ta nangisaganacayo cadagiti natiri ken dakes a sasao nga isawang iti saclangco agingga iti mabaliwan ti pannawen; gapuna nga ibagayo caniac ti tagtagainep, ket maammoacto a mabalinyo nga iparang caniac ti catarusanna.

Daniel 2:9 Iomraidhean Croise

1 Ar-ari 22:22

‘Kasano?’ sinaludsod ti Apo. Insungbat ti espiritu, ‘Innak kadagiti profeta ni Ahab ket pagulbodek ida amin.’ Kinuna ti Apo, ‘Inka ngaruden. Agballigikanto a mangallilaw kenkuana.’”

1 Ar-ari 22:6

Inayaban ni Ahab dagiti profeta—agarup uppat a gasutda—ket sinaludsod ti ari, “Rumbeng ngata a rautek ti Ramot?” “Rautem, pagballigiennaka ti Apo,” insungbatda.

Ester 4:11

“Mapapatay ti siasinoman a lalaki wenno babai a sumrek iti akin-uneg a paraangan tapno dumatag iti ari no saan a naayaban. Dayta ti linteg. Ammo amin daytoy dagiti mammagbaga iti ari ken dagiti tattao kadagiti probinsia. Awan ti makalisi iti daytoy a linteg malaksid no ipaturong ti ari kenkuana ti balitok a setrona ket iti kasta, saan a mapapatay. Adda makabulanen a dinak inayaban ti ari.”

Dagiti Proverbio 12:19

Saan nga agpaut ti ulbod, ngem agtalinaed iti agnanayon ti pudno.

Isaias 41:23

Tapno mapaneknekanmi a dioskayo, ibagayo no ania ti mapasamak iti masakbayan! Agaramidkayo iti naimbag wenno mangyegkayo iti didigra; pagamken ken ikkandakam iti panagbuteng.

Isaias 44:25

Pagbalinek a maag dagiti mammuyon, ket diak patuloyen ti padto dagiti mammadles. Ipakitak a saan a pudno ti sao dagiti mamasirib, ket iparangko a minamaag ti kinasiribda.

Ezekiel 13:17

Kinuna ti Apo, “Ita, anak ti tao, sangoem dagiti babbai a kailiam nga agipakpakaammo iti bukodda a padto. Babalawem ti aramidda.

Ezekiel 13:19

Ibabaindak iti imatang dagiti tattaok tapno makagun-odkayo iti sangkabassit a sebada ken sumagmamano a tinapay. Kayatyo a papatayen dagiti tattao a saan a rumbeng a matay, ket palubosanyo nga agbiag dagiti saan a rumbeng nga agbiag. Iti kasta, agsaokayo iti ulbod kadagiti tattaok ket patiendakayo.”

Ezekiel 13:6

Saan nga agpayso dagiti ipakaammoda a parmatada ken ulbod dagiti padtoda. Ibagbagada nga ipakaammoda ti mensahek ngem saanko nga imbaon ida. Namnamaenda ketdin a matungpal ti sasawenda!

Daniel 2:16

Dinagdagus ni Daniel ti napan iti ari ket kiniddawna ti ad-adu a tiempo tapno maibagana kenkuana ti kaipapanan ti tagtagainep.

Daniel 2:21

Iturayanna dagiti panawen ken tiempo; isu ti mangisaad ken mangikkat kadagiti ari. Ikkanna dagiti tattao iti sirib ken pannakaawat.

Daniel 2:8

Gapu iti daytoy, kinuna ti ari, “Husto tay kunak. Kayatyo a dadaelen ti tiempo agsipud ta makitayo a naikeddengkon ti rumbeng a mapasamak.

Daniel 3:15

Ita ngarud, apaman a mangngegyo ti uni ti trumpeta, flauta, lira, sakabutse ken arpa, ken dagiti dadduma nga instrumento, agrukbab ken agdaydayawkayo iti estatua. Ngem no dikay agdaydayaw, maitappuakkayo a dagus iti gumilgil-ayab nga urno. Kitaek man no adda dios a makaisalakan kadakayo.”

Daniel 5:28

Parsin, nabingayen ti pagariam ket naited kadagiti taga-Medo ken taga-Persia.”

Daniel 5:31

Inagaw ni Dario a taga-Media ti pagarian. (Agtawen idi ni Dario iti 62.)

Daniel 7:25

Agsaonto iti maibusor iti Kangatoan a Dios, ket idadanesnanto dagiti tattao ti Dios. Kayatnanto a baliwan dagiti linteg ken dagiti panawen. Tallonto ket kagudua a tawen nga iturayanna dagiti tattao ti Dios.

2 Taga-Corinto 2:17

Saankami a mayarig kadagiti kaaduan a mangipakpakaammo iti sao ti Dios a kasla ket tay tagilakon ti mensahena. Ngem gapu ta imbaonnakami ti Dios, sipupudnokami nga agsao iti sangoananna, kas adipen ni Cristo.