Daniel 2:11 - Ti Baro a Naimbag a Damag Biblia

¹¹ Natan-ok nga Ari, awan ti makaibaga iti sungbat ti saludsodmo malaksid dagiti didiosen, ngem saanda met a makipagtaeng kadagiti tattao.”

Ti Biblia (1973)

¹¹ Ket nasulit unay a banag a ti ari kiddawenna, ket awan sabali a macabalin a mangiparang iti sangoanan ti ari no di-laeng dagiti didios a saan nga agtaeng iti lasag.

Daniel 2:11 Iomraidhean Croise

Genesis 41:39

“Yantangay ta impakita amin ti Dios kenka dagitoy, awanen ti kas kenka a masirib ken nasaririt.

Genesis 41:8

Kabigatanna, nariribuk ti ari, isu a pinaayabanna dagiti amin a salamangkero ken mamasirib iti Egipto. Sinaritana kadakuada dagiti natagtagainepna, ngem awan ti makailawlawag ti kaipapananda.

1 Ar-ari 8:27

“Ngem pudno kadi, O Dios, nga agnaedka ditoy daga? No bassit ti langit ket dinaka malaon, kasano a malaonnaka daytoy Templo a binangonko?

2 Cronicas 6:18

“Ngem pudno aya a mabalin ti Dios ti makipagnaed kadagiti tattao ditoy daga? Di pay umanay ti entero a langit a manglaon kenka; kasano a malaonnaka daytoy Templo a binangonko?

Dagiti Salmo 132:14

“Ditoyto ti pagyanak iti agnanayon; ditoyto ti kayatko a pagturayan.

Dagiti Salmo 68:18

Ikuyogna ti adu a balud a sumang-at iti nangato a disso. Umawat kadagiti sagut nga aggapu kadagiti nasukir a tattao. Agtaengto sadiay ti Apo a Dios.

Exodo 29:45

Agtaengakto iti sidong dagiti Israelita ket siakto ti Diosda.

Exodo 8:19

Kinuna dagiti salamangkero iti ari, “Aramid ti Dios daytoy.” Ngem natangken latta ti ulo ti ari ket dina impangag da Moises ken Aaron, kas iti kinuna ni Yahweh.

Isaias 47:12

“Itultuloymo latta ti panagsalamangka ken panaganitom; inaramatmo dagitoy manipud kinaubingmo. Nalabit a matulongandakanto, nalabit a makigtotmo dagiti kabusormo.

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

Isaias 8:18

Adtoykami kadagiti annakko nga inted kaniak ti Apo a Mannakabalin-amin a naisaad ti tronona idiay Bantay Sion. Imbaonnakami a kas sibibiag a mensahe kadagiti Israelita.

Daniel 4:4

“Natalna idi ti pakinakemko nga agnanaed iti palasiok, iti baet ti narang-ay ken nabuslon a panagbiag.

Daniel 5:11

Adda lalaki ditoy pagariam a naparaburan iti espiritu dagiti nasantoan a didiosen. Idi ni tatangmo ti ari, impakita daytoy a tao a naparaburan iti nasayaat a pannakaawat, pannakaammo ken sirib a kas iti sirib dagiti didiosen. Daytoy ti gapuna a dinutokan idi ni Ari Nebucadnesar a tatangmo a mangipangulo kadagiti mammadles, salamangkero, mammuyon ken astrologo.

Numero 35:34

Diyo tulawan ti daga a pagnanaedanyo agsipud ta siak nga Apo makipagnaedak kadagiti Israelita.”

San Mateo 19:26

Minatmatan ida ni Jesus ket insungbatna, “Saan a maaramid ti tao daytoy ngem kabaelan amin ti Dios.”

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

San Juan 14:17

Isu ti Espiritu a mangipakaammo iti kinapudno maipapan iti Dios. Saan a mabalin nga awaten ti lubong daytoy nga Espiritu, agsipud ta saanna a makita wenno am-ammo. Ngem am-ammoyo, ta agtaeng kadakayo ket adda kadakayo.

San Juan 14:23

“Ti agayat kaniak, tungpalennanto dagiti saok,” insungbat ni Jesus. “Ayatento ni Amak, ket siak ken ti Ama umaykamto agtaeng kenkuana.

2 Taga-Corinto 6:16

Kasano nga agkappia ti templo ti Dios ken dagiti didiosen? Ta datayo ti templo ti sibibiag a Dios. Kas kuna ti mismo a Dios: “Agyanakto iti sidongda ket makipagnaedakto kadakuada, Siakto ti Diosda ket isudanto dagiti tattaok.”

Paltiing 21:3

Nakangngegak iti napigsa a timek a naggapu iti trono. Kunana: “Agnaeden ti Dios iti sidong dagiti tattao! Makipagtaengto kadakuada ket isudanto ti ilina. Kaduadanto ti Dios, ket isunto ti Diosda.