Daniel 12:3 - Ti Baro a Naimbag a Damag Biblia

³ Agraniagto dagiti mamasirib a kas iti lawag ti langit. Aglawagto nga agnanayon a kas kadagiti bituen dagiti nangisuro kadagiti adu a tattao nga agaramid iti naimbag.”

Ti Biblia (1973)

³ Ket dagiti mamasirib aglawagdanto a cas iti raniag ti tangatang; ket dagiti mangiragpat cadagiti adu iti kinalinteg casdanto cadagiti bitbitwen iti agnanayon nga awan ti inggana.

Daniel 12:3 Iomraidhean Croise

Exodo 34:35

ket makitada nga agranraniag ti rupana. Abungotanna met laeng ti rupana agingga a mapan makisao manen ken ni Yahweh.

Dagiti Proverbio 11:30

Biag ti ited ti kinalinteg, ngem babaen iti kinaranggas, maikkat ti biag.

Dagiti Proverbio 3:35

Dayaw ti magun-odto dagiti masirib ngem naynayonan laeng dagiti maag ti pannakaibabainda.

Dagiti Proverbio 4:18

Mayarig iti bannawag ti dalan a pagnaan dagiti nalinteg. Rumaniag a rumaniag agingga a makatangkayagen ti init.

Eclesiastes 12:9

Gapu ta adu ti ammo ti Mannursuro, imbingayna ti ammona kadagiti tattao. Inadalna dagiti pagsasao ket impasnekna a sinuot ti kinapudnoda.

Isaias 53:11

Agrag-onto manen kalpasan ti panagtutuokna; maammoannanto nga adda serbi ti panagsagabana. Isu ti nalinteg nga adipenko, awitennanto ti dusa dagiti adu, ket gapu kenkuana pakawanekto ida.

Jeremias 23:22

No naammoanda ti palimedko, impakaammoda koma ti saok kadagiti tattaok tapno pagpanawanda ti dakes a biagda ken dagiti dakes nga aramidda.

Daniel 11:33

Dagiti tattao a masirib, ibingaydanto ti kinasiribda kadagiti dadduma. Ngem iti las-ud ti sumagmamano nga aldaw, addanto dagiti matay kadakuada iti gubat ken iti apuy. Matakawan ken maibaludto ti dadduma kadakuada.

Daniel 11:35

Mapapatayto ti dadduma kadagiti masirib, ngem gapu iti daytoy, magugoran ken madalusanto dagiti tattao. Agtuloyto daytoy agingga a dumteng ti panungpalan, ti tiempo nga intuding ti Dios.

Daniel 12:10

Adunto a tattao ti magugoran ken madalusan. Saanto a makaawat dagiti managdakdakes, ngem itultuloyda ti kinadakesda. Dagitinto la masirib ti makaawat.

San Mateo 13:43

Kalpasanna, agraniagto dagiti tattao ti Dios a kas init iti Pagarian ni Amada. Dumngeg ngarud ti siasinoman nga addaan pannakaawat.”

San Mateo 19:28

Kinuna ni Jesus kadakuada, “Ibagak daytoy kadakayo: Inton agtugaw ti Anak ti Tao iti nagloriaan a tronona iti baro a lubong, dakayo a simmurot kaniak, agtugawkayto met kadagiti sangapulo ket dua a trono a mangituray kadagiti 12 a tribu ti Israel.

San Mateo 24:45

“Siasino ngarud ti mapagtalkan ken masirib nga adipen? Isu ti insaad ti apona a mangimaton kadagiti dadduma nga adipen tapno ikkanna ida iti kanen iti umisu a tiempo.

San Juan 4:36

Matangdanan ti agani ket urnongenna ti apit para iti biag nga agnanayon. Iti kasta, agpadpada nga agragsak ti agmula ken ti agani.

San Juan 5:35

Sumsumged ken agranraniag a silaw ti kayarigan ni Juan, ket iti apagbiit, kinayatyo a linak-am ti lawagna.

Dagiti Aramid 13:1

Iti iglesia idiay Antiokia, adda idi sumagmamano a profeta ken mamaestro: isuda da Bernabe, Simeon (a maaw-awagan Negro), Lucio (a taga-Cirene), Manaen (a kinaubingan ni Herodes a gobernador) ken Saulo.

1 Taga-Corinto 3:10

Babaen iti panangaramatko iti insagut ti Dios kaniak, nagtrabahoak a kas maysa a nalaing nga agpatpatakder. Impasdekko ti fondasion, ket sabali met a tao ti agpatakder iti rabawna. Ngem naannad koma ti panagpatakder ti tunggal maysa.

Taga-Efeso 4:11

Isu ti “nagited iti sagsagut iti sangkataoan.” Dinutokanna ti sumagmamano nga agbalin nga apostoles, ti dadduma profeta, ti dadduma ebanghelista, ti dadduma pastor ken maestro.

Hebreo 5:12

Adun ti limmabas a panawen ket rebbengna koma metten a dakayo ti mangisuro. Ngem saan met, ta masapulyo pay laeng ti sabali a mangisuro manen kadakayo kadagiti nasken a sursuroenyo maipapan iti Sao ti Dios. Imbes koma a ti taraon ti nataengan ti kanenyo, saan ta gatas pay laeng ti masapul nga inumenyo.

2 Pedro 3:15

Naanus ti Dios ket ibilangyo ti kinaanusna a kas gundaway nga itedna tapno maisalakankayo. Kasta met ti insurat kadakayo ni Pablo nga ingungotentayo a kabsat babaen iti panangaramatna iti kinasirib nga inted ti Dios kenkuana.

Paltiing 1:20

“Daytoy ti nalimed a kaipapanan dagiti pito a bituen nga ig-iggamak ken dagiti pito a pagsilawan a balitok: Dagiti pito a bituen isuda dagiti angheles iti pito nga iglesia, ket dagiti pito a pagsilawan a balitok isuda dagiti pito nga iglesia.”

Uk-ukom 5:31

Iti kasta, O Apo, matay koma amin a kabusormo, ngem agraniag a kas sumingising nga init dagiti gagayyemmo! Ket adda talna iti daga iti uneg ti 40 a tawen.