Daniel 12:1 - Ti Baro a Naimbag a Damag Biblia

¹ Intuloy ti anghel ti nagsao: “Iti dayta a tiempo, agparangto ni Miguel, ti naindaklan nga anghel a mangaywan kadagiti kailiam. Kalpasanna, tumaudto ti riribuk a di pay napasamak manipud pannakaipasdek dagiti nasion. Inton dumteng dayta a tiempo, maisalakanto dagiti amin a kailiam a nailanad ti naganda iti libro ti Dios.

Ti Biblia (1973)

¹ Ket iti dayta a pannawen agtacderto ni Miguel, a dackel a principe, isu nga agtacder a maipaay cadagiti annac ti ilim; ken addanto pannawen ti riribuc, isu nga awan idi uray caanoman nanipud iti caadda ti nacion agingga met laeng iti dayta a pannawen: ket iti dayta a pannawen ti ilim maispalto, tunggal maysa a masaracto a naisurat iti libro.

Daniel 12:1 Iomraidhean Croise

Dagiti Salmo 56:8

Ammom no kasano ti pannakariribukko; naimatangam met ti panagtedted dagiti luluak. Saanda aya a nailista iti bukodmo a libro?

Dagiti Salmo 69:28

Iti libro dagiti sibibiag mapunas koma ti naganda; iti listaan dagiti tattaom, mailaksidda koma.

Isaias 4:3

Maawaganto iti nasantoan dagiti amin a nabati idiay Jerusalem, dagiti pinili ti Dios a makalasat.

Isaias 9:7

Dumakkelto a dumakkel ti bilegna a kas ari; addanto latta kappia iti pagarianna. Isunto ti sumukat ken ni Ari David nga agturay. Ibataynanto ti turayna iti kinapudno ken kinalinteg manipud ita ingganat' inggana. Aramiden nga aramiden amin daytoy ti Apo a Mannakabalin-amin.

Jeremias 30:10

“Dikay agbuteng, dakayo a tattaok; dikay agamak, dakayo nga Israelita. Isalakankayto iti dayta adayo a lugar, iti dayta a daga a nakaibaludanyo. Agawidkayto iti bukodyo a daga, ket agbiagkayto a sitatalna. Natalgedkayto ket awanto ti mangbutbuteng kadakayo.

Jeremias 30:7

Adda dumteng nga aldaw a nakabutbuteng. Awan ti aldaw a makapada iti daytoy; agrigatto dagiti tattaok, ngem makalasatdanto.”

Ezekiel 13:9

Dandanin ti panangdusak kadakayo a profeta a saan a pudno dagiti parmatayo ken ulbod dagiti padtoyo. Awankayto sadiay inton agtataripnong dagiti tattaok tapno agikeddengda. Dinto mairaman ti naganyo iti listaan dagiti umili ti Israel. Dikayton agsubli iti dagayo. Iti kasta, maammoanyonto a siak ti Apo a Dios.

Ezekiel 34:24

Siakto, ni Yahweh, ti Diosda ket ninto David nga adipenko ti mangituray kadakuada.” Daytoy ti sao ni Yahweh.

Ezekiel 5:9

Gapu kadagiti amin nga inaramidmo a kagurak, dusaekto ti Jerusalem iti nakaro, dusa a diak pay indissuor ket diakto met sunotanen nga idissuor.

Daniel 10:13

Binusornak ti prinsipe iti pagarian ti Persia iti uneg ti 21 nga aldaw. Ngem immaynak tinulongan ni Miguel a maysa kadagiti pangulo nga anghel, agsipud ta sisiak ti nabati iti Persia.

Daniel 11:45

Bangonennanto pay dagiti dadakkel a toldana a kas ari iti nagbaetan ti baybay ken ti bantay a nakabangonan ti Templo. Ngem matayto, ket awanto sadiay ti tumulong kenkuana.”

Daniel 7:10

Agay-ayus nga apuy ti aggapu iti trono. Rinibribu dagiti agserserbi kenkuana ket linaklaksa dagiti adda iti sangoananna. Nangrugi ti panangukom ket naluktan dagiti libro.

Daniel 9:12

Tinungpalmo dagiti amin nga imbagam nga aramidem kadakami ken kadagiti agturay kadakami. Nakarkaro ti panangdusam iti Jerusalem ngem iti uray ania a siudad ditoy daga.

Joel 2:2

Nasipnget ken nalidemto dayta nga aldaw, aldaw a nalulem ken naulep. Sumungad ti dakkel a pangen ti dudon, kas iti sipnget nga agsaknap kadagiti bantay. Awan pay napasamak a kas iti daytoy, ket awanton ti kasta a mapasamak iti masakbayan.

Malakias 3:16

Kalpasanna, nagsasarita dagiti tattao nga agbuteng ken ni Yahweh. Dimngeg ni Yahweh ket impangagna ida. Iti sangoananna, naisurat iti maysa a libro ti pakalaglagipan kadagiti agbuteng ken agdayaw ken ni Yahweh.

San Mateo 24:21

Ta kadagita nga aldaw, nakarkaronto nga adayo ti rigat ngem iti aniaman a napasamak manipud pannakaparsua ti lubong agingga kadagitoy nga aldaw. Ket uray kaano awanton ti kastoy a mapasamak.

San Marcos 13:19

Ta ti rigat kadagita nga aldaw, saan pay a napaspasamak manipud pannakaparsua ti lubong. Dinto met masunotanen iti uray kaanoman.

San Lucas 10:20

Ngem saankayo koma nga agragsak gapu ta agtulnog dagiti dakes nga espiritu kadakayo. Agragsakkayo ketdi ta naisurat dagiti nagnaganyo sadi langit.”

Taga-Roma 11:15

Idi nailaksidda, nagbalin ti sangkataoan a gayyem ti Dios. Anianto ngarud inton awaten ida ti Dios? Mayarigto iti panagungar kadagiti natay!

Taga-Roma 11:26

Kalpasanna, maisalakanto ti amin nga Israel. Kas kuna ti Nasantoan a Surat: “Aggapunto ti Mangisalakan idiay Sion, pukawennanto ti amin a kinadakes iti kaputotan ni Jacob.

Taga-Efeso 1:21

Agturay ni Cristo sadiay. Nangatngato ngem dagiti amin a nailangitan a papangulo, agtuturay, pannakabalin ken appo. Addaan iti akem a nangatngato ngem dagiti amin nga akem ti pannakabalin iti agdama ken iti masakbayan.

Taga-Filipos 4:3

Kasta met kenka a mapagtalkan a katulongak, kayatko a tulongam dagitoy dua a babbai. Impasnekda ti timmulong kaniak iti pannakaisaknap ti ebanghelio, agraman ni Clemente ken dagiti amin a katrabahoak a nailanad ti naganda iti libro ti biag.

San Judas 1:9

Uray pay ni Miguel a pangulo dagiti angheles dina inaramid ti kasta. Iti pannakidangadangna iti Diablo, idi pagsuppiatanda no siasino ti mangala iti bangkay ni Moises, dina inukom ti Diablo. Kinunana laeng, “Tubngarennaka koma ti Apo!”

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.

Paltiing 12:7

Kalpasanna, bimtak ti gubat sadi langit. Rinaut ni Miguel ken dagiti anghelesna ti dragon. Nakirupak ti dragon ken dagiti anghelesna.

Paltiing 13:8

Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Paltiing 17:14

Gubatendanto ti Kordero, ngem parmekento ida ti Kordero ken dagiti naayaban, napili ken mapagtalkan a pasurotna agsipud ta isu ti Apo dagiti appo ken Ari dagiti ar-ari.”

Paltiing 20:12

Nakitak dagiti natay, natan-ok ken nanumo, nga agtatakder iti sangoanan ti trono. Naluktan dagiti libro ken ti sabali a libro, ti libro ti biag. Naukom dagiti natay segun ti inaramidda a kas naisurat kadagiti libro.

Paltiing 20:15

Ditoy a dan-aw ti apuy ti nakaitappuakan dagiti awan naganna iti libro ti biag.

Paltiing 3:5

Kastoyto ti pannakakawes ti agballigi, ket diakto punasen ti naganna iti libro ti biag. Ipaduyakyakkonto ti naganna iti sangoanan ni Amak ken dagiti anghelesna nga isu ket kukuak.

Paltiing 7:14

“Diak ammo, apo! Sika ti makaammo,” insungbatko. Kinunana kaniak: “Isuda dagiti nakalasat iti napalalo a pannakaidadanes. Linabaanda dagiti pagan-anayda ket pinapudawda ida babaen iti dara ti Kordero.