Daniel 11:4 - Ti Baro a Naimbag a Damag Biblia

⁴ Ngem inton kapigsa ti bilegna, marpuogto ti pagarianna ket mabingbingayto iti uppat a paset. Awanto ti ari nga agtaud iti kaputotanna. Sabalinto dagiti agturay iti lugarna ngem awanto ti bilegda a kas kenkuana.

Ti Biblia (1973)

⁴ Ket intono nabangonen, ti pagarianna maburacto ken mabingbingayto a maiwaras cadagiti uppat nga angin ti langit, ngem saan nga iti putotna, ken saan met a mayannurot iti panagturayna idi, ta ti pagarianna magabutto a maipaay cadagiti sabsabali malacsid pay dagitoy.

Daniel 11:4 Iomraidhean Croise

Dagiti Salmo 39:6

awan giddiatna iti anniniwan! Wen, ubbaw amin dagiti aramidna; agurnong iti kinabaknang ngem dina ammo no siasinonto ti agnam-ay iti sanikuana!

Eclesiastes 4:8

Adtoy ti maysa a tao nga agbibiag a maymaysa. Awan anakna, awan kabsatna a lalaki, trabaho a trabaho, ngem saan a mapnek iti kinabaknangna. Siasino ti itartrabahoanna? Dina ikkan ti bagina iti gundawayna nga agragsak. Awan met serserbi daytoy ket maysa a nakalkaldaang a panagbiag.

Jeremias 12:15

Ngem kalpasan ti panangipanawko kadakuada, kaasiakto met la ida. Isublikto ti tunggal nasion iti daga ken ilina.

Jeremias 12:17

Ngem no adda pagilian a di agtulnog, parutekto a mamimpinsan ket dadaelekto. Siak, ni Yahweh, ti nagsao kadagitoy.”

Jeremias 18:7

No iti uray ania a tiempo, kunak a parutek, rumekek wenno dadaelek ti nasion wenno pagarian,

Jeremias 31:40

Nasantoanto kaniak ti entero a tanap a pakaitaneman dagiti natay ken pagibellengan iti basura. Nasantoanto met ti amin a talon iti surongen ti waig a Kidron agingga iti lugar a managan iti Ruangan ti Kabalio iti daya. Saanton a marakrak wenno madadael daytoy a siudad.”

Jeremias 45:4

“Ngem siak, ni Yahweh, rebbaek ti binangonko ken parutek ti immulak. Aramidekto daytoy iti entero a daga.

Jeremias 49:36

Paganginekto iti napigsa iti amin a suli idiay Elam. Iwarawarakto dagiti tattao iti amin a disso agingga a pagbakwitan dagiti tattao ti amin a lugar.

Ezekiel 37:9

Kinuna ti Dios kaniak, “Anak ti tao, agipadtoka iti angin. Ibagam iti angin a siak nga Apo a Dios ibilinko kenkuana nga umay manipud iti nadumaduma a suli ket angsanna dagitoy a bangkay tapno agbiagda manen.”

Daniel 7:2

ti nakitak iti dayta a rabii: Agang-angin iti napigsa manipud iti amin a suli ket kibkiburenna ti rabaw ti taaw.

Daniel 7:6

Bayat ti panagbuybuyak, adda sabali nga animal a nakitak. Kasla leopardo ti langana. Adda uppat a payak iti bukotna a kasla payak ti tumatayab. Uppat ti ulona. Kasla adda pannakabalinna.

Daniel 7:8

Idi buybuyaek dagiti sarana, nagtubo a kellaat ti maysa a bassit a sara iti nagbabaetanda. Pinarutna ti tallo kadagiti sara a sigud nga adda sadiay. Adda mata ti tao iti sara ket adda ngiwatna nga agsasao a napalangguad.

Daniel 8:22

Dagiti uppat a sara a nagtubo iti nakabungtolan ti umuna a sara isuda dagiti uppat a pagarian a pakabingbingayan dayta a nasion, ngem saandanto a nabileg a kas iti umuna a pagarian.

Daniel 8:8

Timmangsit a timmangsit ti kalding, ngem idi kapigsa ti pannakabalinna, natukkol ti sarana. Iti nakaikkatanna, nagtubo ti uppat a dadakkel a sara. Aggigiddiat ti turong ti tunggal sara.

Zacarias 2:6

Kinuna ti Apo kadagiti tattaona, “Inwarawarakayo iti amin a suli ti lubong. Ngem ita, dakayo a napagtalaw a kas balud, aglibaskayo iti Babilonia ket agsublikayo iti Jerusalem.

Zacarias 6:5

Kinunana, “Dagitoy dagiti uppat nga angin. Kagapgapuda iti saklang ti Apo ti entero a daga.”

San Mateo 12:25

Ammo ni Jesus ti pampanunotenda ket kinunana kadakuada, “Saan nga agbayag ti pagarian a mabingaybingay ken aggiginnubat met laeng. Aniaman nga ili wenno familia a mabingaybingay ken aggiginnura, dinto agpaut.

San Lucas 12:20

Ngem kinuna ti Dios kenkuana: ‘Maag! Ita met la a rabii, matayka. Ket amin dagitoy nga urnongmo, siasinonto ti agtagikua?’”

Paltiing 7:1

Kalpasanna, nakitak ti uppat nga angheles nga agtaktakder iti uppat a suli ti daga. Tengtenglenda dagiti uppat nga angin tapno saan nga agpuyupoy iti rabaw ti daga, iti taaw wenno iti aniaman a puon ti kayo.