Daniel 11:2 - Ti Baro a Naimbag a Damag Biblia

² Ita, pudno ti ibagak kenka.” Kinuna ti anghel: “Addanto pay tallo nga ari a mangituray iti Persia. Sumarunonto ti maikapat a nabakbaknang ngem isuda amin. Ngem iti kapigsa ti bileg ken kinabaknangna, karitennanto ti pagarian ti Grecia.

Ti Biblia (1973)

² Ket ita iparangconto kenca ti pudno. Adtoy, bumangonto pay laeng dagiti tallo nga ar-ari iti Persia, ket ti maicapat nabacbacnangto nga adayu ngem isuda amin: ket intono nagbalinen a napigsa a gapu iti kinabacnangna gargariennanto amin a maibusor iti pagarian ti Grecia.

Daniel 11:2 Iomraidhean Croise

ESDRAS 4:24

Naisardeng idi ti pannakabangon ti Templo ket saan a nasagsagid agingga iti maikadua a tawen a panagturay ni Dario nga emperador ti Persia.

ESDRAS 4:7

Bayat ti panagturay ni Artaxerxes nga emperador ti Persia, indarum ida da Bislam, Mitredat, Tabeel ken dagiti kakaduada. Nailanad dagiti pammabasolda iti maysa a surat a naiturong iti emperador. Arameo ti naaramat iti surat ket maipatarus iti pagsasao ti Persia no maibasa.

Ester 1:1

Ni Xerxes ti ari idi. Agdagup iti 127 a probinsia ti inturayanna, manipud India agingga idiay Etiopia. Idiay Susa a kabesera ti Persia ti nagturayanna nga ari.

Dagiti Proverbio 22:21

ket isurodaka no ania ti napaypayso a kinapudno. Kalpasanna, no maibaonka a mangbirok iti kinapudno, yawidmonto ti tumutop a sungbat.

Daniel 10:1

Iti maikatlo a tawen a panagturay ni Ciro a kas emperador ti Persia, adda naipaltiing ken ni Daniel a managan pay iti Beltesazar. Pudno ti mensahe ngem narigat a maawatan. Nailawlawag kenkuana babaen iti parmata.

Daniel 11:25

“Situturedto a mangummong iti dakkel nga armada a mangdarup iti Egipto a sisasagana met ti dakkel ken nabileg nga armadana a sumaranget kenkuana. Ngem maallilawto ti ari ti Egipto ket dinto agballigi.

Daniel 7:5

Kasla oso ti maikadua nga animal. Agtaktakder kadagiti kammaudi a sakana ket tallo a paragpag ti kagkagatenna. Adda timek a nagkuna kenkuana, “Sige, agpennekka nga aglamut iti karne.”

Daniel 8:21

Ti bulog a kalding isu ti pagarian ti Grecia ket ti dakkel a sara iti nagbaetan dagiti matana isu ti umuna nga ari.

Daniel 8:26

Matungpalto ti nailawlawag kenka a parmata maipapan iti panagidaton iti bigat ken rabii. Ngem ilimedmo ti parmata gapu ta mabayag pay ti pannakatungpalna.”

Daniel 8:4

Binuybuyak ti kalakian a karnero nga agwangwang-it a nakasango iti laud, amianan ken abagatan. Awan ti animal a makaparmek kenkuana wenno makalisi iti pannakabalinna. Inaramidna ti kinaykayatna ket timmangsit.

Amos 3:7

Saan nga aramiden ni Apo Dios ti panggepna no dina ipakaammo nga umuna kadagiti babaonenna a profeta.

San Juan 10:35

“Ammotayo nga agnanayon a pudno ti kuna ti Nasantoan a Surat, ket inawagan ti Dios a dios dagiti tattao a nakaitedan ti saona.

Paltiing 21:5

Kinuna ti nakatugaw iti trono, “Pabaroekon ti amin a banag!” Kinunana pay kaniak, “Isuratmo daytoy: Mapangnamnamaan ken pudno dagitoy a sao.”