Daniel 10:6 - Ti Baro a Naimbag a Damag Biblia

⁶ Naraniag ti bagina a kas iti alahas. Naraniag met ti rupana a kasla kimat. Kasla gumilgil-ayab nga apuy dagiti matana. Kasla napasileng a bronse dagiti takkiag ken saksakana. Kasla met arimbangaw ti umariwekwek a tattao ti timekna.

Ti Biblia (1973)

⁶ Ti bagina met mayasping iti berilo, ket ti rupana cas iti langa ti kimat, ket dagiti matana casda gumilgil-ayab nga aluten, ket dagiti tackiagna ken sacana casda napasileng a gambang, ket ti timec dagiti sasaona cas la timec ti umariwecwec a tattao.

Daniel 10:6 Iomraidhean Croise

Paltiing 19:12

Kasla gumilgil-ayab nga apuy dagiti matana ket adu ti korona iti ulona. Naisurat ti naganna iti bagina, ngem isu laeng ti makaammo iti kaipapananna.

San Mateo 17:2

Sadiay, nagbalbaliw ti langa ni Jesus iti imatang dagiti tallo nga adalan: nagraniag ti rupana a kas iti init, ket rimmangrang a kas lawag dagiti pagan-anayna.

Ezekiel 10:9

Nakitak pay nga adda maysa a pilid iti abay ti tunggal parsua. Agpapada dagiti uppat a pilid ket agranraniagda a kasla napateg a bato. Iti uneg ti tunggal pilid, adda sabali a pilid a naipakuros.

Ezekiel 1:24

Nangngegko ti banesbes dagiti payakda iti panagtayabda. Kasla daranudor ti baybay, kasla arimbangaw ti dakkel nga armada, kasla timek ti Dios a Mannakabalin-amin. Idi sumardengda nga agtayab, nagkupin dagiti payakda,

Ezekiel 1:16

Rumimatrimat ti tunggal pilid a kasla napateg a bato. Agpapada dagiti uppat a pilid. Adda pilid iti uneg ti tunggal pilid nga agturong iti sabali a direksion.

Ezekiel 1:14

Agsublisubli dagiti animal a kasla iti kapardas ti kimat.

Paltiing 21:20

sardonika ti maikalima; karnelia ti maikanem; krisolito ti maikapito; berilo ti maikawalo; topasio ti maikasiam; krisoprasio ti maikasangapulo; hasinto ti maikasangapulo ket maysa ken amatista ti maikasangapulo ket dua.

Paltiing 10:1

Kalpasanna, nakitak ti sabali a mannakabalin nga anghel a bumabbaba manipud langit. Nabungon iti ulep ket adda bullalayaw iti ngatoen ti ulona. Naraniag ti rupana a kas iti karaniag ti init ket kasla adigi nga apuy dagiti sakana.

San Lucas 9:29

Idi agkarkararag, nagbalbaliw ti langana ket makasisirap ti pudaw dagiti pagan-anayna.

Ezekiel 1:7

Nalinteg dagiti sakada ngem dagiti dapanda kasla kukod ti baka. Rumimatrimat dagiti parsua a kasla napasileng a bronse.

Exodo 28:20

ken iti maikapat, berilio, karnelia ken jaspe. Maimontar dagitoy iti balitok.

San Mateo 28:3

Makapurar a kasla kimat ti langana ken nakapudpudaw ti pagan-anayna.

Paltiing 2:18

“Kastoy ti isuratmo iti anghel ti iglesia idiay Tiatira: “Daytoy ti mensahe nga aggapu iti Anak ti Dios nga addaan kadagiti mata a gumilgil-ayab a kasla apuy ken kadagiti saksaka nga agranraniag a kas iti napasileng a gambang.

Kanta ni Solomon 5:14

Nasippukel dagiti takkiagna, ket nakasingsing iti adda batona. Nalinis ti bagina a kas iti marfil a napattokan iti safiro.

Ezekiel 40:3

Inyasidegnak ket nakitak ti maysa a lalaki a kasla bronse ti langana. Siiiggem iti linen a lubid ken kayo a pagrukod, ket sitatakder iti asideg ti maysa a ruangan.

Ezekiel 8:2

Timmangadak ket nakitak iti parmata ti umap-apuy a kasla tao. Manipud iti siket nga agpababa, kasla apuy ti bagina. Manipud iti siket nga agpangato naraniag a kasla napasileng a bronse.