Daniel 10:1 - Ti Baro a Naimbag a Damag Biblia

¹ Iti maikatlo a tawen a panagturay ni Ciro a kas emperador ti Persia, adda naipaltiing ken ni Daniel a managan pay iti Beltesazar. Pudno ti mensahe ngem narigat a maawatan. Nailawlawag kenkuana babaen iti parmata.

Ti Biblia (1973)

¹ Iti maicatlo a tawen ni Ciro nga ari ti Persia maysa a banag ti naipaltiing ken Daniel, a ti naganna nanaganan idi iti Baltasar; ket daydi a banag pudno, a maysa met laeng a dackel a gubat; ket isu naawatanna ti panggep, ket adda idi pannacaawatna iti sirmata.

Daniel 10:1 Iomraidhean Croise

Genesis 41:32

Naulit ti tagtagainep, natan-ok nga ari, tapno maipakaammo nga inkeddeng daytoy ti Dios ket asidegen ti pannakapasamakna.

2 Cronicas 36:22

Tapno matungpal ti impaltiing ni Yahweh ken ni profeta Jeremias, tinignayna ni Ciro nga emperador ti Persia tapno mangipaulog iti bilin a maibasa iti entero a paset ti pagarianna. Napasamak daytoy iti umuna a tawen a panagturay ni Ciro.

ESDRAS 3:7

Nangted dagiti tattao iti kuarta a pagtangdan kadagiti kantero ken kadagiti karpintero. Nagpaitulodda met iti taraon, mainum ken lana ti olibo a maipan idiay siudad ti Tiro ken Sidon a sukat dagiti kayo ti sedro ti Libano a maipaanud iti taaw a maipan idiay Joppe. Naaramid amin dagitoy babaen iti palubos ni Ciro nga ari ti Persia.

ESDRAS 4:3

Ngem imbaga da Zerubbabel, Josue ken dagiti papangulo dagiti familia, “Saanmi a masapul ti tulongyo iti panangbangonmi iti templo ti Apo a Diosmi. Dakam a mismo ti mangbangon, ta kasta ti imbilin ni Ciro nga emperador ti Persia.”

ESDRAS 4:5

Pinasuksokanda pay dagiti ofisiales ti gobierno ti Persia tapno saan nga ituloy dagiti Israelita ti panggepda. Kasta ti inar-aramidda bayat ti panagturay ni Emperador Ciro agingga iti panagturay ni Emperador Dario.

ESDRAS 6:14

Napardas ti trabaho dagiti papangulo a Judio iti pannakabangon ti Templo ta pinapigsa ida da profeta Haggeo ken profeta Zacarias. Nalpasda ti Templo kas imbilin ti Dios ti Israel ken kas imbilin dagiti emperador ti Persia—da Ciro, Dario ken Artaxerxes.

ESDRAS 6:3

“Iti umuna a tawen a panagturay ni Emperador Ciro, imbilinna a mabangon manen ti Templo idiay Jerusalem a kas lugar a pakaidatagan dagiti sagut ken daton a mapuoran. Siam a pulo a kadapan ti kangato ket 90 a kadapan ti kaakaba ti Templo.

Isaias 44:28

Kunak ken ni Ciro, ‘Sika ti tudingak nga agturay, aramidemto ti kayatko nga aramidem; ibilinmonto a mabangon manen ti Jerusalem ken maisaad ti fondasion ti Templo.’”

Daniel 1:17

Pinaraburan ti Dios dagiti uppat nga agtutubo iti kinasirib iti amin a kita ti sursuro iti literatura ken filosofia. Saan la a dayta, pinaraburanna pay ni Daniel iti laing a mangibaga iti kaipapanan ti parmata ken tagtagainep.

Daniel 1:21

Nagserbi ni Daniel iti palasio agingga a sinakup ni Ciro nga emperador ti Persia ti Babilonia.

Daniel 1:7

Binaliwan ni Aspenaz ti naganda. Beltesazar ti impanaganna ken ni Daniel; Sedrac ken ni Hananias; Mesac ken ni Misael; ken Abednego ken ni Azarias.

Daniel 10:14

Immayak tapno ipalawagko kenka ti mapasamakto kadagiti kailiam. Maysa a parmata daytoy maipapan iti masakbayan.”

Daniel 11:2

Ita, pudno ti ibagak kenka.” Kinuna ti anghel: “Addanto pay tallo nga ari a mangituray iti Persia. Sumarunonto ti maikapat a nabakbaknang ngem isuda amin. Ngem iti kapigsa ti bileg ken kinabaknangna, karitennanto ti pagarian ti Grecia.

Daniel 12:4

Kinunana kaniak: “Ita, Daniel, rikpam ti libro ket timbream agingga iti panungpalan. Kabayatanna, adunto a tattao ti mangigaed a mangammo iti kaipapanan dagiti mapaspasamak ngem agbambannogdanto laeng.”

Daniel 12:9

Kinunana, “Daniel, inkan, ta masapul a mailimed dagitoy a balikas ket saanda a maipakaammo agingga iti panungpalan.

Daniel 2:21

Iturayanna dagiti panawen ken tiempo; isu ti mangisaad ken mangikkat kadagiti ari. Ikkanna dagiti tattao iti sirib ken pannakaawat.

Daniel 4:8

Kamaudiananna, immay ni Daniel. (Beltesazar ti sabali a naganna, a kas iti nagan ti didiosek.) Adda kenkuana ti nasantoan nga espiritu dagiti didiosen, isu nga imbagak kenkuana ti tagtagainepko. Kinunak,

Daniel 5:12

Adda naisangsangayan a kabaelanna ket masirib. Nalaing a mangibaga iti kaipapanan ti tagtagainep, mangipalawag kadagiti burburtia ken mangilawlawag kadagiti palimed. Paayabam ngarud daytoy a tao, ni Daniel (a pinanaganan ti ari iti Beltesazar) ket paipalawagmo kenkuana ti kaipapan amin dagitoy.”

Daniel 5:17

Insungbat ni Daniel iti ari, “Saandak nga ikkan iti sagut, Natan-ok nga Ari, wenno itedmo laengen iti sabali ti gunggona nga itedmo. Basaek ti naisurat ket ilawlawagko kenka ti kaipapananna.

Daniel 6:28

Rimmang-ay ni Daniel idi tiempo ti panagturay ni Dario ken iti tiempo ni Ciro a Persiano.

Daniel 8:16

Nangngegko ti pukkaw ti maysa a tao iti ballasiw ti Karayan Ulai. Kinunana, “Gabriel, ilawlawagmo iti daytoy a tao ti kaipapanan ti parmata a nakitana.”

Daniel 8:26

Matungpalto ti nailawlawag kenka a parmata maipapan iti panagidaton iti bigat ken rabii. Ngem ilimedmo ti parmata gapu ta mabayag pay ti pannakatungpalna.”

Paltiing 19:9

Ket kinuna ti anghel kaniak, “Isuratmo daytoy: Nagasat dagiti naawis iti pannakarambak ti kasar ti Kordero.” Innayonna, “Pudno a sao ti Dios dagitoy.”