Daniel 1:4 - Ti Baro a Naimbag a Damag Biblia

⁴ Masapul nga agtutubo ken nataer dagiti pilienna; awan depekto ti bagida, masirib, nasanay ken nalaka a makasursuro tapno maikarida nga agserbi iti palasio. Isuro ida ni Aspenaz nga agbasa ken agsurat iti lengguahe dagiti taga-Babilonia.

Ti Biblia (1973)

⁴ Babbaro nga cadacuada awan ti pacapilawan, no di ket nataraki, ket naisuroda iti amin a kita ti sirib, nga adda cadacuada ti pannacaammo ken kinalaing iti ciencia, ken naaddaan pannacabalinda a pimmarang iti palacio ti ari; ket isurona coma cadacuada ti sursuro ken ti pagsasao dagiti Caldeos.

Daniel 1:4 Iomraidhean Croise

Genesis 41:46

Agtawen ni Jose iti tallopulo idi mangrugi nga agserbi iti ari ti Egipto. Pimmanaw iti palasio ket sinursorna ti entero a pagilian.

2 Samuel 14:25

Iti entero nga Israel, awan lalaki a nalatlatak ngem ni Absalom gapu iti kinataerna. Awan pamilawan kenkuana manipud ulo agingga iti dapanna.

Dagiti Proverbio 22:29

Ipakitaannak iti tao a napintas ti trabahona ket ipakitak kenka ti tao a nasaysayaat ngem ti kaaduan ken maikari a makikadua kadagiti ari.

Eclesiastes 7:19

Dakdakkel ti maited ti sirib iti maysa a tao ngem ti maited ti sangapulo a turayen iti maysa a siudad.

Isaias 36:11

Kinuna da Eliakim, Sebna ken Joas iti ofisial, “Pangngaasim ta agsaoka kadakami iti Arameo. Maawatanmi. Dika agsao iti Hebreo ta dumdumngeg dagiti amin a tattao nga adda iti rabaw ti bakud.”

Jeremias 5:15

Tattao ti Israel, yegto ti Apo ti maysa a nasion a mangraut kadakayo. Aggapunto iti maysa a lugar, maysa a nasion a nabileg ken addan idi un-unana. Diyo ammo wenno maawatan ti pagsasaona.

Daniel 2:10

Simmungbat dagiti mammagbaga, “Awan ti tao ditoy rabaw ti daga a makaibaga iti kalikagumam, O Ari. Awan pay ari, uray pay isu ti katan-okan ken kabilgan, a nagdawat iti kastoy kadagiti mammuyon, salamangkero, wenno baglan.

Daniel 2:2

Iti kasta, pinaayabanna dagiti amin a mammuyon, salamangkero, baglan ken managanito tapno ibagada ti kaipapanan ti tagtagainepna. Idi dimmatagda,

Daniel 3:8

Sumagmamano kadagiti taga-Babilonia ti nangala iti daytoy a gundaway a nangbabalaw kadagiti Judio.

Daniel 4:7

Dimmatag ngarud kaniak dagiti mammadles, salamangkero, mammuyon ken astrologo. Sinaritak kadakuada ti tagtagainepko, ngem dida maibaga ti kaipapananna.

Daniel 5:11

Adda lalaki ditoy pagariam a naparaburan iti espiritu dagiti nasantoan a didiosen. Idi ni tatangmo ti ari, impakita daytoy a tao a naparaburan iti nasayaat a pannakaawat, pannakaammo ken sirib a kas iti sirib dagiti didiosen. Daytoy ti gapuna a dinutokan idi ni Ari Nebucadnesar a tatangmo a mangipangulo kadagiti mammadles, salamangkero, mammuyon ken astrologo.

Daniel 5:7

Iti napigsa a timek, pinaayabanna dagiti salamangkero, dagiti mammadles ken dagiti astrologo. Idi dumtengda, kinuna ti ari kadakuada, “Ikkak iti pammadayaw ti siasinoman a makabasa iti naisurat ken makailawlawag iti kayatna a sawen. Makawesanto iti napateg a lupot a nalabaga, maukkoranto iti kuentas a balitok ken maisaadto a maikatlo a kangatoan nga agturay iti pagarian.”

Daniel 9:1

Taga-Media ni Dario nga anak ni Xerxes. Inturayanna ti pagarian ti Babilonia.

Zacarias 2:4

Kinuna ti umuna nga anghel iti sabali nga anghel, “Agtarayka a mapan iti dayta nga agtutubo a siiiggem iti pagrukod. Ibagam kenkuana nga adunto unay ti tao ken baka iti Jerusalem ket saanton a mabakudan ti siudad.

Dagiti Aramid 7:20

“Kadagidi a tiempo, nayanak ni Moises, maysa a nalungpo unay nga ubing. Tallo a bulan a tinagibi dagiti nagannak kenkuana.

Dagiti Aramid 7:22

Iti kasta, naisuro kenkuana ti amin a sirib dagiti taga-Egipto ket nagbalin a naindaklan a tao iti sao ken aramid.

Taga-Efeso 5:27

tapno idatagna iti sangoananna met laeng: ti iglesia a kasla babai a nakapimpintas—nadalus, awan mansa wenno kuretret wenno aniaman a pakapilawanna.

Uk-ukom 8:18

Kalpasanna, sinaludsodna kada Zeba ken Salmunna, “Ania ti langa dagiti tattao a pinatayyo idiay Tabor?” “Kalanglangam amin ida,” insungbatda. “Kasda la annak ti ari.”