Daniel 1:2 - Ti Baro a Naimbag a Damag Biblia

² Binay-an ti Apo a matnag ni Ari Jehoyakim iti pannakabalin ni Nebucadnesar; ket pinalubosanna nga agsamsam kadagiti gameng iti Templo. Impan ni Nebucadnesar iti templo dagiti didiosenna idiay Babilonia dagiti innalana a balud. Inkabilna met dagiti gameng iti pagiduldulinan ti templo.

Ti Biblia (1973)

² Ket ti Apo inyawatna cadagiti im-imana ni Joakim, ari ti Juda, agraman dadduma nga al-alicamen ti balay ti Dios; ket impanna ida, iti daga a Sinar iti balay ti diosna, ket inserrecna dagiti alicamen iti balay a paggamengan ti diosna.

Daniel 1:2 Iomraidhean Croise

Genesis 10:10

Sakupen ti umuna a pagarian ni Nimrod ti Babel, Erec ken Akkad—adda amin dagitoy iti daga ti Siniar.

Genesis 11:2

Iti panagturongda iti daya, dimtengda iti maysa a daga iti Siniar ket nagnaedda sadiay.

2 Ar-ari 24:1

Bayat ti panagturay ni Joakim, rinaut ni Ari Nebucadnesar ti Juda. Tallo a tawen a naipapilit a pinaiturayan ken ni Nebucadnesar ngem kalpasanna immalsa.

2 Cronicas 36:5

Agtawen iti 25 ni Jehoyakim idi maisaad nga ari iti Juda ket 11 a tawen a nagturay idiay Jerusalem. Nagbasol ken ni Yahweh a Diosna.

2 Cronicas 36:7

Impanna met iti palasiona dagiti dadduma a gameng ti Templo.

ESDRAS 1:7

Insubli pay ni Ciro dagiti malukong ken kopa nga innala idi ni Ari Nebucadnesar iti Templo idiay Jerusalem ken inkabilna iti templo dagiti didiosenna.

Isaias 11:11

Inton dumteng dayta nga aldaw, aramatento manen ti Apo ti pannakabalinna. Yawidnanto dagiti nakalasat a tattaona a nabati idiay Asiria, Egipto, Patros, Etiopia, Elam, Babilonia, Hamat ken kadagiti pagilian kadagiti igid ti baybay ken kadagiti purpuro.

Isaias 42:24

Siasino ti nangyawat iti Israel kadagiti agsamsam? Ti met la Apo a nakabasolantayo! Ditay nagbiag a mayannurot iti pagayatanna wenno nagtulnog kadagiti pannursurona.

Jeremias 25:1

Iti maikapat a tawen a panagari ni Jehoyakim nga anak ni Josias idiay Juda, naawatko ti mensahe ti Apo maipapan kadagiti amin a taga-Juda. (Daytoy ti umuna a tawen a panagari ni Nebucadnesar idiay Babilonia.)

Jeremias 27:16

Kalpasanna, imbagak kadagiti papadi ken kadagiti tattao ti kinuna ti Apo, “Diyo patpatien dagiti profeta nga agkuna a maisublinto iti mabiit manipud Babilonia dagiti alikamen ti Templo. Ul-ulbodendakayo.

Jeremias 28:3

Iti uneg ti dua a tawen, isublikto iti daytoy a lugar ti amin nga alikamen iti Templo nga impan ni Ari Nebucadnesar idiay Babilonia.

Jeremias 35:11

Ngem idi rinaut ni Nebucadnesar nga ari ti Babilonia daytoy a daga, inkeddengmi ti umay agnaed ditoy Jerusalem tapno mapanawanmi ti armada ti Babilonia ken ti Siria. Daytoy ti gapuna nga agnaedkami ditoy Jerusalem.”

Jeremias 50:2

“Ipakaammom ti damag kadagiti nasion! Iwaragawagmo! Itedmo ti pagilasinan ket iwarasmo ti damag! Dimo ilimlimed! Naparmeken ti Babilonia! Naibabainen ni Bel! Naburburaken ni Marduk a didiosenna! Naibabainen dagiti imahen, narumrumeken dagiti didiosenna.

Jeremias 51:44

Dusaekto ni Bel a didiosen ti Babilonia. Pairuarkonto dagiti sinamsamna. Saanton a mapan agdaydayaw dagiti nasion kenkuana. “Narban dagiti bakud ti Babilonia.

Daniel 5:13

Dagus a naidatag ni Daniel iti sangoanan ti ari. Kinuna ti ari, “Sika kadi ni Daniel a maysa kadagiti Judio a napagtalaw nga innala ni amak idiay Juda?

Daniel 5:18

“Pinagbalin ti Kangatoan a Dios ni tatangmo a Nebucadnesar a naindaklan nga ari. Inikkanna iti tan-ok ken dayag.

Habakuk 1:16

Agdaydayawda ken agidatonda pay kadagiti iketda agsipud ta dagiti iketda ti mangted kadakuada kadagiti kasayaatan a taraon.

Zacarias 5:11

Kinunana, “Idiay Babilonia a pangaramidanda iti templona. Apaman a malpas ti templo, maipanto sadiay ti basket tapno pagdaydayawan dagiti tattao.”

Deuteronomio 32:30

Apay a pinarmek ti maysa ti sangaribu? Apay a pinarmek ti dua ti sangapuloribu? Binaybay-an ida ti Apo a Diosda, linaksid ida ti mannakabalin a Diosda.

Uk-ukom 2:14

Napalalo ti pungtot ni Yahweh iti Israel, isut' gapuna a binay-anna dagiti kabusorda a mangraut kadakuada ken mangsamsam kadagiti sanikuada. Pinagballigi ti Dios dagiti amin a kabusorda iti aglikmut ket dida masalaknibanen dagiti bagbagida.

Uk-ukom 3:8

ket nakapungtot ni Yahweh iti Israel. Pinalubosanna ni Cusa Risataim nga ari ti Mesopotamia a mangparmek kadakuada. Inturayanna ida iti walo a tawen.

Uk-ukom 4:2

Iti kasta, impalubosna a parmeken ida ni Jabin a Cananeo a nagari idiay Hasor. Ni Sisera ti pangulo ti armadana ket agnaed idiay Haroset-hagoiim.

1 Samuel 5:2

Inserrekda iti templo ni Dagon a didiosenda ket insaadda iti abay ti estatua ni Dagon.