Daniel 1:12 - Ti Baro a Naimbag a Damag Biblia

¹² Kinunana, “Paliiwennakami iti uneg ti sangapulo nga aldaw. Ikkannakami laeng iti natnateng a taraon ken danum nga inumen.

Ti Biblia (1973)

¹² Dawatec kenca, padasem cadi dagiti adipenmo bayat ti sangapulo nga aldaw, ket iccandacami coma cadagiti bucbukel a canen ken danum nga inumen.

Daniel 1:12 Iomraidhean Croise

Daniel 1:11

Napan ngarud ni Daniel iti guardia a dinutokan ni Aspenaz a mangaywan kenkuana ken kadagiti tallo a gagayyemna.

Daniel 1:13

Kalpasanna, idilignakami kadagiti agtutubo a mangmangan iti taraon ti ari, ket no anianto ti makitam a langami, isunto ti pangibatayam iti pangngeddengmo.”

Daniel 1:16

Manipud idin, impalubos ti guardia nga ituloyda ti agsida iti natnateng a saan ket a ti taraon ti ari.

Taga-Roma 14:2

Adda mamati a mabalinna a kanen ti uray ania, ngem ti nakapuy ti pammatina, natnateng laeng ti makanna.

Deuteronomio 8:3

Pinagbisinnakayo, sanakayo met la inikkan iti mana, maysa a taraon a diyo pay naramramanan uray dagidi kapuonanyo. Inaramidna daytoy tapno masursuroyo a saan la a tinapay ti pagbiag ti tao no di pay ket dagiti amin a sao ti Dios.

Paltiing 2:10

Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.