3 Juan 1:5 - Ti Baro a Naimbag a Damag Biblia

⁵ Ingungotek a gayyem, nasayaat unay ti panagserbim kadagiti kakabsat iti pammati, nangruna kadagiti ganggannaet.

Ti Biblia (1973)

⁵ Ay-ayatec, sica aramidem a matalec ti amin nga aramidem cadagiti cacabsat uray pay gangannaetda;

3 Juan 1:5 Iomraidhean Croise

San Mateo 24:45

“Siasino ngarud ti mapagtalkan ken masirib nga adipen? Isu ti insaad ti apona a mangimaton kadagiti dadduma nga adipen tapno ikkanna ida iti kanen iti umisu a tiempo.

San Mateo 25:16

“Ti adipen nga immawat iti lima a talento pinagnegosiona a dagus ti inawatna, ket nakaganansia iti lima.

San Lucas 12:42

Insungbat ti Apo, “Siasino ngarud ti mapagtalkan ken masirib nga adipen? Isu ti tudingan ti amongna a mangaywan iti balayna ken mangted kadagiti dadduma nga adipen iti pannakabagida a kanen no dumteng ti pannangan.

Dagiti Aramid 1:15

Kalpasan ti sumagmamano nga aldaw, naguurnong ti agsangagasut ket duapulo a mamati. Nagtakder ni Pedro iti sangoananda ket kinunana:

Taga-Roma 12:13

Ibingayanyo dagiti napanglaw a kakabsatyo iti pammati, ket padagusenyo dagiti sangsangaili.

Taga-Galacia 6:10

Ngarud, no adda gundawaytayo, agaramidtayo iti naimbag a maipaay kadagiti amin a tattao, nangruna kadagiti kakabsatyo iti pammati.

Taga-Colosas 3:17

Ngarud, amin nga aramiden ken sawenyo, aramidenyo iti nagan ni Apo Jesus. Agyamankayo iti Dios Ama babaen kenkuana.

Hebreo 13:2

Laglagipenyo a pasangbayen dagiti ganggannaet. Adda dagiti nagpadagus iti balbalayda a dida ammo nga angheles dagiti sinangailida.

3 Juan 1:10

Ngarud, inton umayak, iruarkonto amin nga ar-aramidenna, agraman dagiti iwarwarasna a pammadpadakesna kaniak. Ngem di pay la mapnek iti dayta. Saanna a sangailien dagiti kakabsat, ket saanna la a paritan dagiti mayat nga umawat kadakuada, no di pay ket kayatna a pagtalawen ida iti iglesia!

3 Juan 1:3

Kasta unay ti ragsakko idi simmangpet dagiti kakabsat ket imbagada kaniak ti panagtalinaedmo iti pudno. Wen, ta agpayso met nga agbibiagka iti kinapudno.