3 Juan 1:4 - Ti Baro a Naimbag a Damag Biblia

⁴ Awan sabali a makaited kaniak iti dakdakkel a ragsak, no di ti pannakadamagko nga agbibiag dagiti annakko iti kinapudno. Siak a Panglakayen ti naggapuan daytoy a surat.

Ti Biblia (1973)

⁴ Awan ti dacdackel a pagrag-oac ngem iti pannacangngegco a dagiti annacco magmagnada iti kinapudno,

3 Juan 1:4 Iomraidhean Croise

1 Ar-ari 2:4

No aramidem daytoy, tungpalento ti Apo ti karina idi imbagana kaniak nga agturayto dagiti kaputotak iti Israel no la ket naannadda nga agtulnog kadagiti bilinko iti amin a puso ken kararuada.

1 Ar-ari 3:6

Simmungbat ni Solomon, “Imparparangarangmo ti natan-ok nga ayatmo ken ni adipenmo a David nga amak, gapu ta napudno kenka, naimbag ken nalinteg a tao. Intultuloymo nga imparangarang kenkuana ti natan-ok ken di agbalbaliw nga ayatmo. Pinaraburam iti anak a madama ita nga agturay iti lugarna.

2 Ar-ari 20:3

“Laglagipem, O Apo, a nagserbiak kenka a sipupudno ken iti amin a pusok ket kanayon nga ikagumaak nga aramiden ti pagayatam.” Nagsangit ni Hezekias iti nasaem.

Dagiti Proverbio 23:24

Maragsakan unay ti ama ti nalinteg nga anak. Mabalinmo a pagpannakkel ti masirib nga anakmo.

Isaias 38:3

“O Apo, laglagipem a nagserbiak kenka a sipapasnek ken sipupudno ket inkagumaak nga aramiden ti kayatmo nga aramidek.” Ket rinugianna ti nagsangit iti nasaem.

Isaias 8:18

Adtoykami kadagiti annakko nga inted kaniak ti Apo a Mannakabalin-amin a naisaad ti tronona idiay Bantay Sion. Imbaonnakami a kas sibibiag a mensahe kadagiti Israelita.

2 Taga-Corinto 6:13

Ita, kasaokayo a kas pudno nga annakko: ipakitayo met ti isu met laeng a rikna a mariknami kadakayo. Luktanyo ti pusoyo!

Taga-Galacia 2:14

Idi nakitak a saan a nalinteg ti ar-aramidenda ket saan a mayannurot iti kinapudno ti ebanghelio, kinunak ken ni Pedro iti sangoananda amin: “Maysaka a Judio, ngem agbibiagka a kas maysa a Hentil, saan a kas Judio. Apay a pilitem dagiti Hentil nga agbiag a kas Judio?”

Taga-Galacia 4:19

Ingungotek nga annak! Mariknak manen nga agrigatak a kas iti panagpasikal ti maysa nga ina, agingga nga agbalinkayo a pudpudno a pasurot ni Cristo.

1 Taga-Tesalonica 2:11

Ammoyo a tinulonganmi ti tunggal maysa kadakayo, kas iti panangtulong ti ama kadagiti annakna.

Filemon 1:10

Agdawatak ngarud kenka gapu ken ni Onesimo nga anakko ken ni Cristo. Ta kabayatan ti kaaddak iti pagbaludan, nagbalinak a pannakaamana iti pannakainaigmi ken ni Cristo.

1 Juan 2:1

Annakko, isuratko daytoy kadakayo tapno dikayo agbasol. Ngem no adda makabasol, adda mangibabaet kadatayo iti Ama—ni Jesu-Cristo a nalinteg.

2 Juan 1:4

Naragsakanak unay a nakaammo a sumagmamano kadagiti annakmo ket agbibiagda a mayannurot iti pudno, kas imbilin ti Ama kadatayo.