3 Juan 1:11 - Ti Baro a Naimbag a Damag Biblia

¹¹ Patgek a gayyem, dimo tuladen ti dakes nga aramid. Tuladem ketdi ti naimbag. Kukua ti Dios ti agaramid iti naimbag. Ngem ti agaramid iti dakes, dina nakita ti Dios.

Ti Biblia (1973)

¹¹ Ay-ayatec, dica tuladen ti dakes, no di ket ti naimbag. Ti agaramid iti nasayaat, tao ti Dios, ti agaramid iti dakes, saanna a nakita ti Dios.

3 Juan 1:11 Iomraidhean Croise

Dagiti Salmo 34:14

Adaywanyo ti dakes ket agaramidkayo iti naimbag. Ikagumaanyo a gun-oden ti kappia iti amin a pusoyo.

Dagiti Salmo 37:27

Adaywam ti dakes ket aramidem ti naimbag, ket agnaedto ti kaputotam nga agnanayon iti daga.

Exodo 23:2

Diyo suroten ti kaaduan no agaramidda iti dakes wenno agulbodda tapno dadaelenda ti hustisia.

Dagiti Proverbio 12:11

Adunto ti taraon ti nagaget a mannalon, ngem kinamaag ti mangdaddadael iti tiempona kadagiti awan serserbina nga aramid.

San Juan 10:27

Denggen dagiti karnerok ti timekko. Ammok ida, ket surotendak.

San Juan 12:26

Ti siasinoman nga agtarigagay nga agserbi kaniak, masapul a surotennak. Ta no sadino ti ayanko, addanto met sadiay ti adipenko. Ket padayawan ti Ama ti siasinoman nga agserbi kaniak.”

San Juan 3:20

Ti siasinoman nga agaramid iti dakes, kagurana ti lawag ket saan nga umasideg iti silaw agsipud ta dina kayat a maipakita dagiti dakes nga aramidna.

1 Taga-Corinto 11:1

Tuladendak ngarud a kas iti panangtuladko ken ni Cristo.

1 Taga-Corinto 4:16

Ngarud, ipakpakaasik kadakayo a tuladendak.

Taga-Efeso 5:1

Gapu ta dakayo ti annak a patpatgen ti Dios, masapul a tumuladkayo kenkuana.

Taga-Filipos 3:17

Itultuloyyo, kakabsatko, ti tumulad kaniak. Impakitamin kadakayo ti umno a pagtuladanyo. Siputanyo a naimbag dagiti sumurot iti daytoy a pagtuladan.

1 Taga-Tesalonica 1:6

Dakami ken ti Apo ti tinuladyo. Nupay kasta unay ti panagsagabayo, inawatyo ti sao a napnoankayo iti rag-o, ti rag-o nga agtaud iti Espiritu Santo.

1 Taga-Tesalonica 2:14

Dagiti mapaspasamak kadakayo, kakabsatko, napasamak met kadagiti tattao ni Cristo Jesus, kadagiti iglesia ti Dios idiay Judea. Pinagsagabadakayo dagiti bukodyo a kailian, kas met ti panamagsagaba dagiti Judio kadagiti taga-Judea.

2 Timoteo 3:10

Ngem sinurotmo ti pannursurok, ti panagbiagko, ken ti panggepko iti daytoy a biag. Napaliiwmo ti pammatik, ti anusko, ti ayatko, ti panagibturko,

Hebreo 6:12

Dimi kayat nga agbalinkayo a nasadut. Kayatmi ketdi a tuladenyo dagiti namati ken nagan-anus ket inawatda ti inkari ti Dios.

1 Pedro 3:11

Adaywanna ti dakes ket agaramid iti naimbag. Birokenna ti kappia iti amin a kabaelanna.

1 Pedro 3:13

Adda aya mangranggas kadakayo no nareggetkayo nga agaramid iti naimbag?

1 Juan 2:29

Ammoyo a nalinteg ni Cristo. Masapul nga ammoyo met nga annak ti Dios ti amin nga agaramid iti nalinteg.

1 Juan 3:10

Ti nalawag a pakaigiddiatan dagiti annak ti Dios kadagiti annak ti Diablo isu daytoy: Saan nga anak ti Dios ti siasinoman a di agaramid iti naimbag wenno di agayat iti kabsatna.

1 Juan 4:1

Ay-ayatek a gagayyem, diyo patien ti amin nga agkuna nga adda ti Espiritu kadakuada, ngem suotenyo ida no agtaud iti Dios ti espiritu nga adda kadakuada. Ta nagwarasen ditoy lubong ti adu a sinan-profeta.