2 Juan 1:4 - Ti Baro a Naimbag a Damag Biblia

⁴ Naragsakanak unay a nakaammo a sumagmamano kadagiti annakmo ket agbibiagda a mayannurot iti pudno, kas imbilin ti Ama kadatayo.

Ti Biblia (1973)

⁴ Agragsacac iti nalaus gapu ta nasaracac dagiti dadduma cadagiti annacmo, a magmagnada iti kinapudno, a cas met iti panangawattayo iti bilin ti Ama.

2 Juan 1:4 Iomraidhean Croise

Oseas 14:9

Awaten koma dagiti masirib dagiti naisurat ditoy, ket ammoenda ti kaipapananda. Ngamin, nalinteg dagiti wagas ni Yahweh, ket suroten dagiti nalinteg ti panagbiagna ngem saan nga ikankano dagiti managbasol isu a maitibkol ken matnagda.

Malakias 2:6

Ti naimbag ti insuroda a saan ketdi a ti dakes. Nagbiagda a mayannatup iti pagayatak. Saan la a naimbag ti inaramidda ngem tinulonganda pay ti adu tapno isardengda ti panagbasolda.

1 Taga-Corinto 13:6

Saanna a pagragsakan ti dakes. Pagragsakanna ketdi ti kinapudno.

Taga-Galacia 2:14

Idi nakitak a saan a nalinteg ti ar-aramidenda ket saan a mayannurot iti kinapudno ti ebanghelio, kinunak ken ni Pedro iti sangoananda amin: “Maysaka a Judio, ngem agbibiagka a kas maysa a Hentil, saan a kas Judio. Apay a pilitem dagiti Hentil nga agbiag a kas Judio?”

Taga-Efeso 5:2

Ti koma ayat ti mangiturong iti panagbiagyo, kas iti ayat nga impaay ni Cristo kadatayo babaen iti pannangtedna iti biagna gapu kadatayo, kas nabanglo a sagut ken daton a makaparagsak iti Dios.

Taga-Efeso 5:8

Addakay idi iti sipnget, ngem gapu ta nagbalinkayon a tattao ti Apo, addakayon iti lawag. Isut' gapuna a masapul nga agbiagkayo a kas tattao a naruam nga agtaeng iti lawag.

Taga-Filipos 4:10

Nagdakkelen ti rag-ok iti panagbiagko iti Apo! Kalpasan ti nabayag a tiempo, gundawayyo manen nga ipakita ti panangipategyo kaniak. Diak kayat a sawen a naumakayon. Awan la ti gundawayyo idi a mangipakita iti panangipategyo kaniak.

1 Juan 2:6

Ti agkuna nga agtalinaed iti Dios, masapul nga agbiag a kas iti panagbiag ni Jesu-Cristo.