2 Juan 1:2 - Ti Baro a Naimbag a Damag Biblia

² agsipud ta agtalinaed kadatayo ti pudno, ket addanto nga agnanayon kadatayo.

Ti Biblia (1973)

² A gapu iti pudno nga agtaeng cadatayo, ket agyanto cadatayo iti agnanayon:

2 Juan 1:2 Iomraidhean Croise

San Juan 14:16

Agdawatakto iti Ama ket ikkannakayto iti sabali a Mammagbaga nga agtaeng kadakayo iti agnanayon.

San Juan 15:7

No agtaengkayo kaniak, ket agtaeng dagiti saok kadakayo, dawatenyo ti aniaman a kayatyo, ket maitedto kadakayo.

1 Taga-Corinto 9:23

Aramidek amin dagitoy gapu iti ebanghelio tapno mairamanak iti paraburna.

2 Taga-Corinto 4:5

Saan a ti bagimi ti ikasabami: Ikasabami ni Jesu-Cristo a kas Apo, ken dakami a kas adipenyo gapu ken ni Jesus.

Taga-Colosas 3:16

Agtalinaed koma kadagiti pusoyo ti mensahe ni Cristo iti amin a kinabaknangna. Agsisinnuro ken agbibinnalakadkayo iti amin a kinasirib. Agkantakayo kadagiti salmo, himno ken naespirituan a kankanta, a napno ti pusoyo iti panagyaman iti Dios.

2 Timoteo 1:5

Malagipko ti napudno a pammatim, ti pammati a nagtalinaed nga immuna kada apongmo a Loida ken nanangmo a Eunice. Kapkapnekak nga adda met kenka daytoy.

2 Pedro 1:12

Daytoy ti gapuna a kanayon nga ipalagipko dagitoy kadakayo uray no ammoyon ida ken natibkerkayon iti naawatyo a kinapudno.

1 Juan 1:8

No kunatayo nga awan basoltayo iti Dios, allilawentayo ti bagitayo ket saan nga agtaeng ti kinapudno kadatayo.

1 Juan 2:14

Nagsuratak kadakayo, annakko, agsipud ta am-ammoyo ti Ama. Nagsuratak kadakayo, amma, agsipud ta am-ammoyo ti addan manipud idi punganay. Nagsuratak kadakayo, agtutubo a lallaki, agsipud ta napigsakayo, ken agtalinaed kadakayo ti sao ti Dios ken pinarmekyo ti Managdakdakes.

1 Juan 2:17

Agpukaw ti lubong ken ti amin a linaonna nga aguman ti tao. Ngem agtalinaed nga agnanayon ti agaramid iti pagayatan ti Dios.