1 Samuel 7:3 - Ti Baro a Naimbag a Damag Biblia

³ Kinuna ni Samuel kadagiti Israelita, “No naimpusoan ti panagsubliyo iti Apo, masapul nga iwaksiyo dagiti didiosenyo ket ibellengyo dagiti kinitikitan nga imahen ni diosa nga Astarte. Ikonsagraryo a naan-anay ti bagiyo iti Apo ket isu laeng ti pagdaydayawanyo tapno isalakannakayto iti bileg dagiti Filisteo.”

Ti Biblia (1973)

³ Ket ni Samuel nagsao iti amin a balay ti Israel, a cunana, No dacayo agsublicayo ken Jehova iti isu-amin a pusoyo, iwacsiyo ngarud dagiti sabsabali a didios, ken ni Astarot manipud iti tengngayo, ket iturongyo dagiti puspusoyo ken Jehova, ket agservicayo kencuana laeng; ket isu isalacancayto iti ima dagiti Filisteos.

1 Samuel 7:3 Iomraidhean Croise

Genesis 35:2

Kinasao ngarud ni Jacob ti familiana ken dagiti amin a naikuyog kenkuana. “Ibellengyo dagiti didiosen nga adda kadakayo,” kinunana. “Dalusanyo dagiti bagbagiyo kas mayannurot iti alagaden ket agkaweskayo iti nadalus a pagan-anay.

1 Ar-ari 11:33

Aramidek daytoy ta linaksidnak ni Solomon. Nagdaydayaw ken ni Astarte a diosa ti Sidon, ni Kemos a dios ti Moab, ken ni Molec a dios ti Ammon. Sinukirnak ni Solomon. Nagaramid iti dakes ket saanna a tinungpal dagiti bilin ken linteg a kas ken ni amana a David.

1 Ar-ari 8:48

Iti dayta a daga, no napudno ken napasnek ti panagbabawida ket agkararagda a sumango iti daytoy a daga nga intedmo kadagiti kapuonanda, iti daytoy a siudad a pinilim ken iti daytoy a Templo a binangonko nga agpaay kenka,

2 Ar-ari 17:39

Agbutengkayo kaniak, siak, ni Yahweh a Diosyo, ket isalakankayto kadagiti kabusoryo.”

2 Ar-ari 23:15

Rinakrak pay ni Josias ti lugar a pagdaydayawan idiay Betel. Daytoy daydi impatakder ni Ari Jeroboam nga anak ni Nebat a nangisungsong iti Israel nga agbasol. Dinadael ni Josias ti altar, rinumrumekna dagiti batona agingga a nagbalin a tapok. Pinuoranna met ti adigi a naidaton iti panagdaydayaw ken ni Asera.

1 Cronicas 22:19

Agserbikayo ngarud iti Apo a Diosyo iti amin a puso ken kararuayo. Irugiyon a bangonen ti Templo a pakadaydayawan ti Apo tapno maikabil iti unegna ti Lakasa ti Tulag ti Apo ken dagiti amin a nasagradoan nga alikamen a maaramat iti panagdaydayaw kenkuana.”

1 Cronicas 28:9

“Ket sika, Solomon nga anakko, ibilinko kenka a bigbigem ti Diosko. Agserbika a siaayat kenkuana ken iti amin a pusom, ta ammona amin ti pampanunoten ken tartarigagayantayo. No mapanka kenkuana, awatennaka. Ngem no tallikudam, laksidennakanto iti agnanayon.

2 Cronicas 19:3

Ngem uray no kasta, adda naimbag nga aramidmo. Dinadaelmo amin a simbolo ni Asera a diosa a pagdaydayawan dagiti tattao ket inkagumaam a tungpalen ti pagayatan ti Dios.”

2 Cronicas 20:33

Ngem dina pinadadael dagiti pagdaydayawan kadagiti nangato a lugar. Saan met a pimmasnek dagiti tattao iti panagdaydayawda iti Dios dagiti kapuonanda.

2 Cronicas 30:19

“O Apo a Dios dagidi kapuonanmi, iti kinaimbagmo, pakawanem koma dagiti agdaydayaw kenka iti amin a pusoda nupay saanda a nadalus iti imatang ti linteg.”

Dagiti Proverbio 16:1

Agplano ti tao, ngem ti Dios ti mangeddeng.

Isaias 55:7

Masapul nga isardeng dagiti managdakdakes ti wagas ti panagbiagda, ket baliwanda ti panagpampanunotda. Agsublida koma iti Apo a Diostayo, isu a manangngaasi ken madadaan a mamakawan.

Jeremias 24:7

Riingekto ti riknada nga agtarigagay a mangammo a siak ni Yahweh. Agbalindanto a tattaok ket siakto ti Diosda agsipud ta agsublidanto kaniak iti amin a pusoda.

Jeremias 36:3

Nalabit nga inton mangngeg dagiti tattao ti Juda dagiti amin a didigra a pinanggepko nga idissuor kadakuada, agbalbaliwda ket ikkatenda dagiti amin a dakes a kababalinda. Iti kasta, pakawanekto ti kinadakes ken basolda.”

Jeremias 4:1

Kuna ti Apo, “Tattao ti Israel, no kayatyo ti agbabawi, agsublikayo kaniak. No napudnokayo kaniak, ket ibellengyo dagiti didiosen a kagurgurak,

Ezekiel 14:6

“Ngarud, ibagam kadagiti Israelita a siak nga Apo a Dios, kastoy ti kunak: Agsublikayo kaniak ket isardengyo ti agdaydayaw kadagiti makarimon a didiosenyo.

Ezekiel 18:31

Isardengyo ti amin a dakes nga aramidyo ket pabaroenyo ti nakem ken pusoyo. Apay nga ipalubosyo a mataykayto, dakayo nga Israelita?

Oseas 14:1

Tattao ti Israel, agsublikayo iti Apo a Diosyo. Naitibkol ken natnagkayo gapu iti basolyo.

San Mateo 15:8

‘Kuna ti Dios, dagitoy a tattao kunkunada a dayawendak, Ngem adayo ti pusoda kaniak.

San Mateo 4:10

Insungbat ni Jesus, “Pumanawka, Satanas! Kuna ti Nasantoan a Surat, ‘Agdaydayawka iti Apo a Diosmo ket isu laeng ti pagserbiam.’”

San Mateo 6:24

“Awan ti makapagserbi iti dua nga appo: ta guraenna ti maysa ket ayatenna ti sabali, wenno agserbi a sipupudno iti maysa ket umsienna ti sabali. Diyo mapaggiddan a pagserbian ti Dios ken ti sanikua.”

San Lucas 4:8

“Kuna ti Nasantoan a Surat: ‘Agdayawka iti Apo a Diosmo ket isu laeng ti pagserbiam,’” insungbat ni Jesus.

San Juan 4:24

Ti Dios ket Espiritu. Ngarud, dagiti agdaydayaw kenkuana masapul nga agdaydayawda iti Espiritu ken kinapudno.”

Deuteronomio 10:20

Agbutengkayo iti Apo a Diosyo ket isu laeng ti pagdaydayawanyo. Agtalinaedkayo a napudno kenkuana ket agkarikayo iti naganna.

Deuteronomio 13:4

Tungpalenyo ti Apo ket agbutengkayo kenkuana. Agtulnogkayo kenkuana ket salimetmetanyo dagiti bilinna; agdaydayaw ken agtalinaedkayo a napudno kenkuana.

Deuteronomio 4:29

Sadiay, sapulenyonto ti Apo a Diosyo; no birokenyo iti amin a pusoyo, masarakanyonto.

Deuteronomio 6:13

Agbutengkayo iti Apo a Diosyo! Agdaydayawkayo kenkuana ket ti laeng naganna ti aramatenyo no agkarikayo.

Josue 13:31

Mairaman pay ti kagudua ti Galaad, agraman Astarot ken Edrei, dagiti siudad iti pagturayan ni Og idiay Basan. Naited amin dagitoy iti kagudua dagiti familia a nagtaud iti kaputotan ni Makir nga anak ni Manases.

Josue 24:14

“Ita,” intuloy ni Josue, “agbutengkayo ngarud iti Apo ket agserbikayo kenkuana a sipupudno ken iti amin a pusoyo. Iwaksiyo dagiti didiosen a nagdaydayawan dagidi kapuonanyo idiay Mesopotamia ken Egipto. Ti laeng Apo ti pagserbianyo.

Josue 24:23

Kinuna ni Josue, “Idianyo ngarud dagiti didiosen nga adda kadakayo, ket isapatayo nga agtalinaedkayo a napudno iti Apo a Dios ti Israel.”

Uk-ukom 10:16

Imbellengda ngarud dagiti didiosenda ket nagdaydayawda ken ni Yahweh. Naasian ni Yahweh kadagiti Israelita ta dinan maibturan a kitaen ti kasasaadda.

Uk-ukom 10:6

Nagbasol manen dagiti Israelita ken ni Yahweh. Nagdaydayawda kadagiti Baal ken Astarot agraman dagiti didiosen ti Siria, Sidon, Moab, Ammon ken Filistia. Linaksidda ni Yahweh ket insardengda ti nagdaydayaw kenkuana.

Uk-ukom 2:11

Nagbasol dagiti Israelita ken ni Yahweh. Rinugianda ti nagdaydayaw kadagiti Baal.

Uk-ukom 2:13

Tinallikudanda ni Yahweh ket nagserbida kadagiti Baal ken kadagiti Astarot.

1 Samuel 31:10

Kalpasanna, inkabilda dagiti igam ni Saul iti templo ni Astarte a diosa sada inlansa ti bangkayna iti bakud ti siudad ti Bet-san.