1 Samuel 10:6 - Ti Baro a Naimbag a Damag Biblia

⁶ Pagammoan, umayto kenka ti espiritu ti Apo ket iturayannaka. Makipagipadtokanto met kadakuada ket agbalinkanto a sabali a tao.

Ti Biblia (1973)

⁶ Ket ti Espiritu ni Jehova umayto a sipipigsa unay kenca, ket sica makipagpadtocanto cadacuada, ket mabalbaliwancanto a sabali a lalaki.

1 Samuel 10:6 Iomraidhean Croise

Numero 11:17

Bumabaakto sadiay tapno makisaoak kenka. Ikkak ida iti espiritu nga intedko kenka tapno tumulongdanto kenka a mangaywan kadagitoy a tattao ket saanton a siksika ti agbaklay.

Numero 11:25

Ket bimmaba ni Yahweh iti maysa nga ulep. Nagsao ken ni Moises, nangala iti espiritu nga intedna idi kenkuana sana inted kadagiti 70 a pangulo. Idi simrek kadakuada ti espiritu, inrugidan ti agipadto ngem saan a nagbayag.

Numero 11:26

Dua kadagiti 70 a naayaban a panglakayen, da Eldad ken Medad, ti nagbati iti kampo, ket dida napan iti Tolda ti Dios. Nupay kasta, simrek met kadakuada ti espiritu ket rinugianda met ti nagipadto.

Numero 11:29

Ngem insungbat ni Moises, “Madanaganka kadi gapu kaniak? Kaykayatko pay ketdi nga ited ti Apo ti espirituna kadagiti tattao tapno agbalinda amin a profeta.”

San Mateo 7:22

Inton dumteng dayta nga Aldaw, adunto ti agkuna kaniak, ‘Apo, Apo! Iti naganmo, dimi aya inwaragawag ti Naimbag a Damag? Iti naganmo, dikam aya nagpaksiat iti adu a demonio? Iti naganmo, dikam aya nagaramid kadagiti milagro?’

Uk-ukom 14:6

Pagammoan, bimmaba ti Espiritu ni Yahweh ken ni Samson. Pimmigsa ni Samson, ket babaen kadagiti imana, rinangrangkayna ti leon a kas iti panangrangkayna iti maysa nga urbon a kalding. Ngem dina imbaga kadagiti nagannak kenkuana ti inaramidna.

Uk-ukom 15:14

Idi sumangpet ni Samson idiay Lehi, sinabat dagiti Filisteo nga agtataray ken agririaw. Pagammoan, bimmaba kenkuana ti pannakabalin ti Espiritu ni Yahweh. Pimmigsa ni Samson; kasla napuoran a sinulid a pinugsapugsatna dagiti tali a nangreppet kadagiti ima ken takiagna.

Uk-ukom 3:10

Indalan ti Espiritu ni Yahweh ni Otniel a nagbalin a pangulo ti Israel. Napan nakigubat ket pinagballigi ni Yahweh. Pinarmekna ti ari ti Mesopotamia.

1 Samuel 10:10

Apaman a dimteng ni Saul ken ti adipenna idiay Gabaa, nasabatda ti maysa a bunggoy. Inturayan ti espiritu ti Dios ket timmipon ni Saul iti bunggoy nga agipadpadto.

1 Samuel 10:9

Idi agsinada ken ni Samuel, narikna ni Saul a naikkan iti baro a kinatao. Iti dayta met la nga aldaw, napasamak ti amin nga imbaga ni Samuel kenkuana.

1 Samuel 11:6

Idi mangngeg daytoy ni Saul, inturayan ti espiritu ti Dios ket nagpungtot iti napalalo.

1 Samuel 16:13

Innala ni Samuel ti lana ti olibo ket inkonsagrarna ni David iti imatang dagiti kakabsatna. Manipud iti dayta nga aldaw, nagtaeng kenkuana ti espiritu ni Yahweh. Kalpasanna, nagsubli ni Samuel idiay Rama.

1 Samuel 19:20

nangibaon iti sumagmamano a tattao a mangtiliw kenkuana. Nakitada ti bunggoy dagiti profeta nga agsasala ken agdidir-i, ket ni Samuel ti panguloda. Inturayan ti espiritu ti Dios dagiti tattao ni Saul ket nagsasala ken nagdidir-ida met.