1 Samuel 10:3 - Ti Baro a Naimbag a Damag Biblia

³ “Kalpasanna, ituloymonto ti magna ket inton makadanonka iti lugo idiay Tabor, masabatmonto ti tallo a lallaki a mapan idiay Betel tapno mangidatagda iti daton a mapuoran a maipaay iti Dios. Maysanto kadakuada ti manguk-ukod iti tallo nga urbon ti kalding. Tallo a pandebara a tinapay ti awit ti maikadua, ket ti maikatlo maysa a supot a lalat a napno iti arak.

Ti Biblia (1973)

³ Isunton ti ipapanmo manipud sadiay, ket sica dumtengcanto iti lugo ti Tabor ket idiay sabtendacanto dagiti tallo a lallaki a sumang-at iti Dios idiay Bet-el, a ti maysa mangicuyog cadagiti tallo nga urbon a calding, ket ti maysa mangicuyog cadagiti tallo a bukel a tinapay, ket ti maysa mangicuyog iti sangasupot a lalat nga arac:

1 Samuel 10:3 Iomraidhean Croise

Genesis 28:19

Pinanagananna ti lugar iti Betel. (Luz idi ti nagan daytoy nga ili.)

Genesis 28:22

Iti daytoy a lugar a nangipatakderak iti baton-lagip, agdaydayawto kenka dagiti tattao ket itedkonto kenka ti apagkapullo ti amin nga itedmo kaniak.”

Genesis 35:1

Kinuna ti Dios ken ni Jacob, “Agrubbuatka a dagus ta inka idiay Betel ket agnaedka sadiay. Mangbangonka iti altar sadiay nga agpaay iti Dios a nagparang kenka idi intarayam ni Esau a kabsatmo.”

Genesis 35:3

Pumanawtayo ditoy ket intayo idiay Betel. Mangbangonak sadiay iti altar nga agpaay iti Dios a kadkaduak iti sadinoman a yanko ken tumultulong kaniak iti amin a pakarigatak.”

Dagiti Salmo 89:12

Insaadmo ti amianan ken ti abagatan; kantaandaka ti Tabor ken Hermon gapu iti ragsakda.

Jeremias 32:8

Kas kinuna ni Yahweh, immaynak kinasao ni kasinsinko a Hanamel iti paraangan ti pagguardiaan ket kinunana, “Gatangem ti dagak idiay Anatot iti sakup ti Benjamin. Sika ti kaasitgan a kabagiak. Adda kalintegam a manggatang ken mangtagikua.” Ngarud, daytoy ti nakaammoak a pudno a nagsao kaniak ni Yahweh.

Levitico 1:10

No karnero wenno kalding ti maidaton, masapul a kalakian ken awan depektona ti idatagna.

Levitico 23:13

Pakuyoganyo iti dua a kilo nga arina a nagamay iti lana ti olibo a daton a naayamuom iti Apo. Pakuyoganyo met iti maysa a litro nga arak.

Levitico 3:12

No kalding ti idatag ti tao,

Levitico 3:6

No karnero wenno kalding ti daton a pakikappia, mabalin a kalakian wenno kabaian, ngem masapul nga awan depektona.

Levitico 7:13

Malaksid kadagitoy, mangidaton pay kadagiti nalebaduraan a tinapay.

Josue 19:12

Iti bangir ti Sarid, agpadaya a dumanon iti beddeng ti Kislot Tabor, sa agturong idiay Deberat agingga idiay Jafia.

Josue 19:22

Dumanon ti beddeng idiay Tabor, Sahasuma ken Betsemes, ket agpatingga idiay Jordan—16 a siudad agraman dagiti ilida.

Uk-ukom 20:18

Napan dagiti Israelita iti pagdaydayawan idiay Betel ket nakiumanda iti Dios. “Ania a tribu ti umuna a manggubat kadagiti Benjaminita?” sinaludsodda. “Ti tribu ti Juda,” insungbat ni Yahweh.

Uk-ukom 20:27

Gapu ta adda sadiay ti Lakasa ti Tulag nga ay-aywanan ni Finees nga anak ni Eleazar ken apoko ni Aaron, sinaludsod dagiti tattao ken ni Yahweh: “Inkam kadi gubaten manen dagiti kakabsatmi a Benjaminita wenno saanen?” Kinuna ni Yahweh, “Inkay rumaut ta inton bigat, agballigikayto a mangparmek kadakuada.”

Uk-ukom 4:12

Idi maammoan ni Sisera a napan ni Barac idiay Bantay Tabor,

Uk-ukom 4:6

Iti maysa nga aldaw, pinaayabanna ni Barac nga anak ni Abinoam a taga-siudad ti Kedes idiay Neftali ket kinunana kenkuana, “Ti Apo a Dios ti Israel imbilinna kenka daytoy, ‘Mangayabka iti 10,000 a lallaki kadagiti tribu ti Neftali ken Zabulon ket ipanguloam ida a mapan idiay Bantay Tabor.

Uk-ukom 8:18

Kalpasanna, sinaludsodna kada Zeba ken Salmunna, “Ania ti langa dagiti tattao a pinatayyo idiay Tabor?” “Kalanglangam amin ida,” insungbatda. “Kasda la annak ti ari.”

1 Samuel 10:4

Kablaawandakanto ket ikkandakanto iti dua a tinapay a masapul nga alaem.