1 Juan 5:9 - Ti Baro a Naimbag a Damag Biblia

⁹ Mamatitayo iti pammaneknek ti tao. Ngem natibtibker ti pammaneknek ti Dios, ket intedna daytoy a pammaneknek maipapan iti Anakna.

Ti Biblia (1973)

⁹ No awatentayo ti pammanecnec dagiti tattao, ti pammanecnec ti Dios dacdackel; ta daytoy ti pammanecnec ti Dios, nga pinanecnecanna nga Anacna.

1 Juan 5:9 Iomraidhean Croise

San Mateo 17:5

Agsasao pay laeng ni Pedro idi adda naraniag nga ulep a nanglinong kadakuada. Adda timek a naggapu iti ulep a nagkuna, “Daytoy ti Anakko a dungdungngoek ken pakaragsakak unay. Dumngegkayo kenkuana!”

San Juan 10:38

Ngem no aramidek ida, uray no didak patien, patienyo koma dagiti ar-aramidko tapno mapaneknekanyo nga adda ti Ama kaniak, ket addaak iti Ama.”

San Juan 5:39

“Ad-adalenyo dagiti Sursurat agsipud ta ipagarupyo a masarakan kadagitoy ti biag nga agnanayon. Ket dagitoy met laeng a Sursurat ti agsao maipapan kaniak.

Dagiti Aramid 17:31

Ta intudingna ti aldaw a panangukomnanto a sililinteg iti entero a lubong babaen iti pinilina a tao. Intedna ti pammaneknek kadagiti amin a tattao babaen iti panangpagungarna iti dayta a tao.”

Dagiti Aramid 5:32

Dakami ti makapaneknek kadagitoy, kasta met ti Espiritu Santo nga isu a sagut ti Dios kadagiti agtulnog kenkuana.”

Hebreo 2:4

Kasta met nga innayon ti Dios ti pammaneknekna babaen kadagiti inaramidna a datdatlag ken nakaskasdaaw a pagilasinan ken kadagiti nadumaduma a kita ti milagro. Nagibunong pay kadagiti sagsagut ti Espiritu Santo kas mayannurot iti pagayatanna.

Hebreo 6:18

Saan nga agbalbaliw dagitoy dua: ti kari ti Dios ken ti sapatana. Gapu kadagitoy, dinatayo mabalin nga ulboden ti Dios. Isut' gapuna a datayo a nagkamang kenkuana, mapapigsatayo nga agtalinaed a natibker iti namnama nga adda iti masangoanantayo.

1 Juan 5:10

Ngarud, siasinoman a mamati iti Anak ti Dios adda kenkuana daytoy a pammaneknek. Ngem ti di mamati iti Dios, pinagbalinna nga ulbod ti Dios, ta dina pinati ti pammaneknekna maipapan iti Anakna.

1 Juan 5:8

ti Espiritu, ti danum ken ti dara. Ket agpapada ti ibagada.