1 Juan 5:6 - Ti Baro a Naimbag a Damag Biblia

⁶ Ni Jesu-Cristo ti immay babaen iti danum ken iti dara. Immay, saan laeng nga iti danum, no di ket iti danum ken iti dara. Paneknekan met laeng ti Espiritu a pudno daytoy, agsipud ta pudno ti Espiritu.

Ti Biblia (1973)

⁶ Daytoy daydi immay gapu iti danum ken dara, nga isu ni Jesu-Cristo: saan nga iti danum laeng, no di ket iti danum ken dara.

1 Juan 5:6 Iomraidhean Croise

Ezekiel 36:25

Warsiankayto iti nadalus a danum ket madalusankayto iti amin nga didiosen ken amin a nangtulaw kadakayo.

Levitico 17:11

Adda iti dara ti biag ti tunggal parsua, isu nga imbilin ti Apo a maibuyat ti amin a dara iti altar tapno maikkat dagiti basol dagiti tattao. Ti dara nga isu ti biag ti mangikkat kadagiti basbasol.

Zacarias 9:11

Kuna ti Apo, “Gapu iti nagtulagantayo a napasingkedan iti dara dagiti sakrifisio, wayawayaakto dagiti tattaoyo iti awan danumna nga abut a nakaipananyo a kas balud.

San Mateo 26:28

daytoy ti darak a mamatalged iti tulag ti Dios, ti darak a naibuyat nga agpaay iti adu a tao, tapno mapakawan dagiti basbasol.

San Mateo 3:16

Apaman a nabuniagan ni Jesus, simmang-at a dagus manipud iti danum ket adtoy, naglukat kenkuana ti langit. Nakitana ti Espiritu ti Dios a bumabbaba a kas maysa a kalapati ket nagdisso kenkuana.

San Marcos 14:24

Kinunana kadakuada: “Daytoy ti darak a mamatalged iti tulag ti Dios, ti darak a maiparukpok nga agpaay iti adu a tattao.

San Lucas 22:20

Kasta met a kalpasan ti panangrabii, intedna kadakuada ti kopa ket kinunana, “Daytoy ti kopa ti baro a pannakitulag ti Dios kadakayo a mapatalgedan iti darak a maibuyat para kadakayo.

San Juan 14:17

Isu ti Espiritu a mangipakaammo iti kinapudno maipapan iti Dios. Saan a mabalin nga awaten ti lubong daytoy nga Espiritu, agsipud ta saanna a makita wenno am-ammo. Ngem am-ammoyo, ta agtaeng kadakayo ket adda kadakayo.

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 15:26

“Umayto ti Mammagbaga—ti Espiritu ti kinapudno manipud iti Ama. Ibaonkonto kadakayo manipud iti Ama, ket agsaonto a mangpaneknek iti maipapan kaniak.

San Juan 16:13

Ngem inton umay ti Espiritu ti kinapudno, idalannakayto iti naan-anay a kinapudno. Dinto agsao iti bukodna a pannakabalin no di ket ibagananto dagiti mangngegna, ket ipakaammonanto kadakayo dagiti mapasamak.

San Juan 3:5

“Ibagak kenka ti pudno,” insungbat ni Jesus. “Awan ti makastrek iti Pagarian ti Dios malaksid no mayanak iti danum ken iti Espiritu.

San Juan 4:10

“No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

San Juan 6:55

Ta ti lasagko ti napaypayso a taraon, ket ti darak ti napaypayso nga inumen.

Dagiti Aramid 8:36

Intuloyda ti panagdaliasatda agingga a dimtengda iti lugar nga adda danum. Kinuna ti ofisial ken ni Felipe, “Adtoy ti danum. Ania ti makatiped iti panagbuniagko?”

Taga-Roma 3:25

Indaton ti Dios ni Cristo Jesus tapno, babaen iti ipapatayna, isu ti pakapakawanan dagiti basol dagiti tattao babaen iti pammatida kenkuana. Inaramid ti Dios daytoy tapno ipakitana ti kinalintegna. Iti napalabas, naanus ket pinalabasna dagiti basol ti tao.

Taga-Efeso 1:7

Babaen iti ipapatay ni Cristo, nagun-od ti wayawaya ket napakawan dagiti basbasoltayo. Anian a nagdakkel ti parabur ti Dios

Taga-Colosas 1:4

Ta nadamagmi ti maipapan iti pammatiyo ken ni Cristo Jesus ken ti ayatyo kadagiti amin a tattao ti Dios.

1 Timoteo 3:16

Anian a nagdakkel ti palimed ti pammatitayo: Isu ket nagparang a kas tao, Pinaneknekan ti Espiritu ti kinalintegna, Ket nakita dagiti angheles. Naikaskasaba kadagiti pagilian, Pinati dagiti tattao iti entero a lubong, Ket nayuli sadi langit.

Tito 3:5

insalakannatayo, saan a gapu iti aniaman a nasayaat nga inaramidtayo no di ket gapu iti asina kadatayo. Wen, naisalakantayo babaen iti panangugasna iti danum, ket gapu iti daytoy, naipasngaytay iti baro a biag babaen iti Espiritu Santo.

Hebreo 10:29

Panunotenyo no kasano ti kadagsen ti dusa ti tao a manglalais iti Anak ti Dios, mangumsi iti dara a nangpatalged iti tulag a nangugas kenkuana iti basol ken agsao iti maibusor iti managparabur nga Espiritu!

Hebreo 12:24

Immasidegkayo ken ni Jesus a nangisayangkat iti baro a tulag ken iti naiparukpok a darana a mangipanamnama kadatayo kadagiti bambanag a nasaysayaat ngem ti dara ni Abel.

Hebreo 13:20

Pinagungar ti Dios ni Apotayo a Jesus a nagbalin a Naindaklan a Pastor dagiti karnero gapu iti ipapatayna a kas daton a nangpatalged iti agnanayon a tulag. Sapay koma ta ti Dios a gubbuayan ti talna ipaayna kadakayo ti amin a naimbag a banag a kasapulanyo tapno maaramidyo ti pagayatanna. Sapay koma ta aramidenna kadatayo ti makaparagsak kenkuana babaen ken ni Jesu-Cristo, isu a madaydayaw iti agnanayon nga awan inggana! Amen.

Hebreo 9:14

Ngem ad-adda pay ti pannakabalin ti dara ni Cristo! Ta babaen iti agnanayon nga Espiritu, impaayna iti Dios ti bagina a kas daton nga awan pakapilawanna. Ti darana ti mangugas kadagiti konsensiatayo kadagiti awan serserbina a panagdaydayaw tapno aramidentayo ti pagayatan ti sibibiag a Dios.

Hebreo 9:7

Ngem ti laeng Kangatoan a Padi ti sumrek iti akin-uneg a paset, ket maminsan laeng iti makatawen. Itugotna ti dara nga idatonna iti Dios gapu iti basolna ken iti basol dagiti tattao a di makaammo nga agbasbasolda.

1 Pedro 3:21

Mayasping daytoy a danum iti buniag a makaisalakan ita kadakayo. Saan a babaen iti pannakaugas ti rugit ti bagi, no di ket iti panagkari iti Dios babaen iti nadalus a konsensia. Isalakannakayo ti buniag babaen iti panagungar ni Jesu-Cristo

1 Juan 1:7

Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.

1 Juan 4:10

Daytoy ti pudno a kaipapanan ti ayat: Saan a gapu ta inayattayo ti Dios, no di ket inayatnatayo, ta imbaonna ti Anakna a pakapakawanan dagiti basbasoltayo.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.

Paltiing 5:9

Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,

Paltiing 7:14

“Diak ammo, apo! Sika ti makaammo,” insungbatko. Kinunana kaniak: “Isuda dagiti nakalasat iti napalalo a pannakaidadanes. Linabaanda dagiti pagan-anayda ket pinapudawda ida babaen iti dara ti Kordero.