1 Juan 5:3 - Ti Baro a Naimbag a Damag Biblia

³ Ta no ayatentayo ti Dios, kayatna a sawen a tungpalentayo dagiti bilbilinna. Saan a narigat a tungpalen dagiti bilbilinna,

Ti Biblia (1973)

³ Ta daytoy ti ayat ti Dios, a tungpalentayo coma dagiti bilbilinna; ket dagiti bilbilinna saanda a macapadagsen.

1 Juan 5:3 Iomraidhean Croise

2 Ar-ari 18:6

Napudno ken ni Yahweh ket pulos a di nagsukir kenkuana; saanna a sinalungasing dagiti bilin nga inted ni Yahweh ken ni Moises.

Dagiti Salmo 119:140

Naan-anay ti pannakasuot ti karim, ket ay-ayaten unay toy adipenmo.

Dagiti Salmo 119:45

Agbiagakto a siwawaya, ta inannurotko dagiti ipaalagadmo.

Exodo 20:6

Ngem ipakitak ti panagayatko iti rinibu a kaputotan dagiti agayat kaniak ken mangtungpal kadagiti bilinko.

Dagiti Proverbio 3:17

Ti kinasirib mabalinna a paragsaken ti panagbiagmo. Maidalannaka iti panagbiagmo nga awan pakaan-anoam.

Daniel 9:4

Nagkararagak ken ni Yahweh a Diosko ket impudnok ti basol dagiti kailiak. Kastoy ti kararagko: “Apo Dios, naindaklanka ket agraemkami kenka. Napudnoka iti nakitulagam, ket ipakitam ti di agbalbaliw nga ayatmo kadagiti agayat kenka ken agtungpal iti aniaman a bilinmo.

Mikias 6:8

Saan! Inlawlawag kadakayo ti Apo no ania ti naimbag. Daytoy ti dawatenna kadatayo: aramidentayo ti nalinteg, ipakitatayo ti di agbalbaliw a panagayat, ken agtulnogtayo a sipapakumbaba iti Diostayo.

San Mateo 23:4

Pabaklayanda dagiti tattao iti nadagsen a karga ngem dida met tumulong nga agawit.

San Juan 14:15

Intuloy ni Jesus ti nagsao: “No ayatendak, tungpalenyo dagiti bilbilinko.

San Juan 15:10

Kas iti panangtungpalko kadagiti bilbilin ni Amak ket agtaengak iti ayatna, agtalinaedkayo met iti ayatko no tungpalenyo dagiti bilbilinko.

San Juan 15:14

Ket dakayo dagiti gagayyemko no tungpalenyo ti ibilinko.

Taga-Roma 7:12

Ngarud, nasantoan ti Linteg. Nasantoan, nalinteg ken naimbag met ti bilin.

Taga-Roma 7:22

Pagay-ayatan ti kaunggan a kinataok ti linteg ti Dios.

Deuteronomio 5:10

Ngem ipariknak ti ayatko kadagiti rinibribu a kaputotan kadagiti agayat kaniak ken agtulnog kadagiti lintegko.

Deuteronomio 7:9

Laglagipenyo a ti Apo a Diosyo ti maymaysa a Dios ken mapagtalkan. Tungpalennanto ti tulagna ket iparangarangnanto ti di agbalbaliw nga ayatna iti rinibu a kaputotan kadagiti agayat kenkuana ken agtulnog kadagiti bilinna,

Hebreo 8:10

Daytoy ti baro a pannakitulagko kadagiti Israelita Kadagiti masakbayan nga aldaw, kuna ti Apo: Ikabilkonto dagiti linlintegko kadagiti isipda, Ket isuratkonto ida kadagiti pusoda. Siakto ti Diosda, Ket isudanto dagiti tattaok.

1 Juan 2:3

No tungpalentayo dagiti bilbilin ti Dios, awan duadua nga am-ammotayo ti Dios.

2 Juan 1:6

Ti kaipapanan ti ayat a sarsaritaek isu ti panagtungpal kadagiti bilbilin ti Dios. Ti bilin a nangngegyo amin manipud idi damo isu daytoy: Agbiagkayo iti ayat.