1 Juan 5:12 - Ti Baro a Naimbag a Damag Biblia

¹² Ti tao a pagtaengan ti Anak, agtaeng met kenkuana ti biag; ti saan a pagtaengan ti Anak ti Dios, saan met nga agtaeng kenkuana ti biag.

Ti Biblia (1973)

¹² Ti agicut iti Anac, adda biagna; ti saan nga mangupicup iti Anac ti Dios, awan kencuana ti biag.

1 Juan 5:12 Iomraidhean Croise

San Marcos 16:16

Ti mamati ken mabuniagan, maisalakanto. Ngem ti di mamati, madusanto.

San Juan 1:12

Ngem adda met dagiti immawat ken namati kenkuana, isut' gapuna nga inikkanna ida iti kalintegan nga agbalin nga annak ti Dios.

San Juan 3:15

tapno agbiag nga agnanayon ti siasinoman a mamati kenkuana.”

San Juan 3:36

Ti siasinoman a mamati iti Anak maaddaan iti biag nga agnanayon. Siasinoman a di agtulnog iti Anak, dinanto maragpat ti biag, no di ket agtalinaed kenkuana ti pannusa ti Dios.

San Juan 5:24

“Ibagak ti pudno kadakayo: Ti siasinoman a dumngeg kadagiti saok ken mamati iti nangibaon kaniak, maaddaan iti biag nga agnanayon. Saanton a maukom, no di ket nalasatnan ni patay ket simreken iti biag.

1 Taga-Corinto 1:30

Ngem inyasidegnakayo ti Dios ken ni Cristo Jesus tapno makikadkaduatayo kenkuana, ket pinagbalinna nga isu ti kinasiribtayo. Babaen ken ni Cristo, mapalintegtayo iti Dios, mapagsantotayo ken mawayawayaantayo.

Taga-Galacia 2:20

Iti kasta, saanen a siak ti agbibiag, no di ket ni Cristo ti agbibiag kaniak. No kasano ti panagbiagko itan, agbiagak a maipaay iti pammati iti Anak ti Dios a nagayat kaniak ken nangted iti biagna gapu kaniak.

Hebreo 3:14

Ta kaduanatayo ni Cristo no la ket agtalinaedtayo a natibker iti panagtalek kas naipakita idi damo a namatitayo.

2 Juan 1:9

Ti siasinoman a saan nga agtalinaed iti pannursuro ni Cristo, awan kenkuana ti Dios. Ti agtalinaed iti pannursuro, adda kenkuana ti Ama ken ti Anak.