1 Juan 5:10 - Ti Baro a Naimbag a Damag Biblia

¹⁰ Ngarud, siasinoman a mamati iti Anak ti Dios adda kenkuana daytoy a pammaneknek. Ngem ti di mamati iti Dios, pinagbalinna nga ulbod ti Dios, ta dina pinati ti pammaneknekna maipapan iti Anakna.

Ti Biblia (1973)

¹⁰ Ti mamati iti Anac ti Dios addaan ti pammanecnec: ti saan a mamati iti Dios, isu pinagbalinna nga ulbod, ta saanna a pinati ti pammanecnec nga inted ti Dios a maipapan iti Anacna.

1 Juan 5:10 Iomraidhean Croise

Ti Libro ni Job 24:25

Adda kadi makailibak iti daytoy? Adda kadi makaipaneknek a saan a pudno ti saok?

Dagiti Salmo 25:14

Gagayyem ni Yahweh dagiti agtulnog kenkuana, ket patalgedanna kadakuada ti tulagna.

Dagiti Proverbio 3:32

ta kagura ti Apo dagiti agaramid iti dakes ngem maragsakan kadagiti nalinteg.

Isaias 53:1

Isungbat dagiti tattao: “Adda ngata mamati iti ipadamagmi ita? Siasino ngata ti makabigbig iti pannakabalin ti Apo iti daytoy?

Jeremias 15:18

Apay a di met la agsardengen ti panagsagsagabak? Apay a di maagasan dagiti sugatko? Apay a dida maimbagan? Panggepnak kadi a paayen a kas iti namaga a waig iti kalgaw?”

Numero 23:19

Saan a tao ti Dios tapno agulbod; saan nga agbalbaliw ti panunotna. Aramidenna ti aniaman nga ikarina.

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

San Juan 3:18

Saan a maukom ti siasinoman a mamati iti Anak. Ngem naukomen ti di mamati agsipud ta saan a namati iti Bugbugtong nga Anak ti Dios.

San Juan 3:33

Ti siasinoman nga umawat iti mensahena, pasingkedanna a pudno ti Dios.

San Juan 5:38

ket saan nga agtalinaed ti saona kadakayo, ta diyo pay patien ti imbaonna.

Taga-Roma 8:16

Makidanggay ti Espiritu ti Dios kadagiti espiritutayo a mangipakaammo nga annaknatayo ti Dios.

Taga-Galacia 4:1

Kastoy ti kayatko a sawen: No ubing pay laeng ti agtawid, maibilang a tagabu nupay isu ti akinkukua iti amin.

Taga-Galacia 4:6

Tapno maipakita nga annaknakayo ti Dios, imbaonna ti Espiritu ti Anakna iti puspusotayo. Daytoy ti Espiritu nga umawag iti “Ama! Tatangko!”

Taga-Colosas 3:3

Ta nataykayon. Naidulinen ti biagyo iti Dios iti pannakikaysayo ken ni Cristo.

Hebreo 3:12

Kakabsatko iti pammati, agannadkayo tapno awan kadakayo ti agbalin a dakes ken awanan iti pammati ket laksidenna ti sibibiag a Dios.

2 Pedro 1:19

Iti kasta, ad-adda manen ti panagtalekmi iti impakaammo dagiti profeta. Pagsayaatanyo no ipangagyo daytoy a kasla maysa a pagsilawan nga agranraniag iti nasipnget a lugar agingga iti agbannawag, ket agraniag kadagiti pusoyo ti lawag ti bituen ti agsapa.

1 Juan 1:10

No kunatayo a ditay nagbasol, pagbalinentayo nga ulbod ti Dios, ket saan nga agtaeng ti saona kadatayo.

1 Juan 5:1

Anak ti Dios ti siasinoman a mamati a ni Jesus isu ti Cristo, ket ti siasinoman nga agayat iti maysa nga ama, ayatenna met ti anak dayta nga ama.

Paltiing 12:17

Gapu iti pungtot ti dragon, napanna ginubat dagiti nabati nga annak ti babai, dagiti amin nga agtungtungpal kadagiti bilbilin ti Dios ken mangsaksaksi iti pudno nga impaltiing ni Jesus.

Paltiing 2:17

“No adda pannakaawatyo, denggenyo ngarud ti kuna ti Espiritu kadagiti iglesia: “Ti agballigi, ikkakto iti naidulin a taraon. Ikkakto pay ti tunggal maysa iti puraw a bato a nakaimalditan ti baro a nagan nga awan ti makaammo malaksid ti umawat.”

Paltiing 2:28

Itedkonto met kenkuana ti bituen nga agraniag iti agsapa.