1 Juan 4:7 - Ti Baro a Naimbag a Damag Biblia

⁷ Ay-ayatek a gagayyem, agiinnayattayo, agsipud ta ti ayat agtaud iti Dios. Anak ti Dios ti siasinoman nga agayat, ket am-ammona ti Dios.

Ti Biblia (1973)

⁷ Ayayatec, agdidinnungngotayo, ta ti ayat nagtaud iti Dios, ket tunggal maysa nga agayat nabukel iti Dios ket ammona ti Dios.

1 Juan 4:7 Iomraidhean Croise

San Juan 13:34

“Adda baro a bilin nga itedko kadakayo: Agiinnayatkayo. Kas iti panagayatko kadakayo, kasta met koma ti panagiinnayatyo.

San Juan 17:3

Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

1 Taga-Corinto 8:3

Ngem ti agayat iti Dios, ammo ti Dios.

2 Taga-Corinto 4:6

Ti Dios a nagkuna, “Agraniag ti silaw manipud iti kasipngetan!” ket isu met laeng ti Dios a nangted iti silawna kadagiti pusomi tapno maammoanmi ti dayag ti Dios iti rupa ni Cristo.

Taga-Galacia 4:9

Ngem ita ta ammoyon ti Dios—wenno, kunak ketdi, ita ta ammonakayon ti Dios—apay a tarigagayanyo ti agsubli kadagiti nakapuy ken nakaay-ay-ay nga agturay nga espiritu? Apay a kayatyo manen ti patagabu kadakuada?

Taga-Galacia 5:22

Ngem ti Espiritu pataudenna ti ayat, rag-o, talna, anus, kinamanangngaasi, kinaimbag, kinamatalek,

Deuteronomio 30:6

Pabaroennakayto ti Apo ket agbalinkayto a natulnog tapno ayatenyo iti amin a puso ken kararuayo ken agtultuloykayto nga agnaed iti dayta a daga.

2 Timoteo 1:7

Ta saan nga espiritu ti kinatakrot ti inted kadatayo ti Dios, no di ti Espiritu a mangted kadatayo iti pannakabalin, ayat ken kinamanagteppel.

1 Pedro 1:22

Babaen iti panagtungpalyo iti kinapudno, napakawan dagiti basbasolyo ket nadalusankayo. Gapu ta addan pudno a panagayatyo kadagiti kakabsatyo iti pammati, agiinnayatkayo ngarud iti amin a pusoyo.

1 Juan 2:10

Ti agayat iti kabsatna, agtalinaed iti lawag, ket awan kenkuana ti pakaigapuan ti panagbasol ti sabali.

1 Juan 2:29

Ammoyo a nalinteg ni Cristo. Masapul nga ammoyo met nga annak ti Dios ti amin nga agaramid iti nalinteg.

1 Juan 2:3

No tungpalentayo dagiti bilbilin ti Dios, awan duadua nga am-ammotayo ti Dios.

1 Juan 2:4

No adda agkuna nga am-ammona ti Dios ngem dina met tungpalen dagiti bilinna, ulbod ti kasta a tao ket saan nga agtaeng ti kinapudno kenkuana.

1 Juan 2:7

Ay-ayatek a gagayyem, saan a baro a bilin daytoy isuratko kadakayo. Isu met laeng daydi daan a bilin a naited kadakayo idi damo, daydi mensahe a nangngegyo.

1 Juan 3:9

Saan nga agbasol ti anak ti Dios, agsipud ta adda kenkuana ti kababalin ti Dios. Gapu ta ti Dios ti Amana, saanna a mabalin ti agbasol.

1 Juan 4:11

Patpatgek a gagayyem, no kastoy ti panagayat ti Dios kadatayo, rebbengna met nga agiinnayattayo.

1 Juan 4:12

Awan pay ti nakakita iti Dios. Ngem no agiinnayattayo, agtaeng ti Dios kadatayo ket maan-anay ti ayatna kadatayo.

1 Juan 4:16

Ammo ken mamatikami nga ay-ayatennatayo ti Dios. Ti Dios ket ayat! Agtaeng iti Dios ti agtaeng iti ayat, ket agtaeng met kenkuana ti Dios.

1 Juan 4:20

Ulbod ti agkuna nga ay-ayatenna ti Dios ngem guraenna met ti kabsatna. Ta dina mabalin nga ayaten ti Dios a dina makita, no dina ayaten ti kabsatna a makitana.

1 Juan 4:8

Ti saan nga agayat, saanna nga ammo ti Dios, ta ti Dios ket ayat.

1 Juan 5:1

Anak ti Dios ti siasinoman a mamati a ni Jesus isu ti Cristo, ket ti siasinoman nga agayat iti maysa nga ama, ayatenna met ti anak dayta nga ama.

2 Juan 1:5

Ket ita, dawatek kenka, patgek nga Ina: agiinnayattayo koma amin. Saan a baro a bilin daytoy isuratko kenka—isu met laeng daydi bilin nga addan kadatayo manipud idi damo.