1 Juan 4:6 - Ti Baro a Naimbag a Damag Biblia

⁶ Ngem datayo, kukuanatayo ti Dios. Dumngeg kadatayo ti tao a makaammo iti Dios. Saan a dumngeg kadatayo ti saan a kukua ti Dios. Daytoy ngarud ti pakaammoantayo iti paggiddiatan ti espiritu ti kinapudno ken ti espiritu ti kinaulbod.

Ti Biblia (1973)

⁶ Datayo tattaonatayo ti Dios: ti macaammo iti Dios, denggennatayo; ti saan a tao ti Dios, saannatay a denggen: gapu itoy maammoantayo ti espiritu ti pudno ken ti espiritu ti ulbod.

1 Juan 4:6 Iomraidhean Croise

2 Cronicas 18:21

Insungbat ti espiritu, ‘Innak kadagiti profeta ni Ahab ket pagulbodek amin ida.’ Kinuna ti Apo, ‘Inka ngaruden. Agballigikanto a mangallilaw kenkuana.’”

Isaias 29:10

Pinagyepyepnakayo ti Apo tapno umay ti nargaan a turogyo. Dagiti koma profeta ti pannakamata dagiti tattao ngem kinullaapan ti Apo dagiti matada.

Isaias 8:20

Kastoyto ti isungbatyo kadakuada, “Ipangagyo ti isursuro kadakayo ti Apo! Diyo ipangag dagiti makiuman kadagiti natay ta awan magunggonayo iti ibagada kadakayo.”

Oseas 4:12

Makiumanda iti imahen ta kayatda nga adda maipaltiing kadakuada. Maibaga aya ti sangaputol a kayo ti tarigagayanda a maammoan? Tinallikudandak. Kas iti babai nga agbalin a balangkantis, intedda ti bagida kadagiti sabali a dios.

Mikias 2:11

“Kaykayat dagitoy a tattao ti profeta a mangiwarwaras iti ulbod ken mangal-allilaw ket kunana, ‘Ipadtok nga agayus kadakayo ti arak ken naingel nga inumen.’

Mikias 3:8

Ngem no maipapan kaniak, punnoennak ti espiritu ti Apo ken iti pannakabalinna, ipakaammona kaniak ti hustisia ket paturdennak a mangibutaktak iti basol dagiti Israelita.

San Lucas 10:22

“Intalek kaniak ni Amak dagiti amin. Awan makaam-ammo iti Anak no di laeng ti Ama. Awan met makaam-ammo iti Ama no di laeng ti Anak ken dagiti kayat ti Anak a pangipakaammoan.”

San Juan 10:16

Adda pay dagiti karnerok nga awan ditoy a pagaponan. Masapul nga yaponko met ida. Ipangagdanto ti timekko, ket agbalindanton a maymaysa nga arban nga aywanan ti maymaysa a pastor.

San Juan 10:27

Denggen dagiti karnerok ti timekko. Ammok ida, ket surotendak.

San Juan 10:3

Isu ti ilukatan ti agay-aywan iti ruangan. Denggen dagiti karnero ti timekna no awaganna dagiti nagnaganda, ket iruarna ida.

San Juan 13:20

Ibagak ti pudno kadakayo: Ti umawat iti siasinoman nga ibaonko, awatennak met. Ket ti umawat kaniak, awatenna met ti nangibaon kaniak.”

San Juan 14:17

Isu ti Espiritu a mangipakaammo iti kinapudno maipapan iti Dios. Saan a mabalin nga awaten ti lubong daytoy nga Espiritu, agsipud ta saanna a makita wenno am-ammo. Ngem am-ammoyo, ta agtaeng kadakayo ket adda kadakayo.

San Juan 15:26

“Umayto ti Mammagbaga—ti Espiritu ti kinapudno manipud iti Ama. Ibaonkonto kadakayo manipud iti Ama, ket agsaonto a mangpaneknek iti maipapan kaniak.

San Juan 16:13

Ngem inton umay ti Espiritu ti kinapudno, idalannakayto iti naan-anay a kinapudno. Dinto agsao iti bukodna a pannakabalin no di ket ibagananto dagiti mangngegna, ket ipakaammonanto kadakayo dagiti mapasamak.

San Juan 18:37

Isut' gapuna a sinaludsod ni Pilato, “No kasta, maysaka nga ari?” “Nasaomon,” insungbat ni Jesus. “Nayanakak ditoy lubong tapno paneknekak ti pudno. Dumngeg kaniak ti siasinoman nga adda iti pudno.”

San Juan 20:21

Kinuna manen ni Jesus kadakuada, “Adda koma kappia kadakayo. Kas iti panangibaon kaniak ti Ama, kasta met ti panangibaonko kadakayo.”

San Juan 8:19

“Sadino ti ayan ni amam?” sinaludsodda. “Saandak nga am-ammo,” insungbat ni Jesus, “ket diyo met am-ammo ni Amak. No am-ammodak koma, am-ammoyo met koma ni Amak.”

San Juan 8:23

“Taga-dagakayo, ngem taga-langitak,” insungbat ni Jesus. “Aggapukay iti daytoy a lubong, ngem saanak a naggapu iti lubong.

Taga-Roma 1:1

Siak ni Pablo. Maysaak nga adipen ni Cristo Jesus ken apostol a pinili ken inayaban ti Dios a mangikasaba iti Naimbag a Damagna.

Taga-Roma 11:8

Kas kuna ti Nasantoan a Surat, “Pinatangken ti Dios ti puso ken isipda. Agpapan ita, saanda a makakita wenno makangngeg.”

1 Taga-Corinto 14:37

No adda mangipagarup nga isu ket profeta ti Dios wenno addaan iti naespirituan a sagut, masapul a bigbigenna a ti bilin ti Apo ti isursuratko kadakayo.

2 Taga-Corinto 10:7

Kitkitaenyo laeng ti akinruar dagiti bambanag. No adda siasinoman a mangipagarup iti bagina a tao ni Cristo, utobenna man ti kinasiasinona? Uray dakami, tattaonakami met ni Cristo a kas kenkuana.

2 Taga-Tesalonica 1:8

Babaen iti gumilgil-ayab nga apuy, dusaennanto dagiti di mangbigbig iti Dios ken dagiti di agtulnog iti Naimbag a Damag maipapan ken ni Apotayo a Jesus.

1 Timoteo 4:1

Nalawag ti kuna ti Espiritu a kadagiti maudi nga al-aldaw, suminanto ti sumagmamano a tattao iti pammati. Ipangagdanto dagiti mangallilaw nga espiritu ket surotenda ti pannursuro dagiti demonio.

2 Pedro 3:2

Laglagipenyo koma ti kinuna dagidi nasantoan a profeta ken ti imbilin ti Apo ken Mangisalakan nga impakaammo dagiti apostolesyo.

1 Juan 4:1

Ay-ayatek a gagayyem, diyo patien ti amin nga agkuna nga adda ti Espiritu kadakuada, ngem suotenyo ida no agtaud iti Dios ti espiritu nga adda kadakuada. Ta nagwarasen ditoy lubong ti adu a sinan-profeta.

1 Juan 4:4

Ngem kukuanakayo ti Dios, annakko, ket naparmekyon dagiti sinan-profeta, agsipud ta nabilbileg ti Espiritu nga adda kadakayo ngem ti espiritu nga adda kadagiti taga-lubong.

1 Juan 4:8

Ti saan nga agayat, saanna nga ammo ti Dios, ta ti Dios ket ayat.

1 Juan 5:19

Ammotayo a kukuanatayo ti Dios, nupay iturturayan ti Managdakdakes ti entero a lubong.

San Judas 1:17

Ay-ayatek a gagayyem, laglagipenyo dagiti impakdaar idi un-unana dagiti apostoles ni Apo Jesu-Cristo.