1 Juan 4:17 - Ti Baro a Naimbag a Damag Biblia

¹⁷ Agbalin a naan-anay ti ayat kadatayo tapno awan ti panagbutengtayo inton dumteng ti Aldaw ti Panangukom. Maaddaantayto iti tured agsipud ta ti panagbiagtayo ditoy lubong kas met idi ken ni Cristo.

Ti Biblia (1973)

¹⁷ Daytoy ti pacatungpalan ti ayat cadatayo, tapno adda panagtalectayo iti aldaw ti pannacaocom; ta no casano ti kinaisuna, casta tayo met ditoy lubong.

1 Juan 4:17 Iomraidhean Croise

San Mateo 10:15

“Laglagipenyo nga inton Aldaw ti Panangukom, nalaglag-anto ti dusa nga ipalak-am ti Dios kadagiti taga-Sodoma ken Gomorra ngem kadagiti tattao iti dayta nga ili.”

San Mateo 10:25

Ngarud, mapnek koma ti agad-adal no agbalin a kas iti maestrona; kasta met ti adipen, no agbalin a kas iti apona. No Beelzebub ti ipanaganda iti pangulo ti maysa a familia, naal-alasto pay ti maipanagan kadagiti kamkameng ti familiana.”

San Mateo 11:22

Laglagipenyo ngarud nga inton Aldaw ti Panangukom, nalaglag-anto ti panangdusa ti Dios iti Tiro ken Sidon ngem ti panangdusana kadakayo.

San Mateo 11:24

Laglagipem ngarud nga inton umay ti Aldaw ti Panangukom, nalaglag-anto ti panangdusa ti Dios iti Sodoma ngem ti panangdusana kenka.”

San Mateo 12:36

“Ibagak kadakayo nga inton Aldaw a Panangukom, sungbatanto ti tunggal maysa dagiti awan serserbina nga insawangna.

San Juan 15:20

Laglagipenyo ti imbagak kadakayo: ‘Saan a natantan-ok ti adipen ngem ti apona.’ No indadanesdak, idadanesdakayto met. No tinungpalda ti saok, tungpalendanto met ti saoyo.

San Juan 17:22

Intedko kadakuada ti dayag nga intedmo kaniak tapno agmaymaysada a kas iti panagmaymaysata.

Taga-Roma 8:29

Dagiti pinili idin ti Dios, tinudinganna met ida nga agbalin a kas iti Anakna tapno agbalin ti Anak nga inauna kadagiti adu nga agkakabsat.

Hebreo 9:27

Naituding a matay ti tao iti maminsan, ket kalpasanna, ukomen ti Dios.

Santiago 2:13

Ta dinto mangngaasi ti Dios inton ukomenna ti tao a di nangngaasi; ngem inton oras ti panangukom, agballiginto ti kaasi.

Santiago 2:22

Dimo aya maawatan? Nagtunos ti aramid ken ti pammati ni Abraham. Dagiti aramidna ti nangpunno iti pammatina.

2 Pedro 2:9

Kas ipaneknek dagitoy, ammo ti Apo nga isalakan dagiti nasingpet a tattao iti pakasuotanda. Ammona met a guardiaan dagiti managdakdakes agingga a dumteng ti Aldaw ti Panangukom a panagsagabada,

2 Pedro 3:7

Ngem babaen iti isu met laeng a sao ti Dios, mataginayon ti agdama a langit ken daga tapno dadaelento ti apuy. Ta mapuorandanto inton dumteng dayta nga aldaw a pannakaukom ken pannakadadael dagiti awanan-dios.

1 Juan 2:28

Wen, annakko, agtalinaedkayo kenkuana tapno naturedtayo ket ditayto mabain a sumango kenkuana iti dayta nga Aldaw a yaayna.

1 Juan 2:5

Ngem ti mangtungpal iti sao ti Dios, ipakitana a naan-anay ti ayatna iti Dios. Ti pakapnekan nga agbibiagtayo iti Dios isu daytoy:

1 Juan 2:6

Ti agkuna nga agtalinaed iti Dios, masapul nga agbiag a kas iti panagbiag ni Jesu-Cristo.

1 Juan 3:1

Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.

1 Juan 3:3

Tunggal maysa nga addaan iti daytoy a namnama ken ni Cristo, masapul nga agbiag a nadalus a kas ken ni Cristo a nadalus.

1 Juan 3:7

Annakko, dikay paallilaw iti uray siasinoman. Nalinteg ti siasinoman nga agaramid iti nalinteg a kas ken ni Cristo a nalinteg.

1 Juan 4:12

Awan pay ti nakakita iti Dios. Ngem no agiinnayattayo, agtaeng ti Dios kadatayo ket maan-anay ti ayatna kadatayo.