1 Juan 4:16 - Ti Baro a Naimbag a Damag Biblia

¹⁶ Ammo ken mamatikami nga ay-ayatennatayo ti Dios. Ti Dios ket ayat! Agtaeng iti Dios ti agtaeng iti ayat, ket agtaeng met kenkuana ti Dios.

Ti Biblia (1973)

¹⁶ Ket dacami naammoanmi ket pinatimi ti ayat ti Dios nga adda cadatayo. Ti Dios isu ti ayat; ket ti agtalinaed iti ayat, agtaeng iti Dios ket ti Dios agtaeng kencuana.

1 Juan 4:16 Iomraidhean Croise

Dagiti Salmo 31:19

Bendision ti insaganam kadagiti agbuteng kenka, nakaskasdaaw dagiti imbag nga ipaaymo kadakuada. Ammo ti amin ti kinaimbagmo, kadagiti agtalek kenka, natalged ti salaknibmo.

Isaias 64:4

Awan pay ti nakakita wenno nakadamag iti Dios a kas kenka, Dios nga agaramid kadagiti kakasta a banag kadagiti agtalek kenkuana.

San Juan 6:69

Ket ita, mamatikami ken ammomi a sika ti Nasantoan a naggapu iti Dios.”

San Juan 9:3

“Awan ti pakainaigan ti kinabulsek daytoy a tao iti basolna wenno iti basol dagiti nagannak kenkuana,” insungbat ni Jesus. “Bulsek daytoy tapno makita kenkuana ti pannakabalin ti Dios.

1 Taga-Corinto 2:9

Ngem kas kuna ti Nasantoan a Surat, “Ti saan pay a nakita wenno nangngeg ti tao, ti saan nga impagarup ti tao a mapasamak, isu ti insagana ti Dios kadagiti agayat kenkuana.”

1 Juan 3:1

Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.

1 Juan 3:16

Ti pakaammoantayo no ania ti ayat isu daytoy: Impaay ni Cristo ti biagna kadatayo. Rebbengtayo met ngarud nga ipaay ti biagtayo kadagiti kakabsat!

1 Juan 3:24

Ti mangtungpal kadagiti bilbilin ti Dios, agtalinaed iti Dios, ket agtalinaed met ti Dios kenkuana. Daytoy ti pakaammoantayo nga agtaeng kadatayo ti Dios: Ammotayo babaen iti Espiritu nga intedna kadatayo.

1 Juan 4:7

Ay-ayatek a gagayyem, agiinnayattayo, agsipud ta ti ayat agtaud iti Dios. Anak ti Dios ti siasinoman nga agayat, ket am-ammona ti Dios.