1 Juan 4:12 - Ti Baro a Naimbag a Damag Biblia

¹² Awan pay ti nakakita iti Dios. Ngem no agiinnayattayo, agtaeng ti Dios kadatayo ket maan-anay ti ayatna kadatayo.

Ti Biblia (1973)

¹² Awan ti tao a nacakita iti Dios uray caano; no agayanayattayo, ti Dios agtaeng cadatayo, ket ti ayatna nagdanunan cadatayo:

1 Juan 4:12 Iomraidhean Croise

Genesis 32:30

Kinuna ni Jacob, “Nakitak ti Dios iti rupanrupa ket sibibiagak pay laeng.” Daytoy ti gapuna a pinanagananna ti lugar iti Peniel.

Exodo 33:20

Ngem diak ipakita kenka ti rupak gapu ta matay ti siasinoman a makakita iti rupak.

Numero 12:8

Iti kasta, makisaoak kenkuana iti rupanrupa. Nalawag ti pannakisaok kenkuana ket saan a kadagiti burburtia. Nakitana payen ti langak! Nagturedkayo ketdin a mangbabalaw ken ni Moises nga adipenko?”

San Juan 1:18

Awan pay ti nakakita iti Dios. Ti laeng Bugbugtong nga Anak, a kadua ti Ama, isu ti nangipakaammo kenkuana.

1 Taga-Corinto 13:13

Kabayatanna, dagitoy tallo ti agtalinaed: pammati, namnama, ayat; ngem ti kangrunaan kadagitoy, isu ti ayat.

1 Timoteo 1:17

Iti agnanayon nga Ari a saan a matay ken saan a makita, isu a kakaisuna a Dios, maited koma ti dayaw ken dayag iti agnanayon nga awan inggana. Amen.

1 Timoteo 6:16

Isu laeng ti saan a matay. Agnaed iti silaw nga awan ti makaasideg. Awan ti siasinoman a nakakita kenkuana. Awan ti makakita kenkuana. Adda kenkuana ti dayag ken agnanayon a pannakabalin! Amen.

Hebreo 11:27

Gapu ta adda pammati ni Moises, pimmanaw iti Egipto a di nagbuteng iti pungtot ti ari. Dina kinayat ti agsubli ta kasna la kitkitaen ti Dios a di makita.

1 Juan 2:5

Ngem ti mangtungpal iti sao ti Dios, ipakitana a naan-anay ti ayatna iti Dios. Ti pakapnekan nga agbibiagtayo iti Dios isu daytoy:

1 Juan 3:24

Ti mangtungpal kadagiti bilbilin ti Dios, agtalinaed iti Dios, ket agtalinaed met ti Dios kenkuana. Daytoy ti pakaammoantayo nga agtaeng kadatayo ti Dios: Ammotayo babaen iti Espiritu nga intedna kadatayo.

1 Juan 4:16

Ammo ken mamatikami nga ay-ayatennatayo ti Dios. Ti Dios ket ayat! Agtaeng iti Dios ti agtaeng iti ayat, ket agtaeng met kenkuana ti Dios.

1 Juan 4:20

Ulbod ti agkuna nga ay-ayatenna ti Dios ngem guraenna met ti kabsatna. Ta dina mabalin nga ayaten ti Dios a dina makita, no dina ayaten ti kabsatna a makitana.

1 Juan 4:6

Ngem datayo, kukuanatayo ti Dios. Dumngeg kadatayo ti tao a makaammo iti Dios. Saan a dumngeg kadatayo ti saan a kukua ti Dios. Daytoy ngarud ti pakaammoantayo iti paggiddiatan ti espiritu ti kinapudno ken ti espiritu ti kinaulbod.