1 Juan 4:10 - Ti Baro a Naimbag a Damag Biblia

¹⁰ Daytoy ti pudno a kaipapanan ti ayat: Saan a gapu ta inayattayo ti Dios, no di ket inayatnatayo, ta imbaonna ti Anakna a pakapakawanan dagiti basbasoltayo.

Ti Biblia (1973)

¹⁰ Ket daytoy ti ayat, saan a gapu ta ayatentayo ti Dios, no di ket gapu ta isu inayatnatayo, ket imbaonna ti Anacna a daton a subbot cadagiti basbasoltayo.

1 Juan 4:10 Iomraidhean Croise

Daniel 9:24

“Mamimpito a pitopulo a lawas dagiti tawtawen ti kabayag ti intuding ti Dios a mapalabas sananto wayawayaan dagiti kailiam ken ti nasantoan a siudadmo iti dakes ken panagbasol. Mapakawanton ti basol ket maipasdekton ti agnanayon a kinalinteg, tapno pumayso ti parmata ken ti padto, ket maidaton manen ti nasantoan a Templo.

San Juan 13:34

“Adda baro a bilin nga itedko kadakayo: Agiinnayatkayo. Kas iti panagayatko kadakayo, kasta met koma ti panagiinnayatyo.

San Juan 15:16

Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

San Juan 6:51

Siak ti sibibiag a tinapay a naggapu sadi langit. No kanen ti siasinoman daytoy a tinapay, agbiagto nga agnanayon. Ket ti tinapay nga itedkonto isu ti lasagko. Wen, itedko tapno agbiag ti lubong.”

Hebreo 2:17

Ngarud, masapul a pudpudno a maipada kadagiti kakabsatna tapno agbalin a napudno ken naasi a Kangatoan a Padi iti panagserbina iti Dios. Iti kasta, pakawanen ti Dios dagiti basol ti tao.

1 Pedro 2:24

Inawit ni Cristo dagiti basbasoltayo iti krus tapno mawayawayaantay iti pannakabalin ti basol ket agbiagtay a nalinteg. Ta babaen kadagiti sugatna, naagasankayo.

1 Pedro 3:18

Naminsan a natay ni Cristo a maipaay iti amin tapno mapakawan dagiti basbasoltayo. Natay ti nalinteg a tao gapu kadagiti nakillo tapno yasidegnakayo iti Dios. Napapatay iti bagi ngem napagungar iti espiritu,

1 Juan 2:2

Ni Cristo met laeng ti pakapakawanan dagiti basoltayo, ket saan laeng a dagiti basoltayo, no di pay ket dagiti basol ti amin a tao.

1 Juan 3:1

Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.

1 Juan 4:19

Agayattayo agsipud ta immuna nga inayatnatayo ti Dios.

1 Juan 5:11

Daytoy ngarud ti pammaneknek: Inikkannatayo ti Dios iti biag nga agnanayon, ket masarakan daytoy a biag iti Anakna.