1 Juan 4:1 - Ti Baro a Naimbag a Damag Biblia

¹ Ay-ayatek a gagayyem, diyo patien ti amin nga agkuna nga adda ti Espiritu kadakuada, ngem suotenyo ida no agtaud iti Dios ti espiritu nga adda kadakuada. Ta nagwarasen ditoy lubong ti adu a sinan-profeta.

Ti Biblia (1973)

¹ Ayayatec, dicay patien dagiti amin nga espiritu, no di ket suutenyo dagiti espiritu, no nagtaudda iti Dios; ta adu dagiti saan a pudno a mammadto a rimmuar ditoy lubong.

1 Juan 4:1 Iomraidhean Croise

1 Ar-ari 13:18

Kinuna ti lakay a profeta a taga-Betel, “Profetaak met a kas kenka. Binilin ti Apo ti maysa nga anghel a nangibaga kaniak a yawidka tapno sangailienka.” Ngem agul-ulbod ti lakay a profeta.

Dagiti Proverbio 14:15

Patien ti maag ti amin a mangngegna; annadan ti manakem ti pannagnana.

Jeremias 14:14

Ngem insungbat ti Apo, “Agul-ulbod dagiti profeta iti naganko. Saanko nga imbaon ida. Awan ti imbilinko kadakuada ket pulos a diak kinasao ida. Saan a naggapu kaniak dagiti sirmata nga ibagbagada. Awan serserbi dagiti padto nga ibagbagada; ar-arapaapda laeng dagita.

Jeremias 23:16

Kuna ti Apo a Mannakabalin-amin kadagiti tattao ti Jerusalem, “Pasig nga ulbod ti ipanamnama kadakayo dagiti profeta. Diyo ipangag ida ta ibagada dagiti arapaapda. Saan a nagtaud kaniak ti sasawenda.

Jeremias 5:31

Pasig nga ulbod ti sasawen dagiti profeta. Isuro dagiti papadi ti kaykayatda ket magustoan met ti kasta dagiti tattaok. Ngem anianto ti aramidenda inton agpatingga amin dagitoy?”

San Marcos 13:21

“Daytoy ti gapuna a no adda agkuna, ‘Kitaenyo, adda ditoy ti Cristo!’ wenno ‘Kitaenyo, adda sadiay!’ diyo patpatien.

San Lucas 12:57

“Apay a diyo panunoten ti rumbeng nga aramidenyo?

San Lucas 21:8

“Agannadkayo ket saankayo a paallilaw,” kinuna ni Jesus. “Adunto dagiti umay ket aramatenda ti naganko a kunkunada, ‘Siak ti Cristo,’ ken ‘Asidegen ti tiempo!’ Ngem diyo patpatien ida.

Dagiti Aramid 17:11

Mannakaawat dagiti taga-Berea. Saanda a kas kadagiti taga-Tesalonica. Sigagagarda a nagdengngeg iti mensahe. Inaldaw nga adalenda dagiti Nasantoan a Sursurat tapno ammoenda no pudno met laeng ti sasawen ni Pablo.

Dagiti Aramid 20:29

Ammok nga inton awanakon, umayto kadakayo dagiti narungsot a lobo ket didanto mamingga no dida madangran ti arban.

1 Taga-Corinto 12:10

Babaen iti Espiritu, maikkan ti maysa a tao iti kabaelan nga agaramid iti milagro. Iti sabali, ti kinalaing a mangiwaragawag iti mensahe ti Dios. Ket iti sabali pay, ti kabaelan a mangigiddiat no ania dagiti sagut nga aggapu iti Espiritu ken dagiti saan. Itedna iti maysa a tao ti kabaelan nga agsao kadagiti datdatlag a pagsasao. Iti sabali, ti kabaelan a mangipatarus iti naisao.

1 Taga-Corinto 14:29

Dua wenno tallo a naikkan iti mensahe ti Dios ti agsao koma, ket utoben dagiti dadduma ti sawenda.

1 Taga-Tesalonica 5:20

Diyo laisen dagiti sao dagiti profeta.

1 Taga-Tesalonica 5:21

Usigenyo ketdi a nalaing dagiti amin a bambanag. Salimetmetanyo dagiti naimbag

2 Taga-Tesalonica 2:2

a dikay koma mariribukan wenno madanagan iti maibagbaga a dimtengen ti Aldaw ti Apo. Kunkunada a kasta ti naibagami bayat ti panangaskasabami wenno panagsuratmi.

1 Timoteo 4:1

Nalawag ti kuna ti Espiritu a kadagiti maudi nga al-aldaw, suminanto ti sumagmamano a tattao iti pammati. Ipangagdanto dagiti mangallilaw nga espiritu ket surotenda ti pannursuro dagiti demonio.

2 Timoteo 3:13

Ngem dumakdakesto dagiti dakes a tattao ken manangallilaw, ket agtultuloydanto a mangallilaw ken paallilaw.

2 Pedro 2:1

Iti napalabas, timmaud dagiti sinan-profeta iti Israel. Kasta met nga addanto dagiti sinan-maestro nga umay kadakayo. Awanto ti makadkadlaw iti panangiserrekda kadagiti makadadael ken saan a pudno a pannursuro ket laksidendanto ti Apo a nangsubbot kadakuada. Iti kasta, kellaatto a dumteng ti pannakadadaelda.

1 Juan 2:18

Annakko, asidegen ti panungpalan! Nangngegyo nga umayen ti Anti-Cristo. Ita, nagparangen ti adu a kabusor ni Cristo, ket daytoy ti pakaammoantayo nga asidegen ti panungpalan.

1 Juan 2:7

Ay-ayatek a gagayyem, saan a baro a bilin daytoy isuratko kadakayo. Isu met laeng daydi daan a bilin a naited kadakayo idi damo, daydi mensahe a nangngegyo.

2 Juan 1:7

Nagwarasen ditoy lubong ti adu a mangallilaw, tattao a di mangbigbig nga immay ni Jesu-Cristo iti lasag. Mangallilaw ken Kabusor ni Cristo dagiti kakasta a tattao.

3 Juan 1:11

Patgek a gayyem, dimo tuladen ti dakes nga aramid. Tuladem ketdi ti naimbag. Kukua ti Dios ti agaramid iti naimbag. Ngem ti agaramid iti dakes, dina nakita ti Dios.

Paltiing 2:2

Ammok dagiti aramidmo, dagiti panagbannog ken ti naanus a panagibturmo. Ammok a dimo maanusan dagiti dakes a tattao. Sinuotmo dagiti agpampamarang nga apostoles, ket natakkuatam nga ulbodda.