1 Juan 3:7 - Ti Baro a Naimbag a Damag Biblia

⁷ Annakko, dikay paallilaw iti uray siasinoman. Nalinteg ti siasinoman nga agaramid iti nalinteg a kas ken ni Cristo a nalinteg.

Ti Biblia (1973)

⁷ Annacco a dongdongngoen, dicay ituloc nga iyao-awannacayo ti uray siasino; ti agaramid iti kinalinteg, nalinteg, a cas met isu nalinteg.

1 Juan 3:7 Iomraidhean Croise

Dagiti Salmo 106:3

Nagasat dagiti mangtungpal iti bilinna ken kanayon a nalinteg ti aramidna.

Dagiti Salmo 45:7

ayatem ti naimbag ket guraem ti dakes. Isu a pinilinaka ti Dios; wen, ti Diosmo ket ad-adu a bendision ti impaayna kenka ngem ti uray siasinoman nga ari.

San Mateo 5:20

Ngarud, ibagak kadakayo: makastrekkayto iti Pagarian ti Langit no napaspasnek ti panagtulnogyo iti pagayatan ti Dios ngem ti panagtungpal dagiti Fariseo ken dagiti mamaestro iti Linteg.”

San Lucas 1:75

Ket nasantoan ken nalintegtayo iti imatangna kadagiti amin nga aldaw ti panagbiagtayo.

Dagiti Aramid 10:35

Awatenna ti siasinoman nga agbuteng kenkuana ken agaramid iti nalinteg, uray ania a puli ti nagtaudanna.

Taga-Roma 2:13

Ta saan a mapalinteg ti tao iti imatang ti Dios babaen iti panagdengngegna iti Linteg, no di ket babaen iti panagtungpalna iti Linteg.

1 Taga-Corinto 6:9

Saanyo aya nga ammo a dinto tagikuaen dagiti managdakdakes ti Pagarian ti Dios? Dikayo paallilaw. Dagiti tattao nga immoral, dagiti agrukbab kadagiti didiosen, dagiti mannakikamalala, dagiti aggartem iti padada a lalaki wenno padada a babai

Taga-Efeso 5:6

Dikay paallilaw iti siasinoman babaen kadagiti ulbod a sarsarita. Dagitoy ti pakaigapuan ti panagdissuor ti pungtot ti Dios kadagiti saan nga agtulnog kenkuana.

Taga-Efeso 5:9

Ta ti lawag ti mangyeg iti nawadwad a bunga ti amin a kita ti kinaimbag, kinalinteg ken kinapudno.

Taga-Filipos 1:11

Mapnonto ti biagyo iti pudno a kinaimbag a ni laeng Jesu-Cristo ti makaaramid ket daytoy ti pakaitan-okan ken pakaidaydayawan ti Dios.

Hebreo 1:8

Ngem no maipapan iti Anak, kunana daytoy: “Ti tronom, O Dios, agnanayon nga awan patinggana! Agturayka a sililinteg iti pagariam.

Hebreo 7:2

Inted ni Abraham kenkuana ti apagkapullo ti amin a sinamsamna. (“Ari ti Kinalinteg” ti kayat a sawen ti nagan a Melkisedec. “Ari ti Kappia” ti kayatna pay a sawen gapu ta ni Melkisedec ti ari ti Salem.)

Santiago 1:22

Ngem diyo allilawen ti bagiyo. Saan nga umdas a dumngegkayo laeng. Babaen iti aramid, ipakitayo ketdi a dumngegkay iti sao.

Santiago 2:19

Mamatikayo kadi a maymaysa ti Dios? Nasayaat! Ngem laglagipenyo a mamati met dagiti demonio—ket agpigergerda pay iti buteng.

1 Pedro 2:24

Inawit ni Cristo dagiti basbasoltayo iti krus tapno mawayawayaantay iti pannakabalin ti basol ket agbiagtay a nalinteg. Ta babaen kadagiti sugatna, naagasankayo.

1 Juan 2:1

Annakko, isuratko daytoy kadakayo tapno dikayo agbasol. Ngem no adda makabasol, adda mangibabaet kadatayo iti Ama—ni Jesu-Cristo a nalinteg.

1 Juan 2:26

Isuratko dagitoy maipapan kadagiti mangal-allilaw kadakayo.

1 Juan 2:29

Ammoyo a nalinteg ni Cristo. Masapul nga ammoyo met nga annak ti Dios ti amin nga agaramid iti nalinteg.

1 Juan 3:18

Annakko, saantayo koma nga agayat babaen iti sao wenno sarita laeng. Ipakitatayo ketdi ti pudno a panagayat babaen iti aramid.

1 Juan 3:3

Tunggal maysa nga addaan iti daytoy a namnama ken ni Cristo, masapul nga agbiag a nadalus a kas ken ni Cristo a nadalus.

1 Juan 4:17

Agbalin a naan-anay ti ayat kadatayo tapno awan ti panagbutengtayo inton dumteng ti Aldaw ti Panangukom. Maaddaantayto iti tured agsipud ta ti panagbiagtayo ditoy lubong kas met idi ken ni Cristo.