1 Juan 3:4 - Ti Baro a Naimbag a Damag Biblia

⁴ Ngem ti siasinoman nga agbasol, salungasingenna ti linteg ti Dios, agsipud ta ti basol ket panagsalungasing iti linteg.

Ti Biblia (1973)

⁴ Isu-amin a macaaramid iti basol, aramidenna met ti maisallungasing iti linteg; ta ti basol isu ti panagsalungasing iti linteg.

1 Juan 3:4 Iomraidhean Croise

1 Ar-ari 8:47

ipangagmo koma ti kararag dagiti tattaom. Iti dayta a daga, no agbabawi ken agkararagda ket ipudnoda kenka ti kinamanagbasol ken kinadakesda, ipangagmo koma, O Apo, dagiti kararagda.

1 Cronicas 10:13

Natay ni Saul agsipud ta saan a nagtalinaed a napudno ken ni Yahweh. Sinukirna ti bilin ni Yahweh. Tinarigagayanna ti paidalan babaen iti pannakiumanna kadagiti espiritu dagiti natay,

2 Cronicas 24:20

Kalpasanna, bimmaba ti espiritu ti Dios ken ni Zacarias nga anak ni Jehoyada a padi. Nagtakder ni Zacarias iti lugar a makita dagiti tattao ket impukkawna: “Salsaludsoden ti Apo a Dios no apay a sinukiryo dagiti bilinna ket yegyo ti didigra kadagiti bagbagiyo! Binaybay-anyo ti Apo isut' gapuna a binaybay-annakayo met!”

Isaias 53:8

Natiliw ken naikeddeng a madusa, ket naipanaw a mapapatay; awan ti nangay-ay iti gasatna. Napapatay gapu kadagiti basol ti sangkataoan.

Daniel 9:11

Sinalungasing dagiti amin nga Israelita ti lintegmo ket saanda a nagtulnog iti imbagam. Nagbasolkami kenka ket indissuormo kadakami dagiti lunod a nailanad iti Linteg ni Moises nga adipenmo.

Numero 15:31

Linaksidna ti sao ti Apo ken sinalungasingna ti maysa kadagiti bilinna. Isu ti akimbasol iti ipapatayna.

San Mateo 5:19

Isut' gapuna a ti mangsalungasing iti kabassitan kadagiti bilbilin ken mangisungsong kadagiti dadduma nga agsalungasing met, isunto ti kanumoan iti Pagarian ti Langit. Ngem ti siasinoman nga agtungpal iti Linteg ken mangisuro pay kadagiti sabali tapno agtungpalda met, isunto ti natan-ok iti Pagarian ti Langit.

Dagiti Aramid 23:3

Kinuna ni Pablo kenkuana, “Dusaennakanto ti Dios, sika a pader a napintaan iti puraw. Situtugawka dita a mangukom kaniak kas mayannurot iti Linteg, ngem salungasingem met ti Linteg iti panangibilinmo a makabilak!”

Taga-Roma 3:20

Ta awan ti tao a mapalinteg iti imatang ti Dios babaen iti panangtungpalna iti Linteg. Agserbi ti Linteg a mangipakaammo a nakabasol ti tao.

Taga-Roma 4:15

Ta ti Linteg pataudenna ti pungtot ti Dios. Ngem no awan linteg, awan met panagsalungasing.

2 Taga-Corinto 12:21

Agamakak amangan no iti sumaruno a yaayko, pabainannakto ti Diosko iti sangoyo. Agamakak amangan no agsangitakto gapu kadagiti amin a nagbasol iti napalabas a di nagbabawi kadagiti narugit nga aramidda—dagiti basolda iti lasag ken kinaderrep.

Santiago 5:15

No mamati dagiti panglakayen nga ipangag ti Dios ti kararagda, umimbagto ti masakit; pasalun-atento ti Apo ket pakawanennanto pay dagiti basolna.

1 Samuel 15:24

“Wen, nagbasolak,” insungbat ni Saul. “Diak tinungpal ti bilin ti Apo ken dagiti bilinmo. Nagbutengak kadagiti tattaok, isu a sinurotko ti kayatda a maaramid.