1 Juan 3:3 - Ti Baro a Naimbag a Damag Biblia

³ Tunggal maysa nga addaan iti daytoy a namnama ken ni Cristo, masapul nga agbiag a nadalus a kas ken ni Cristo a nadalus.

Ti Biblia (1973)

³ Ket isu-amin dagiti addaan itoy nga inanama kencuana, aggugor a cas isu nadalus.

1 Juan 3:3 Iomraidhean Croise

2 Samuel 22:27

Kadagiti nadalus, agparangka a nadalus, ngem naungetka kadagiti nadangkok.

San Mateo 5:48

Masapul ngarud nga awan pagkuranganyo a kas ken ni Amayo sadi langit nga awan pagkuranganna.”

San Lucas 6:36

Masapul a manangngaasikayo a kas ken ni Amayo a manangngaasi.”

San Juan 17:19

Gapu kadakuada, idatonko kenka toy bagik tapno mapasantoda met iti kinapudno.

Dagiti Aramid 15:9

Agpapadatayo iti imatang ti Dios ket awan pakaidumaantayo kadakuada. Pinakawanna dagiti basolda agsipud ta namatida.

Taga-Roma 15:12

Kuna pay ni Isaias, “Addanto umay nga agtaud iti kaputotan ni Jesse; Mapadakkelto a mangituray kadagiti Hentil, Ket isunto ti pangnamnamaanda.”

2 Taga-Corinto 7:1

Naikari amin dagitoy kadatayo, patgek a gagayyem! Ngarud, awan koma ti pakapilawantayo babaen iti panangikkattayo iti amin a makatulaw iti bagi ken kararuatayo. Ket naan-anay koma a nasantoantayo babaen iti panagbiag a sibubuteng iti Dios.

Taga-Colosas 1:5

Idi damo a maipakaammo kadakayo ti pudno a mensahe, ti Naimbag a Damag, nangngegyo ti maipapan iti namnama nga ipaayna. Iti kasta, maibatay ti pammati ken ayatyo iti namnama a naisagana idiay langit nga agpaay kadakayo.

2 Taga-Tesalonica 2:16

Sapay koma ta ni Apotayo a Jesu-Cristo a mismo ken ti Dios nga Amatayo, a nagayat ken mangted kadatayo iti agnanayon a tured ken nasayaat a namnama babaen iti paraburna,

Tito 3:7

tapno babaen iti paraburna, mapalintegtay iti sangoanan ti Dios ket maaddaantay iti biag nga agnanayon a namnamatayo.

Hebreo 12:14

Ikagumaanyo ti makikappia iti amin a tattao. Ikagumaanyo met ti agbiag a nasantoan amangan no diyonto makita ti Apo.

Hebreo 6:18

Saan nga agbalbaliw dagitoy dua: ti kari ti Dios ken ti sapatana. Gapu kadagitoy, dinatayo mabalin nga ulboden ti Dios. Isut' gapuna a datayo a nagkamang kenkuana, mapapigsatayo nga agtalinaed a natibker iti namnama nga adda iti masangoanantayo.

Hebreo 7:26

Ngarud, ni Jesus ti Kangatoan a Padi a makaaramid iti amin a kasapulantayo. Nasantoan, awan tulaw wenno basolna, naisina kadagiti managbasol ket naipangato sadi langit.

Santiago 4:8

Umasidegkay iti Dios, ket umasidegto met ti Dios kadakayo. Dakayo a managbasol, buggoanyo dagiti imayo! Dakayo nga aginsisingpet, dalusanyo dagiti pusoyo!

1 Pedro 1:15

Nasantoankayo koma iti amin nga aramidyo, a kas iti kinasanto ti Dios a nangayab kadakayo.

1 Pedro 1:3

Madaydayaw ti Dios ken Ama ni Apotayo a Jesu-Cristo! Gapu iti dakkel a kaasina, naipasngaytayo iti baro a biag babaen iti panagungar ni Jesu-Cristo. Sibibiag a namnama ti impaay kadatayo daytoy baro a biag.

2 Pedro 1:4

Kastoy ti pannangtedna kadatayo kadagiti naindaklan ken napapateg a sagut nga inkarina tapno malisianyo ti pannakadadael a pinarnuay dagiti nailubongan a tarigagay ket nairanudkayo iti nadiosan a kasasaadna.

2 Pedro 3:14

Iti kasta, gagayyemko, bayat ti panagur-urayyo iti dayta nga Aldaw, makikappiakayo iti Dios ket ikagumaanyo ti agbalin a nadalus ken awan pakapilawanna iti imatangna.

1 Juan 2:6

Ti agkuna nga agtalinaed iti Dios, masapul nga agbiag a kas iti panagbiag ni Jesu-Cristo.

1 Juan 4:17

Agbalin a naan-anay ti ayat kadatayo tapno awan ti panagbutengtayo inton dumteng ti Aldaw ti Panangukom. Maaddaantayto iti tured agsipud ta ti panagbiagtayo ditoy lubong kas met idi ken ni Cristo.