1 Juan 3:22 - Ti Baro a Naimbag a Damag Biblia

²² Ikkannatayo iti aniaman a dawatentayo, agsipud ta tungpalentayo dagiti bilbilinna ken aramidentayo ti pakaragsakanna.

Ti Biblia (1973)

²² Ket isu-amin a dawatentayo, awatentayo kencuana; ta salimetmetantayo dagiti bilbilinna, ket aramidentayo dagiti banbanag a macaayayo cadagiti matana.

1 Juan 3:22 Iomraidhean Croise

Ti Libro ni Job 22:26

Ket agtalekkanto latta iti Dios; isunto ti pagtaudan ti rag-om.

Dagiti Salmo 10:17

Mangngegmo, O Apo, ti kararag dagiti nanumo; papigsaem ti pakinakemda.

Dagiti Salmo 34:4

Immawagak iti Apo ket sinungbatannak; inispalnak kadagiti amin a pagbutbutngak.

Dagiti Salmo 50:15

No umay ti riribuk, awagannak; ispalenkanto ket idaydayawnakto.”

Dagiti Proverbio 15:29

No agkararag dagiti nalinteg a tattao, dumngeg ni Yahweh ngem dina ikankano dagiti managdakdakes.

Dagiti Proverbio 28:9

No dika agtungpal iti linteg, makarimon iti Dios dagiti kararagmo.

Isaias 1:15

“No agkararagkayo nga umawag kaniak, dikayto talliawen. Uray kararagkayo a kararag, dikayto denggen ta namansaan iti basol dagiti imayo.

Jeremias 33:3

“Awagannak ket sungbatankanto. Ibagakto kenka dagiti nakaskasdaaw ken naindaklan a banag a saanmo pay nga ammo.

San Mateo 17:5

Agsasao pay laeng ni Pedro idi adda naraniag nga ulep a nanglinong kadakuada. Adda timek a naggapu iti ulep a nagkuna, “Daytoy ti Anakko a dungdungngoek ken pakaragsakak unay. Dumngegkayo kenkuana!”

San Mateo 21:22

No adda pammatiyo, awatenyonto ti aniaman a dawatenyo iti kararagyo.”

San Marcos 11:24

Gapu iti daytoy, ibagak kadakayo: Tunggal agkararagkayo ket adda dawatenyo, patienyo a naawatyon, ket maitedto ti aniaman a dawatenyo.

San Juan 14:13

Aramidekto ti aniaman a dawatenyo iti naganko tapno maitan-ok ti Ama babaen iti Anak.

San Juan 15:10

Kas iti panangtungpalko kadagiti bilbilin ni Amak ket agtaengak iti ayatna, agtalinaedkayo met iti ayatko no tungpalenyo dagiti bilbilinko.

San Juan 15:7

No agtaengkayo kaniak, ket agtaeng dagiti saok kadakayo, dawatenyo ti aniaman a kayatyo, ket maitedto kadakayo.

San Juan 6:29

“Daytoy ti kayat ti Dios nga aramidenyo: Patienyo ti imbaonna,” insungbat ni Jesus.

San Juan 8:29

Kaduak ti nangibaon kaniak. Saannak a binaybay-an nga agmaymaysa, agsipud ta kanayon nga aramidek ti makaparagsak kenkuana.”

San Juan 9:31

Ammotayo a saan nga ipangag ti Dios dagiti managbasol, ngem ipangagna dagiti tattao nga agdayaw kenkuana ken agaramid iti pagayatanna.

Dagiti Aramid 17:30

Pinalabas ti Dios dagiti tiempo a di pannakaammo kenkuana ti tao. Ngem ita, bilinenna ti amin a tattao a tallikudanda ti kinadakesda.

Dagiti Aramid 20:21

Binallaagak dagiti Judio ken dagiti Hentil a masapul nga agbabawida kadagiti basbasolda ket agturongda iti Dios, ken mamatida ken ni Apotayo a Jesus.

Taga-Filipos 4:18

Adtoy ngarud nga awatek dagiti amin nga intedyo kaniak, ket agyamanak unay. Nagsursurok pay ti intedyo. Adda aminen a masapulko, ita ta inyeg ni Epafrodito dagiti amin a sagutyo. Arigda ti daton a nabanglo ti ayamuomna iti Dios, maysa a sakrifisio a maikari ken makaparagsak kenkuana.

Taga-Colosas 1:10

ket agbiagkayo a kas iti pagayatan ti Apo. Aramidenyo a kanayon ti makaay-ayo kenkuana. Agbungakayo iti amin a kita ti naimbag nga aramid, ket umad-adunto ti ammoyo maipapan iti Dios.

Santiago 1:5

Ngem no agkurang ti siasinoman kadakayo iti kinasirib, agkararag koma iti Dios ket maikkanto. Ngamin, managparabur ti Dios ken siaayat a mangted kadagiti amin a tattao.

Santiago 4:3

Ket no agdawatkayo, awan maawatyo. Ngamin, dakes ti panggepyo; dagiti laeng bukod a pagragsakanyo ti dawatenyo.

Santiago 5:16

Ngarud, ipudnoyo dagiti basbasolyo iti tunggal maysa. Ikarkararaganyo ti tunggal maysa tapno maagasankayto. Adda nabileg a pannakabalin a parnuayen ti kararag ti nalinteg a tao.

1 Juan 2:3

No tungpalentayo dagiti bilbilin ti Dios, awan duadua nga am-ammotayo ti Dios.

1 Juan 5:14

Ditayo bumdeng nga umasideg iti Dios agsipud ta ammotayo nga itedna ti aniaman a dawatentayo no la ket mayannurot iti pagayatanna.