1 Juan 3:16 - Ti Baro a Naimbag a Damag Biblia

¹⁶ Ti pakaammoantayo no ania ti ayat isu daytoy: Impaay ni Cristo ti biagna kadatayo. Rebbengtayo met ngarud nga ipaay ti biagtayo kadagiti kakabsat!

Ti Biblia (1973)

¹⁶ Itoy ti pacaammoantayo iti ayat agsipud ta isu intedna ti biagna a maipaay cadatayo; ket datayo rebbengtay nga ited dagiti biagtayo a maipaay cadagiti cacabsat.

1 Juan 3:16 Iomraidhean Croise

San Mateo 20:28

a kas iti Anak ti Tao a saan nga immay a paserbian no di ket tapno agserbi ken yawatna ti biagna a pangsubbot kadagiti adu a tattao.”

San Juan 10:11

“Siak ti naimbag a pastor. Ti naimbag a pastor itedna ti biagna nga agpaay kadagiti karnerona.

San Juan 13:34

“Adda baro a bilin nga itedko kadakayo: Agiinnayatkayo. Kas iti panagayatko kadakayo, kasta met koma ti panagiinnayatyo.

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

Dagiti Aramid 20:28

Annadanyo ngarud ti bagbagiyo ken ti amin nga arban nga impaaywan ti Espiritu Santo kadakayo. Wen, aywananyo ti iglesia ti Dios a ginatangna babaen iti dara ti Anakna.

Taga-Roma 16:4

Nagpeggad ti biagda gapu kaniak. Saan la a siak ti agyaman kadakuada no di pay ket ti amin nga iglesia dagiti Hentil.

Taga-Roma 5:8

Ngem impakita ti Dios ti ayatna kadatayo: Idi managbasoltayo pay laeng, natay ni Cristo gapu kadatayo!

2 Taga-Corinto 4:12

Kayatna a sawen a patay ti agtartrabaho kadakami, ngem biag ti agtartrabaho kadakayo.

Taga-Efeso 5:2

Ti koma ayat ti mangiturong iti panagbiagyo, kas iti ayat nga impaay ni Cristo kadatayo babaen iti pannangtedna iti biagna gapu kadatayo, kas nabanglo a sagut ken daton a makaparagsak iti Dios.

Taga-Efeso 5:25

Lallaki, ayatenyo dagiti assawayo a kas iti panagayat ni Cristo iti iglesia. Indatonna ti biagna gapu kenkuana.

Taga-Filipos 2:17

Agragsakak uray no masapul a maibuyat ti darak a mainayon iti sakrifisio nga idaton ti pammatiyo iti Dios.

Taga-Filipos 2:30

ta impustana ti biagna ket nagistayan natay gapu iti trabaho ni Cristo tapno maitedna kaniak ti tulong a saanyo a mabalin nga ited.

1 Taga-Tesalonica 2:8

Gapu iti ayatmi kadakayo, sidadaankami a nangipaay kadakayo saan laeng a ti Naimbag a Damag nga aggapu iti Dios no di pay ket ti mismo a biagmi. Ngamin, napategkayo unay kadakami!

Tito 2:13

bayat ti panaguraytayo iti nagasat nga Aldaw a namnamaentayo, inton agparang ti dayag ni Jesu-Cristo a naindaklan a Dios ken Mangisalakan kadatayo.

1 Pedro 1:18

Ta ammoyo no ania ti naibayad tapno mawayawayaankay iti awan serserbina a panagbiag a tinawidyo kadagiti kapuonanyo. Saankayo a nagatang babaen iti banag a madadael, kas iti pirak wenno balitok.

1 Pedro 2:24

Inawit ni Cristo dagiti basbasoltayo iti krus tapno mawayawayaantay iti pannakabalin ti basol ket agbiagtay a nalinteg. Ta babaen kadagiti sugatna, naagasankayo.

1 Pedro 3:18

Naminsan a natay ni Cristo a maipaay iti amin tapno mapakawan dagiti basbasoltayo. Natay ti nalinteg a tao gapu kadagiti nakillo tapno yasidegnakayo iti Dios. Napapatay iti bagi ngem napagungar iti espiritu,

1 Juan 2:6

Ti agkuna nga agtalinaed iti Dios, masapul nga agbiag a kas iti panagbiag ni Jesu-Cristo.

1 Juan 2:9

Ti agkuna nga adda iti lawag ngem guraenna met ti kabsatna, adda pay laeng iti sipnget.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.

Paltiing 5:9

Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,