1 Juan 3:15 - Ti Baro a Naimbag a Damag Biblia

¹⁵ Mammapatay ti siasinoman a gumura iti kabsatna. Ammoyo met a ti mammapatay awan kenkuana ti biag nga agnanayon.

Ti Biblia (1973)

¹⁵ Siasinoman a gumura ken cabsatna mangpapatay ket ammoyo nga awan ti manangpapatay nga adda biagna nga agnanayon, nga agtaeng kencuana.

1 Juan 3:15 Iomraidhean Croise

Genesis 27:41

Ginura ni Esau ti kabsatna ta isu ti binendisionan ti amada. Kinuna ni Esau iti panunotna, “Uray ta asidegen ti ipapatay ni tatang. Patayekto ni Jacob kalpasan ti tiempo ti panagdung-aw.”

San Mateo 5:28

Ngem ita, ibagak kadakayo a ti siasinoman a mangmatmat iti maysa a babai, ket gartemanna, iti pusona nakabasolen iti pannakikamalala.

San Marcos 6:19

Isut' gapuna a napalalo ti gura ni Herodias ken ni Juan, ket kinayatna a mapapatay, ngem dina naallukoy ni Herodes nga umanamong iti daytoy a gandat.

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

San Juan 8:44

Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

Dagiti Aramid 23:12

Kabigatanna, nagtataripnong ti sumagmamano a Judio ket insapatada a dida mangan wenno uminum iti uray ania agingga iti mapatayda ni Pablo.

Dagiti Aramid 23:14

Napanda kadagiti panguloen a papadi ken kadagiti panglakayen ket kinunada, “Insapatami a dikami mangan iti uray ania agingga iti mapataymi ni Pablo.

Deuteronomio 19:11

“Ngem no kas pangarigan igagara ti maysa a tao a patayen ti kabusorna sa mapan agkamang iti maysa kadagitoy a siudad,

Santiago 1:15

ket inton mainawen ti dakes a tarigagay, maipasngay ti basol. No makadakkelen ti basol, yegna ti patay.

1 Pedro 1:23

Naipasngaykayo manen saan a babaen iti agrupsa a bukel no di ket babaen iti sibibiag ken agnanayon a sao ti Dios.

1 Juan 2:11

Ngem ti manggura iti kabsatna, adda iti sipnget ken magmagna iti sipnget, ket dina ammo ti turturongenna, agsipud ta kinullaapan ti sipnget dagiti matana.

1 Juan 2:9

Ti agkuna nga adda iti lawag ngem guraenna met ti kabsatna, adda pay laeng iti sipnget.

Paltiing 21:8

Ngem nakabutbutengto ti pagbanagan dagiti takrot, dagiti traidor, dagiti naderrep, dagiti mammapatay, dagiti mannakikamalala, dagiti managanito, dagiti agrukbab kadagiti didiosen ken amin nga ulbod—agyandanto iti dan-aw ti gumilgil-ayab nga apuy ken asufre nga isu ti maikadua nga ipapatay.”