1 Juan 3:13 - Ti Baro a Naimbag a Damag Biblia

¹³ Kakabsatko, dikay masdaaw no guraennakayo ti lubong.

Ti Biblia (1973)

¹³ Dicay masdaaw, cacabsat, no guraennacayo ti lubong.

1 Juan 3:13 Iomraidhean Croise

Dagiti Proverbio 29:27

Guraen dagiti nalinteg a tao dagiti managdakdakes. Guraen met dagiti managdakdakes dagiti nalinteg.

Eclesiastes 5:8

Dika masdaaw no makitam nga idadanes ti gobierno dagiti napanglaw ket ipaidamna kadakuada ti hustisia ken dagiti kalinteganda. Salakniban ti tunggal agturay dagiti ofisiales iti babaenna; ket salakniban ida dagiti nangatngato nga agturay.

San Mateo 10:22

Guraendakayto dagiti tattao gapu kaniak. Ngem ti siasinoman a makaibtur agingga iti panungpalan, maisalakanto.

San Mateo 24:9

“Matiliw ken mayawatkayto a madusa. Mapapataykayto. Guraendakayto dagiti amin a tattao gapu kaniak.

San Marcos 13:13

Guraendakayto dagiti amin a tattao gapu kaniak. Ngem maisalakanto ti siasinoman a makaibtur agingga iti panungpalan.”

San Lucas 21:17

Guraendakayto dagiti amin a tattao gapu kaniak,

San Lucas 6:22

“Nagasatkayo no guraendakayo dagiti tattao, no didakay awaten, no pabainandakayo, no kunada a dakeskayo, gapu iti Anak ti Tao!

San Juan 16:2

Pagtalawendakayto kadagiti sinagogada. Umayto ti tiempo nga ipagarup ti pumatay kadakayo nga aramidenna daytoy a kas pagrebbenganna iti Dios.

San Juan 16:33

Imbagak daytoy kadakayo tapno adda talnayo iti pannakikaduayo kaniak. Parigatennakayto ti lubong. Ngem papigsaenyo ti nakemyo! Naparmekkon ti lubong!”

San Juan 17:14

Intedko kadakuada ti saom ket ginura ida ti lubong ta kas kaniak, saanda a taga-lubong.

San Juan 3:7

Dika masdaaw no kunak kenka, ‘Masapul a mayanakkayo manen.’

San Juan 7:7

Dinakay mabalin a guraen ti lubong, ngem guraennak ta ibagbagak a dakes dagiti aramidna.

Dagiti Aramid 3:12

Idi makita ni Pedro dagiti tattao, kinunana kadakuada, “Kakabsat nga Israelita, apay a masdaawkayo iti daytoy a napasamak? Apay a kasta ti panagkitayo kadakami? Pagarupenyo aya a pinapagnami daytoy a tao iti bukodmi a pannakabalin wenno kinasanto?

Taga-Roma 8:7

Iti kasta, no paiturayan ti tao iti kababalin ti kinatao, agbalin a kabusor ti Dios, ta saanna a tungpalen ti linteg ti Dios. Kinapudnona, saanna a matungpal daytoy a linteg.

2 Timoteo 3:12

Maidadanesto ti amin nga agtarigagay nga agbiag iti nadiosan a panagbiag ken ni Cristo Jesus.

Santiago 4:4

Tattao a di mapagtalkan! Diyo kad ammo a maibusor iti Dios ti pannakigayyem iti lubong? Wen, siasinoman a makigayyem iti lubong, maibilang metten a kabusor ti Dios.

Paltiing 17:7

“Apay a masdaawka?” sinaludsod ti anghel kaniak. “Ibagak kenka ti nalimed a kaipapanan ti babai ken ti nagsakayanna a narungsot nga animal nga adda pito nga ulona ken sangapulo a sarana.