1 Juan 3:12 - Ti Baro a Naimbag a Damag Biblia

¹² Saantayo nga agbalin a kas ken ni Cain a pinaiturayan iti Managdakdakes ket pinatayna ni Abel a kabsatna. Apay a pinatayna? Gapu ta dakes dagiti aramid ni Cain, ket nalinteg dagiti aramid ti kabsatna.

Ti Biblia (1973)

¹² Saan a cas ken ni Cain nga iturayan ti dakes ket pinatayna ni cabsatna. Ket ania ti gapu a pinatayna? Agsipud ta dagidi ar-aramidna dakesda, ket dagiti ar-aramid ni cabsatna nalintegda.

1 Juan 3:12 Iomraidhean Croise

Genesis 4:25

Naaddaan ni Adan ken ti asawana iti sabali nga anak a lalaki. Kinuna ti asawana, “Pinaraburannak ti Dios iti anak a sukat ni Abel a pinatay ni Cain.” Ngarud, pinanagananna iti Set.

2 Samuel 13:22

Kasta unay met ti gura ni Absalom ken ni Amnon gapu iti inaramidna ket manipud idin, saannan a kinasasao ti kabsatna.

Dagiti Salmo 37:12

Ti managdakdakes isikatna ti nalinteg, ket agngariet iti gurana kenkuana.

Dagiti Salmo 38:20

Kaguradak dagiti tattao a dakes ti isubadda iti imbag, agsipud ta ikalikagumko nga aramiden ti nasayaat.

Dagiti Proverbio 27:4

Naranggas ken nadawel ti pungtot, ngem nakarkaro pay ti imon.

Dagiti Proverbio 29:10

Kagura dagiti mammapatay ti tao a saan nga agsasaur, ngem salakniban dagiti nalinteg ti kasta a tao.

Dagiti Proverbio 29:27

Guraen dagiti nalinteg a tao dagiti managdakdakes. Guraen met dagiti managdakdakes dagiti nalinteg.

San Mateo 13:19

“Dagiti dumngeg iti sao maipapan iti Pagarian ngem dida maawatan, mayarigda iti bukel a nagdisso iti igid ti dalan. Umay ti Managdakdakes ket rabsutenna ti naimula kadakuada.

San Mateo 13:38

“Ti talon isu ti lubong. Ti nasayaat a bukel isuda dagiti annak ti Pagarian. Dagiti ruot isuda dagiti annak ti Managdakdakes.

San Mateo 23:35

Iti kasta, madusakayto gapu iti pannakapapatay dagiti nalinteg a tattao manipud ken ni Abel agingga ken ni Zacarias nga anak ni Barakias a pinatayyo iti nagbaetan ti Templo ken ti altar.

San Mateo 27:23

Nagsaludsod manen ni Pilato kadakuada: “Ania kadi ti basolna?” “Ilansam iti krus,” inyad-addada ketdi nga impukkaw.

San Mateo 5:37

Kastoy laeng ti kunayo: no wen, ‘Wen;’ no saan, ‘Saan,’ ta agtaud iti Managdakdakes ti aniaman nga inayonyo.”

San Lucas 11:51

Nangrugi iti pannakapapatay ni Abel agingga iti pannakapapatay ni Zacarias iti nagbaetan ti altar ken ti Nasantoan a Disso. Wen, ibagak kadakayo, madusanto dagiti tattao iti daytoy a kaputotan gapu amin kadagitoy a pammapatay.

San Juan 10:32

“Adu ti naimbag nga aramid nga impaaramid kaniak ti Ama iti imatangyo,” kinuna ni Jesus kadakuada. “Ania kadagitoy ti gapu a panguboranyo kaniak?”

San Juan 8:40

Awan ti inaramidko no di imbagak laeng kadakayo ti pudno a nangngegko iti Dios. Nupay kasta, kayatdak a papatayen. Awan ti kasta nga inaramid ni Abraham.

San Juan 8:41

Dakayo, ar-aramidenyo ti aramid ti amayo.” “Saankami a bastardo,” insungbatda. “Maymaysa ti Amami, ti Dios a mismo.”

Dagiti Aramid 7:52

Adda kadi profeta a saan a pinagsagaba dagidi kapuonanyo? Pinatayda dagiti imbaon ti Dios, isuda a nangipakaammo idi iti yaay ti Nalinteg nga Adipen. Ket ita, liniputan ken pinatayyo.

1 Taga-Tesalonica 2:14

Dagiti mapaspasamak kadakayo, kakabsatko, napasamak met kadagiti tattao ni Cristo Jesus, kadagiti iglesia ti Dios idiay Judea. Pinagsagabadakayo dagiti bukodyo a kailian, kas met ti panamagsagaba dagiti Judio kadagiti taga-Judea.

Hebreo 11:4

Gapu ta adda pammati ni Abel, nangipaay iti Dios iti nasaysayaat a daton ngem ti daton ni Cain. Babaen iti pammatina, nagun-odna ti yaanamong ti Dios kas nalinteg a tao agsipud ta inawat ti Dios dagiti sagutna. Gapu iti pammati ni Abel, agsasao pay laeng uray no natayen.

Hebreo 12:24

Immasidegkayo ken ni Jesus a nangisayangkat iti baro a tulag ken iti naiparukpok a darana a mangipanamnama kadatayo kadagiti bambanag a nasaysayaat ngem ti dara ni Abel.

1 Pedro 4:4

Ket ita, masdaawda ta dikay makibunggoyen kadakuada iti aglablabes ken nabarayuboy a panagbiag. Daytoy ti gapuna a padpadaksendakayo.

1 Juan 3:8

Ngem kadua ti Diablo ti saan a sumardeng nga agbasol, ta nagbasolen ti Diablo manipud pay idi punganay. Daytoy ti gapuna nga immay ti Anak ti Dios tapno dadaelenna dagiti aramid ti Diablo.

San Judas 1:11

Nakabutbuteng ti mapasamak kadakuada ta sinurotda ti dalan ni Cain. Kas ken ni Balaam, binay-anda nga iturayan ida ti biddut gapu iti gunggona. Immalsada a kas ken ni Core ket nadadaelda met a kas kenkuana.

Paltiing 17:6

Ket nakitak a nabartek ti babai iti dara dagiti tattao ti Dios ken iti dara dagiti martir—dagiti napapatay idi gapu iti kinapudnoda ken ni Jesus. Kasta unay siddaawko a nakakita iti babai.