1 Juan 3:1 - Ti Baro a Naimbag a Damag Biblia

¹ Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.

Ti Biblia (1973)

¹ Kitaenyo no ania a kita ti ayat ti insagut cadatayo ti Ama, tapno managantay annac ti Dios, ket annacnatay ngarud. Gapu itoy ti lubong saannatay nga am-ammo, gapu ta isu saanna a naammoan.

1 Juan 3:1 Iomraidhean Croise

2 Samuel 7:19

Nupay kasta, ad-adu pay ti ar-aramidem, O Apo Dios. Nagkarika maipapan kadagiti kaputotak kadagiti tawen a mapasungad. Impalubosmo, O Apo Dios, a makita daytoy ti maysa a tao.

Dagiti Salmo 31:19

Bendision ti insaganam kadagiti agbuteng kenka, nakaskasdaaw dagiti imbag nga ipaaymo kadakuada. Ammo ti amin ti kinaimbagmo, kadagiti agtalek kenka, natalged ti salaknibmo.

Jeremias 3:19

Kuna ti Apo, “Israel, tinarigagayak nga awatenka a kas anak, ket ikkanka iti kapintasan a daga iti lubong. Impagarupko nga ibilangnak nga ama ken saannakton a paglikudan.

Oseas 1:10

Umadunto dagiti Israelita. Kasdanto iti darat ti taaw a saan a marukod wenno mabilang ti kaaduda. Kuna ti Dios kadakuada, “Saan a dakayo dagiti tattaok,” ngem umayen ti aldaw a kunana kadakuada, “Dakayo ti annak ti sibibiag a Dios!”

San Lucas 20:36

Maipadadanto kadagiti angheles a saandan a matay. Annak ida ti Dios agsipud ta nagungardan.

San Juan 1:12

Ngem adda met dagiti immawat ken namati kenkuana, isut' gapuna nga inikkanna ida iti kalintegan nga agbalin nga annak ti Dios.

San Juan 11:52

ket saan laeng a gapu kadakuada no di ket tapno pagkaykaysaenna amin dagiti naiwaraswaras nga annak ti Dios.)

San Juan 15:21

Ngem aramidendanto amin daytoy kadakayo ta kukuakayo. Saanda ngamin nga ammo ti nangibaon kaniak.

San Juan 16:3

Aramidendanto dagitoy kadakayo ta didak am-ammo, kasta met ti Ama.

San Juan 17:25

Nalinteg nga Ama, saannaka nga am-ammo ti lubong, ngem am-ammoka, ket ammoda nga imbaonnak.

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

Taga-Roma 5:8

Ngem impakita ti Dios ti ayatna kadatayo: Idi managbasoltayo pay laeng, natay ni Cristo gapu kadatayo!

Taga-Roma 8:19

Sigagagar ti sangaparsuaan nga agur-uray iti Dios a mangiparangarang kadagiti annakna.

Taga-Roma 8:21

Addanto aldaw a mawayawayaan met laeng ti amin a parsua iti nakatagabuanda a panagrupsa, ket mairanuddanto iti nagloriaan a pannakawayawaya dagiti annak ti Dios.

Taga-Roma 8:32

Dina impaidam ti mismo nga Anakna, no di ket indatonna nga agpaay kadatayo amin! No impaayna ti Anakna kadatayo, dinto kadi sisasagana a mangted met kadatayo iti isuamin?

2 Taga-Corinto 6:18

Siakto ti amayo, Ket dakayto ti annakko, Kuna ti Mannakabalin-amin nga Apo.”

Taga-Galacia 3:26

Annaknakayo amin ti Dios babaen iti pammati gapu iti pannakipagmaymaysayo ken ni Cristo Jesus.

Taga-Galacia 3:29

No taonakayo ni Cristo, kaputotannakayo ngarud ni Abraham, ket awatenyonto ti inkari ti Dios.

Deuteronomio 14:1

Intuloy ni Moises, “Dakayo ti annak ti Apo a Diosyo. Diyo sugatsugaten ti bagiyo wenno kiskisan ti mugingyo a kas pagilasinan iti panagminatayyo.

Taga-Colosas 3:3

Ta nataykayon. Naidulinen ti biagyo iti Dios iti pannakikaysayo ken ni Cristo.

1 Juan 3:10

Ti nalawag a pakaigiddiatan dagiti annak ti Dios kadagiti annak ti Diablo isu daytoy: Saan nga anak ti Dios ti siasinoman a di agaramid iti naimbag wenno di agayat iti kabsatna.

1 Juan 3:2

Ay-ayatek a gagayyem, annaknatayon ti Dios, uray no saan pay a nalawag no anianto ti pagbalinantayo. Ngem ammotayo nga inton agparang ni Cristo, agbalintayto a kas kenkuana, agsipud ta makitatayto ti kinasiasinona.

1 Juan 4:17

Agbalin a naan-anay ti ayat kadatayo tapno awan ti panagbutengtayo inton dumteng ti Aldaw ti Panangukom. Maaddaantayto iti tured agsipud ta ti panagbiagtayo ditoy lubong kas met idi ken ni Cristo.

Paltiing 21:7

Daytoy ti gunggona ti agballigi: Siakto ti Diosna ket isunto ti anakko.