1 Juan 2:7 - Ti Baro a Naimbag a Damag Biblia

⁷ Ay-ayatek a gagayyem, saan a baro a bilin daytoy isuratko kadakayo. Isu met laeng daydi daan a bilin a naited kadakayo idi damo, daydi mensahe a nangngegyo.

Ti Biblia (1973)

⁷ Ay-ayatec awan ti baro a bilin nga isuratco cadacayo, no saan a daydi bilin a daan a nangngegyo nanipud idi damo: daydi bilin a daan isu ti sao a nangngegyo.

1 Juan 2:7 Iomraidhean Croise

Levitico 19:18

Dikay agibales wenno agipempen iti gura ngem ayatenyo ti kaarrubayo a kas iti panagayatyo iti bagiyo. Siak ni Yahweh.

Levitico 19:34

Ibilangyo ida nga Israelita a kas kadakayo, ket ayatenyo ida a kas iti panagayatyo iti bagiyo. Laglagipenyo a ganggannaetkayo met idi idiay Egipto. Siak ni Yahweh a Diosyo.

San Mateo 5:43

“Nangngegyo a naisao, ‘Ayatem dagiti gagayyemmo ngem guraem dagiti kabusormo.’

San Juan 13:34

“Adda baro a bilin nga itedko kadakayo: Agiinnayatkayo. Kas iti panagayatko kadakayo, kasta met koma ti panagiinnayatyo.

Dagiti Aramid 17:19

Inawisda ni Pablo ket inkuyogda iti taripnong ti konseho ti siudad a maaw-awagan iti Areopago. “Kayatmi nga ammoen daytoy baro a pannursuro a sarsaritaem,” kinunada.

Deuteronomio 6:5

Ayatenyo ti Apo a Diosyo iti amin a pusoyo, iti amin a kararuayo, ken iti amin a pigsayo.

Hebreo 6:9

Uray no kastoy ti kunami, patgenmi a gagayyem, saankami a madanagan kadakayo. Ammomi ngamin a nasayaat ti kasasaadyo ket mangnamnamakam iti pannakaisalakanyo.

1 Juan 2:24

Ngarud, italimengyo iti pusoyo ti nangngegyo manipud idi damo. No salimetmetanyo daytoy a mensahe, awan duadua a makipagtaengkayo nga agnanayon iti Anak ken iti Ama,

1 Juan 3:11

Daytoy ti mensahe a nangngegyo manipud idi damo: masapul nga agiinnayattayo.

1 Juan 3:2

Ay-ayatek a gagayyem, annaknatayon ti Dios, uray no saan pay a nalawag no anianto ti pagbalinantayo. Ngem ammotayo nga inton agparang ni Cristo, agbalintayto a kas kenkuana, agsipud ta makitatayto ti kinasiasinona.

1 Juan 3:21

Wen, gagayyem, no saannatayo nga ukomen ti konsensiatayo, natalgedtayo nga agtakder iti sangoanan ti Dios.

1 Juan 3:23

Daytoy ti bilinna: Masapul a mamatitayo iti nagan ni Jesu-Cristo nga Anakna ken agiinnayattayo a kas imbilin ni Cristo.

1 Juan 4:1

Ay-ayatek a gagayyem, diyo patien ti amin nga agkuna nga adda ti Espiritu kadakuada, ngem suotenyo ida no agtaud iti Dios ti espiritu nga adda kadakuada. Ta nagwarasen ditoy lubong ti adu a sinan-profeta.

1 Juan 4:11

Patpatgek a gagayyem, no kastoy ti panagayat ti Dios kadatayo, rebbengna met nga agiinnayattayo.

1 Juan 4:21

Ngarud, daytoy ti bilin ni Cristo kadatayo: Ti agayat iti Dios, rebbengna met nga ayaten ti kabsatna.

1 Juan 4:7

Ay-ayatek a gagayyem, agiinnayattayo, agsipud ta ti ayat agtaud iti Dios. Anak ti Dios ti siasinoman nga agayat, ket am-ammona ti Dios.