1 Juan 2:25 - Ti Baro a Naimbag a Damag Biblia

²⁵ ket daytoy ti inkari ni Cristo kadatayo—ti biag nga agnanayon.

Ti Biblia (1973)

²⁵ Ket daytoy ti cari nga incarina cadatayo, ti biag nga agnanayon.

1 Juan 2:25 Iomraidhean Croise

Daniel 12:2

Adunto kadagiti natay ti agbiagto manen. Agbiagto iti agnanayon ti dadduma kadakuada, ket dagiti dadduma, iti agnanayon a pannakaibabain.

San Lucas 18:30

ad-adunto nga adayo ti awatenna ditoy a biag, ket iti masakbayan, biag nga agnanayon.”

San Juan 10:28

Ikkak ida iti biag nga agnanayon, ket pulos a didanto matay. Awan ti makarabsut kadakuada kaniak.

San Juan 12:50

Ket ammok a makaited iti biag nga agnanayon ti bilinna. Ngarud, no ania ti sawek, sawek ti imbilin kaniak ti Ama.”

San Juan 3:15

tapno agbiag nga agnanayon ti siasinoman a mamati kenkuana.”

San Juan 5:39

“Ad-adalenyo dagiti Sursurat agsipud ta ipagarupyo a masarakan kadagitoy ti biag nga agnanayon. Ket dagitoy met laeng a Sursurat ti agsao maipapan kaniak.

San Juan 6:27

“Dikay agbannog gapu iti taraon a madadael. Agbannogkayo ketdi gapu iti taraon nga agpaut iti biag nga agnanayon. Daytoy ti taraon nga itedto kadakayo ti Anak ti Tao, ta inted ti Dios Ama kenkuana ti yaanamongna.”

San Juan 6:40

Ta pagayatan ni Amak nga amin a makakita ken mamati iti Anak adda biagna nga agnanayon. Ket pagungarekto ida inton maudi nga aldaw.”

San Juan 6:47

“Ibagak kadakayo ti pudno: Ti mamati adda biagna nga agnanayon.

San Juan 6:54

Ti mangan iti lasagko ken uminum iti darak, adda biagna nga agnanayon, ket pagungarekto inton maudi nga aldaw.

San Juan 6:68

“Apo,” insungbat ni Simon Pedro, “siasino pay aya ti papananmi? Adda kenka dagiti sao a makaited iti biag nga agnanayon.

Taga-Roma 2:7

Adda tattao a naanus nga agaramid iti naimbag tapno magun-odda ti dayag, dayaw ken biag nga awan patinggana. Itedto ti Dios kadakuada ti biag nga agnanayon.

Taga-Roma 5:21

Ngarud, kas ti panagturay ti basol babaen ken ni patay, kasta met ti panagturay ti parabur ti Dios babaen iti kinalinteg a mangiturong kadatayo iti biag nga agnanayon babaen ken ni Jesu-Cristo nga Apotayo.

Taga-Roma 6:23

Ta patay ti supapak ti basol. Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo.

Taga-Galacia 6:8

No agmula nga agpaay iti bukodna a naindagaan a tarigagay, apitennanto ti patay. No agmula nga agpaay iti Espiritu, apitennanto ti biag nga agnanayon.

1 Timoteo 1:16

Daytoy ti gapuna a kinaasiannak ti Dios tapno iparangarang ni Cristo Jesus ti di agpatingga nga anusna kaniak, siak a kadadaksan a managbasol, tapno agserbiak nga ulidan kadagiti amin a mamatinto kenkuana, ket awatenda ti biag nga agnanayon.

1 Timoteo 6:12

Makidangadangka iti natan-ok a salisal ti pammati. Gun-odem ti biag nga agnanayon a nangayaban kenka ti Dios idi impakaammom ti kinapudnom iti sango ti adu a saksi.

1 Timoteo 6:19

Iti kasta, agurnongdanto iti kinabaknang nga agbalinto a natibker a fondasion iti masakbayan, ket maragpatdanto ti napaypayso a biag.

Tito 3:7

tapno babaen iti paraburna, mapalintegtay iti sangoanan ti Dios ket maaddaantay iti biag nga agnanayon a namnamatayo.

1 Juan 1:2

Idi naiparangarang daytoy a biag, nakitami; iti kasta, paneknekan ken ipakaammomi kadakayo ti naipakaammo kadakami maipapan iti agnanayon a biag nga addan idi iti Ama.

1 Juan 5:20

Ammotayo nga immayen ti Anak ti Dios, ket inikkannatayo iti pannakaawat tapno maammoantayo daydiay a pudno. Addatayo kenkuana a pudno, wen, addatayo ken ni Jesu-Cristo nga Anakna. Isu ti pudno a Dios ken ti biag nga agnanayon.

San Judas 1:21

Agtalinaedkayo iti ayat ti Dios. Agpannuraykay iti kaasi ni Apotayo a Jesu-Cristo a mangted kadakayo iti biag nga agnanayon.