1 Juan 2:22 - Ti Baro a Naimbag a Damag Biblia

²² Siasino ngarud ti ulbod? Ti agkuna a ni Jesus saan nga isu ti Cristo. Kabusor ni Cristo ti kasta a tao, ta dina bigbigen ti Ama ken ti Anak.

Ti Biblia (1973)

²² Asino ti naulbod, no di daydiay mangilibac a ni Jesus isu ti Cristo? Daytoy isu ti anti-cristo, daydiay mangilibac iti Ama ken iti Anac.

1 Juan 2:22 Iomraidhean Croise

San Mateo 24:24

Ta agparangto dagiti sinan-Cristo ken dagiti sinan-profeta, ket agipakitadanto kadagiti datdatlag ken nakaskasdaaw a banag tapno, no mabalin, yaw-awanda uray dagiti pinili ti Dios.

San Mateo 24:5

Adunto ti umay ket aramatendanto ti naganko a kunkunada, ‘Siak ti Cristo,’ ket adunto ti allilawenda.

San Juan 8:44

Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

1 Juan 1:6

No kunatayo a makikadkaduatayo kenkuana, ngem agbibiagtayo met iti sipnget, ulbodtayo iti sao ken aramid.

1 Juan 2:18

Annakko, asidegen ti panungpalan! Nangngegyo nga umayen ti Anti-Cristo. Ita, nagparangen ti adu a kabusor ni Cristo, ket daytoy ti pakaammoantayo nga asidegen ti panungpalan.

1 Juan 2:23

Ta ti saan a mangbigbig iti Anak, saanna met a bigbigen ti Ama. Ti mangbigbig iti Anak, bigbigenna met ti Ama.

1 Juan 2:4

No adda agkuna nga am-ammona ti Dios ngem dina met tungpalen dagiti bilinna, ulbod ti kasta a tao ket saan nga agtaeng ti kinapudno kenkuana.

1 Juan 4:20

Ulbod ti agkuna nga ay-ayatenna ti Dios ngem guraenna met ti kabsatna. Ta dina mabalin nga ayaten ti Dios a dina makita, no dina ayaten ti kabsatna a makitana.

1 Juan 4:3

Ngem siasinoman a di mangbigbig a nagbalin ni Jesus a tao, awan kenkuana ti Espiritu nga agtaud iti Dios. Agtaud iti Anti-Cristo ti espiritu nga adda kenkuana. Naibagan kadakayo ti isasangpetna ket ita addan ditoy lubong.

1 Juan 5:1

Anak ti Dios ti siasinoman a mamati a ni Jesus isu ti Cristo, ket ti siasinoman nga agayat iti maysa nga ama, ayatenna met ti anak dayta nga ama.

2 Juan 1:7

Nagwarasen ditoy lubong ti adu a mangallilaw, tattao a di mangbigbig nga immay ni Jesu-Cristo iti lasag. Mangallilaw ken Kabusor ni Cristo dagiti kakasta a tattao.

San Judas 1:4

Ta nakastrek a ditay nadnadlaw ti sumagmamano a tattao nga awanan Dios. Balballikugenda ti mensahe maipapan iti parabur ti Diostayo. Aramatenda ti sao ti Dios a panglinged kadagiti kinaderrepda. Dida bigbigen ni Jesu-Cristo a kakaisuna a Maestro ken Apotayo. Nabayagen nga impakaammo ti Nasantoan a Surat daytoy a pannakailunodda.

Paltiing 3:9

Denggem, no maipanggep iti bunggoy nga agdaydayaw ken ni Satanas, dagita nga ulbod ken agpamarang a Judioda, ibaonko ida kenka tapno agrukbabda iti sakaanam ket maammoandanto amin nga ay-ayatenka.