1 Juan 2:18 - Ti Baro a Naimbag a Damag Biblia

¹⁸ Annakko, asidegen ti panungpalan! Nangngegyo nga umayen ti Anti-Cristo. Ita, nagparangen ti adu a kabusor ni Cristo, ket daytoy ti pakaammoantayo nga asidegen ti panungpalan.

Ti Biblia (1973)

¹⁸ Annacco a dongdongngoen, isu ti camaudiananen nga horas; ket cas iti nangngegyo nga umay ni Anti-cristo, uray ita timmacderdan dagiti adu nga anti-cristo; ket daytoy ti pacaammoantayo nga isu ti camaudiananen nga horas.

1 Juan 2:18 Iomraidhean Croise

San Mateo 24:11

Tumaudto dagiti adu a sinan-profeta a mangyaw-awan kadagiti adu a tattao.

San Mateo 24:24

Ta agparangto dagiti sinan-Cristo ken dagiti sinan-profeta, ket agipakitadanto kadagiti datdatlag ken nakaskasdaaw a banag tapno, no mabalin, yaw-awanda uray dagiti pinili ti Dios.

San Mateo 24:5

Adunto ti umay ket aramatendanto ti naganko a kunkunada, ‘Siak ti Cristo,’ ket adunto ti allilawenda.

San Marcos 13:6

Adunto ti umay ket aramatenda ti naganko a kunkunada, ‘Siak ti Cristo!’ ket adunto ti allilawenda.

San Juan 21:5

Kinuna ngarud ni Jesus kadakuada, “Gagayyem, adda kadi nakalapanyo?” “Awan a pulos,” insungbatda.

Taga-Roma 13:11

Masapul nga aramidenyo daytoy ta ammoyo a panawenen tapno agriingkayo. Ta as-asidegen ti pannakaisalakantayo ngem idi damotayo ti mamati.

Taga-Roma 13:12

Lumabasen ti rabii ket bumigaten. Iwaksitayo dagiti aramid ti sipnget ket ikawestayo dagiti igam ti lawag.

Hebreo 1:2

Ngem kadagitoy maudi nga aldaw, nagsao kadatayo babaen iti Anakna. Pinarsua ti Dios ti amin a lubong babaen kenkuana, ket isu ti pinilina nga agtagikua kadagiti amin a banag.

1 Pedro 1:20

Sakbay a pinarsua ti Dios ti lubong, pinilina ni Cristo ket naiparangarang kadagitoy maudi nga aldaw tapno maisalakankayo.

1 Pedro 1:5

Agpaay dagitoy kadakayo. Babaen iti pammati, aywanannakayo ti Dios agingga a dumteng ti pannakaisalakan a naisagana a maipaduyakyak iti kamaudianan a tiempo.

1 Pedro 4:7

Asidegen ti panungpalan dagiti amin a bambanag. Agbiagkayo ngarud a nanakem ken nateppel tapno mabalinyo ti agkararag.

2 Pedro 2:1

Iti napalabas, timmaud dagiti sinan-profeta iti Israel. Kasta met nga addanto dagiti sinan-maestro nga umay kadakayo. Awanto ti makadkadlaw iti panangiserrekda kadagiti makadadael ken saan a pudno a pannursuro ket laksidendanto ti Apo a nangsubbot kadakuada. Iti kasta, kellaatto a dumteng ti pannakadadaelda.

2 Pedro 3:3

Umuna unay, maawatanyo koma a kadagiti maudi nga aldaw, umayto kadakayo dagiti tattao nga awan sabali a panggepda no di ti mangtungpal iti dakes a tarigagayda. Pagang-angawandakayto

1 Juan 2:22

Siasino ngarud ti ulbod? Ti agkuna a ni Jesus saan nga isu ti Cristo. Kabusor ni Cristo ti kasta a tao, ta dina bigbigen ti Ama ken ti Anak.

1 Juan 4:1

Ay-ayatek a gagayyem, diyo patien ti amin nga agkuna nga adda ti Espiritu kadakuada, ngem suotenyo ida no agtaud iti Dios ti espiritu nga adda kadakuada. Ta nagwarasen ditoy lubong ti adu a sinan-profeta.

1 Juan 4:3

Ngem siasinoman a di mangbigbig a nagbalin ni Jesus a tao, awan kenkuana ti Espiritu nga agtaud iti Dios. Agtaud iti Anti-Cristo ti espiritu nga adda kenkuana. Naibagan kadakayo ti isasangpetna ket ita addan ditoy lubong.

2 Juan 1:7

Nagwarasen ditoy lubong ti adu a mangallilaw, tattao a di mangbigbig nga immay ni Jesu-Cristo iti lasag. Mangallilaw ken Kabusor ni Cristo dagiti kakasta a tattao.

San Judas 1:18

Kinunada kadakayo, “Inton dumteng dagiti maudi nga aldaw, agparangto dagiti tattao a manglalais kadakayo, tattao a mangsurot kadagiti dakes a tarigagayda.”