1 Juan 2:15 - Ti Baro a Naimbag a Damag Biblia

¹⁵ Diyo ayaten ti lubong wenno uray ania nga adda iti lubong. No ayatenyo ti lubong, awan ti panagayatyo iti Ama.

Ti Biblia (1973)

¹⁵ Dicay ayaten ti lubong, uray dagiti banbanag nga adda ditoy lubong. No ti siasinoman a tao agayat iti lubong, ti ayat ti Ama awan kencuana.

1 Juan 2:15 Iomraidhean Croise

San Mateo 4:8

Impan ti Diablo iti nakangatngato a bantay ket impakitana kenkuana dagiti amin a pagarian ditoy lubong, agraman dayagda.

San Mateo 6:24

“Awan ti makapagserbi iti dua nga appo: ta guraenna ti maysa ket ayatenna ti sabali, wenno agserbi a sipupudno iti maysa ket umsienna ti sabali. Diyo mapaggiddan a pagserbian ti Dios ken ti sanikua.”

San Lucas 16:13

“Awan ti adipen a makapagserbi iti dua nga among. Ta guraennanto ti maysa ket ayatennanto ti sabali, wenno agserbinto a sipapasnek iti maysa ket umsiennanto ti sabali. Diyo mapaggiddan a pagserbian ti Dios ken ti sanikua.”

San Juan 15:19

No kukuanakayo ti lubong, ayatennakayo koma ti lubong a kas kukuana. Ngem saannakayo a kukua ti lubong. Pinilikayo a panawanyo ti lubong ket daytoy ti gapuna a guraennakayo ti lubong.

Taga-Roma 12:2

Saanyo a tultuladen dagiti ugali iti daytoy a lubong ngem palubosanyo a baliwannakayo ti Dios ket pabaroenyo a naan-anay ti panunotyo. Ket maammoanyonto ti pagayatan ti Dios—no ania ti naimbag, makaay-ayo kenkuana ken awan pagkuranganna.

Taga-Galacia 1:10

Iti kastoy a panagsaok, saanko a sapsapulen ti yaanamong dagiti tattao iti sasawek. Ti pananganamong ti Dios ti sapsapulek. Panggepko kadi ti agbalin a nalatak kadagiti tattao? No kasta ti panggepko, saan a rumbeng nga adipennak ni Cristo.

Taga-Efeso 2:2

Sinurotyo idi ti dakes a panagbiag daytoy a lubong. Pinaiturayankayo iti naespirituan a pannakabalin ti tangatang, ti espiritu a mangituray ita kadagiti tattao a saan nga agtulnog iti Dios.

1 Timoteo 6:10

Ta ti panagayat iti kuarta isu ti pagtaudan ti amin a kita ti kinadakes. Simmina ti sumagmamano a tattao iti pammati gapu iti tarigagayda a bumaknang ket nagsagabada iti adu a ladingit ken leddaang.

Santiago 1:27

Ti pudno a relihion nga awan pakapilawanna iti imatang ti Dios Ama isu daytoy: Ti itutulong kadagiti ulila ken biuda iti nakakaasi a kasasaadda ken ti panagtalinaed a nadalus a di patulawan kadagiti kinadakes ditoy lubong.

Santiago 4:4

Tattao a di mapagtalkan! Diyo kad ammo a maibusor iti Dios ti pannakigayyem iti lubong? Wen, siasinoman a makigayyem iti lubong, maibilang metten a kabusor ti Dios.

1 Juan 3:17

No addaanka ket makitam ti maysa a kabsat a makasapul iti tulong ngem dika pulos mangrikna, kasano ti panagkunam nga ay-ayatem ti Dios?

1 Juan 4:5

Nailubongan dagiti sarsaritaen dagitoy a sinan-profeta, ket denggen ida ti lubong agsipud ta kukua ida ti lubong.

1 Juan 5:10

Ngarud, siasinoman a mamati iti Anak ti Dios adda kenkuana daytoy a pammaneknek. Ngem ti di mamati iti Dios, pinagbalinna nga ulbod ti Dios, ta dina pinati ti pammaneknekna maipapan iti Anakna.