1 Juan 2:11 - Ti Baro a Naimbag a Damag Biblia

¹¹ Ngem ti manggura iti kabsatna, adda iti sipnget ken magmagna iti sipnget, ket dina ammo ti turturongenna, agsipud ta kinullaapan ti sipnget dagiti matana.

Ti Biblia (1973)

¹¹ Ngem ti gumura iti cabsatna, adda iti kinasipnget ket magmagna iti sipnget, ket dina ammo no sadino ti papananna, agsipud ta ti sipnget kinullaapanna dagiti matana.

1 Juan 2:11 Iomraidhean Croise

2 Samuel 13:22

Kasta unay met ti gura ni Absalom ken ni Amnon gapu iti inaramidna ket manipud idin, saannan a kinasasao ti kabsatna.

Dagiti Proverbio 4:19

Ngem nasipnget a kas iti rabii ti dalan dagiti managdakdakes. Maitiklebda ngem dida makita no ania ti nakaitibkolanda.

Eclesiastes 2:14

Ammo dagiti masirib ti pagturonganda, ngem dagiti maag saanda nga ammo ti pagbanaganda. Ngem ammok met a maymaysa ti pagtungpalantayo amin.

Levitico 19:17

“Diyo ipempen ti gurayo iti siasinoman ngem makilinnawagkayo kenkuana tapno dikay agbasol gapu kenkuana.

San Juan 12:35

“Bassit laengen a tiempo ti kaadda ti silaw kadakayo,” insungbat ni Jesus. “Agawaanyo ti agbiag ta adda pay la ti silaw kadakayo tapno dinakayo makamakam ti sipnget. Ta ti magna iti sipnget, dina ammo ti turturongenna.

San Juan 12:40

“Pinagbulsek ti Dios ida, kinullaapanna dagiti isipda, tapno saanda a makakita, ken saanda a makaawat, ket saanda nga agsubli kaniak, kuna ti Dios, tapno paimbagek ida.”

2 Taga-Corinto 3:14

Pudno a nakullaapan ti panunotda. Agingga ita, no basaenda dagiti libro ti daan a tulag, adda pay laeng daydi abbong a nangkumot iti panunotda. Maikkat laeng ti abbong no adda ti tao ken ni Cristo.

2 Taga-Corinto 4:4

Saanda a mamati, ta ti isipda kinullaapan ni Satanas a mangituray iti daytoy a lubong, ket dida makita ti silaw nga aggapu iti Naimbag a Damag maipapan iti dayag ni Cristo a ladawan ti Dios.

Tito 3:3

Ta maag, nasukir ken nayaw-awantayo met idi. Tinagabunatayo ti nadumaduma a kita ti tarigagay ken paggarteman. Nagbiagtayo iti dakes a panagem ken apal. Ginuradatayo dagiti sabsabali ket ginuratayo met ida.

2 Pedro 1:9

Ngem ti siasinoman nga awanan kadagitoy, arrap ken nalipatanna a naugasanen kadagiti basbasolna iti napalabas.

1 Juan 1:6

No kunatayo a makikadkaduatayo kenkuana, ngem agbibiagtayo met iti sipnget, ulbodtayo iti sao ken aramid.

1 Juan 2:10

Ti agayat iti kabsatna, agtalinaed iti lawag, ket awan kenkuana ti pakaigapuan ti panagbasol ti sabali.

1 Juan 2:9

Ti agkuna nga adda iti lawag ngem guraenna met ti kabsatna, adda pay laeng iti sipnget.

1 Juan 3:15

Mammapatay ti siasinoman a gumura iti kabsatna. Ammoyo met a ti mammapatay awan kenkuana ti biag nga agnanayon.

1 Juan 4:20

Ulbod ti agkuna nga ay-ayatenna ti Dios ngem guraenna met ti kabsatna. Ta dina mabalin nga ayaten ti Dios a dina makita, no dina ayaten ti kabsatna a makitana.

Paltiing 3:17

“Kunam a nabaknang ken narang-ayka ket adda amin a masapulmo. Ngem dimo ammo a daksanggasat ken kakaasika. Napanglawka. Lamolamoka. Bulsekka.