1 Juan 2:10 - Ti Baro a Naimbag a Damag Biblia

¹⁰ Ti agayat iti kabsatna, agtalinaed iti lawag, ket awan kenkuana ti pakaigapuan ti panagbasol ti sabali.

Ti Biblia (1973)

¹⁰ Ti agayat iti cabsatna, agtalinaed iti lawag, ket awan kencuana ti aniaman a pacaiculboan.

1 Juan 2:10 Iomraidhean Croise

Dagiti Salmo 119:165

Naan-anay ti talged dagiti agayat iti lintegmo. Awan ti makabalin a mangitibkol kadakuada.

Oseas 6:3

Agpakumbabatayo iti imatang ti Apo. Ikagumaantayo ti mangbigbig kenkuana. Awan duadua ti yaayna kadatayo, kas iti idadateng ti parbangon, kas iti damo a tudo a mangsibog iti daga.”

San Mateo 13:21

Ngem saan nga umuneg ti sao kadakuada ket saanda nga agbayag. Isut' gapuna a maupayda a dagus no dumteng ti rigrigat ken pannakaidadanes gapu iti sao.

San Mateo 18:7

Asi pay ti lubong gapu ta adda dagiti bambanag a pakaigapuan ti pannakapukaw dagiti tattao iti pammatida! Umay a di bumurong dagitoy a sulisog, ngem asi pay ti tao a pakaigapuanda!

San Juan 11:9

“Saan aya nga adda sangapulo ket dua nga oras iti agmalem?” kinuna ni Jesus. “Saan a maitibkol ti tao no magna iti aldaw, ta makitana ti silaw ti lubong.

San Juan 12:35

“Bassit laengen a tiempo ti kaadda ti silaw kadakayo,” insungbat ni Jesus. “Agawaanyo ti agbiag ta adda pay la ti silaw kadakayo tapno dinakayo makamakam ti sipnget. Ta ti magna iti sipnget, dina ammo ti turturongenna.

San Juan 8:31

Kinuna ngarud ni Jesus kadagiti Judio a namati kenkuana, “No agtalinaedkayo iti pannursurok, dakayo dagiti napaypayso nga adalak.

Taga-Roma 14:13

Ngarud, saantayon nga agiinnukom. Ikeddengyo ketdi a dikay agaramid iti aniaman a pakaitibkolan wenno pakaigapuan ti kabsatyo nga agbasol.

Taga-Filipos 1:10

tapno mabalinyo a pilien ti kasayaatan. Iti kasta, awanto ti aniaman a kinarugit ken pakababalawanyo inton Aldaw a panagsubli ni Cristo.

2 Pedro 1:10

Isut' gapuna, kakabsatko, nga ikagumaanyo ti mangpatalged iti panangayab ken panangpili kadakayo ti Dios tapno saankayto a sumina iti pammatiyo.

1 Juan 2:11

Ngem ti manggura iti kabsatna, adda iti sipnget ken magmagna iti sipnget, ket dina ammo ti turturongenna, agsipud ta kinullaapan ti sipnget dagiti matana.

1 Juan 3:14

Ammotayo a pinanawantayo ni patay ket simrektayo iti biag. Ammotayo daytoy agsipud ta ay-ayatentayo dagiti kakabsattayo. Ti saan nga agayat, adda pay laeng ken ni patay.